തിരുവനന്തപുരം : ആര്‍ഭാടങ്ങള്‍ക്ക് അതിരുകള്‍ ഇല്ലാതെ നടക്കുന്ന മന്ത്രി മക്കളുടെ വിവാഹങ്ങള്‍ക്ക് ഒരു അപവാദമായി സബ് രജിസ്ട്രാര്‍ ഓഫീസിലെ ലളിതമായ ഒരു ചടങ്ങില്‍ മന്ത്രി പുത്രിയുടെ വിവാഹം നടന്നു. വനം വകുപ്പ് മന്ത്രി ബിനോയ് വിശ്വത്തിന്റെയും ഷൈലാ ജോര്‍ജ്ജിന്റേയും മകള്‍ രശ്മിയും മലപ്പുറം പേരാമ്പ്ര സ്വദേശി ഷംസുദ്ദീനുമാണ് കഴിഞ്ഞ ദിവസം മാതൃകാ വിവാഹം നടത്തിയത്.
തിരുവനന്തപുരം പട്ടം സബ് രജിസ്ട്രാര്‍ ഓഫീസില്‍ സ്പെഷ്യല്‍ മാര്യേജ് ആക്ട് പ്രകാരം ആണ് ഇരുവരും വിവാഹിതരായത്. ലളിതമായ ചടങ്ങിനു സാക്ഷിയായി അടുത്ത ബന്ധുക്കളും ഏതാനും സുഹൃത്തുക്കളും മാത്രം. ബിനോയ് വിശ്വത്തിന്റെ ഭാര്യാ മാതാവ് കൂത്താട്ടുകുളം മേരി സാംസ്കാരിക പ്രവര്‍ത്തകരായ കെ. ഈ. എന്‍. കുഞ്ഞമ്മദ്, പി. കെ. പോക്കര്‍ തുടങ്ങിയവരും വധൂവരന്മാരെ ആശീര്‍വദിക്കുവാന്‍ എത്തിയിരുന്നു.
“ദി ഹിന്ദു” പത്രത്തിന്റെ തിരുവനന്തപുരം യൂണിറ്റില്‍ സബ് എഡിറ്ററാണ് രശ്മി. ഷംസുദ്ദീന്‍ ദേശാഭിമാനി പത്രത്തില്‍ സബ് എഡിറ്ററും. ഇരുവരും നേരത്തെ സുഹൃത്തുക്കള്‍ ആയിരുന്നു.
വിവാഹം എത്രയും ലളിതമാക്കണം എന്ന് മന്ത്രി ബിനോയ് വിശ്വത്തിനും മകള്‍ക്കും ആഗ്രഹം ഉണ്ടായിരുന്നു. വേദികളിലും ആര്‍ഭാട വിവാഹങ്ങള്‍ക്കെതിരെ സംസാരിക്കുക മാത്രമല്ല, പ്രവര്‍ത്തിയിലും നിലനിര്‍ത്തുന്ന ആദര്‍ശ ശുദ്ധി തന്റെ മകളുടെ വിവാഹത്തിലൂടെ അദ്ദേഹം തെളിയിച്ചു.
-
അനുബന്ധ വാര്‍ത്തകള്‍
വായിക്കുക: കേരള രാഷ്ട്രീയ നേതാക്കള്‍, സാമൂഹ്യ പ്രവര്‍ത്തനം, സാമൂഹ്യക്ഷേമം
ബിനോയ് വിശ്വത്തെ അഭിനന്ദിക്കുകതന്നെ വേണം.
കിലോകണക്കിനു പൊന്നും പണവുമായാ പല നേതാക്കന്മാരുടെയും മക്കളെ കെട്ടിച്ചയക്കണതും കെട്ടിക്കൊണ്ടുവരണതും. പ്രത്യേകിച്ച് ഒരു പണിയും ഇല്ലാത്ത തറ രാഷ്ടീയക്കാരൻ വരെ 100 പവൻ ഈസിയായി കൊടുക്കും. ഒരു പണത്തൂക്കം പൊന്നില്ലാത്തതിന്റെ പേരിൽ എത്രയോ പാവങ്ങൾ ഇവിടെ ഇനിയും വിവാഹം കഴിയാതെ നിൽക്കുന്നു. ഇതിനൊരു മാറ്റം വരേണ്ടതുണ്ട്.
മരുമകൾക്ക് സ്വന്തം ഓഫീസിൽ(വീട്ടിൽ തന്നെ ഉള്ള ഓഫീസിൽ എന്നാണ് കെട്ടത്) ജോലി നൽകിയ മന്ത്രിമങ്കയും കേരളത്തിൽ ഉണ്ട്. അതും മാർക്കിസ്റ്റു പാർടിയിൽ..നടക്കട്ടെ..പ്രസംഗം വേറെ പ്രവർത്തി വേറെ.
ബഹുമാനപ്പെട്ട മന്ത്രിയും മകള്‍ രശ്മിക്കും ഒരായിരം അഭിനന്ദനങ്ങള്‍.
ബഹുമാനപ്പെട്ട മന്ത്രിയും മകള്‍ രശ്മിക്കും ഒരായിരം അഭിനന്ദനങ്ങള്‍
ഈ മാതൃകാ വിവാഹം മറ്റുള്ളുവരും കണ്ടു പടിയുക്കുക,
വേദികളിലും ആര്‍ഭാട വിവാഹങ്ങള്‍ക്കെതിരെ സംസാരിക്കുക മാത്രമല്ല, പ്രവര്‍ത്തിയിലും നിലനിര്‍ത്തുന്ന ആദര്‍ശ ശുദ്ധി തന്റെ മകളുടെ വിവാഹത്തിലൂടെ അദ്ദേഹം തെളിയിച്ചു.
സുനില്‍.ഇ.പി അബുദാബി