 |
 |
 |
 |
 |
 |
 |
 |
 |
 |
 |
 |
 |
 |
പാലക്കാട് : യു. ഡി. എഫ് മന്ത്രിസഭ സാമുദായിക വര്‍ഗീയ ശക്തികളുടെ നോമിനികള്‍ നിറഞ്ഞതാണെന്നും, ആരോപണ വിധേയനായ പി. സി. ഐപി നെ അഡീഷനല്‍ അഡ്വകറ്റ് ജനറലായി നിയമിച്ചത് മാഫിയകളുമായി യു. ഡി. എഫിന്റെ ഉറച്ച ബന്ധത്തിന്റെ തെളിവാണെന്നും ഡി. വൈ. എഫ്. ഐ. സംസ്ഥാന പ്രസിഡന്‍റ് എം. ബി. രാജേഷ്‌ പാലക്കാട്ട് വെച്ച് നടന്ന വാര്‍ത്താ സമ്മേളനത്തില്‍ പ്രസ്താവിച്ചു.
- ഫൈസല്‍ ബാവ
വായിക്കുക: കേരള രാഷ്ട്രീയം, വിവാദം
കോഴിക്കോട്: നിയമസഭയിലേക്ക് തിരഞ്ഞെടുക്കപ്പെട്ടതിന് പിന്നാലെ മുസ്ലീം ലീഗിന്റെ നാല് മന്ത്രിമാരില്‍ എം. കെ. മുനീറും കൂടി ഉള്‍പെട്ടതോടെ ഏറെ വിവാദങ്ങള്‍ക്കൊടുവില്‍ ഇന്ത്യാവിഷന്‍ ചാനലിന്റെ ചെയര്‍മാന്‍ സ്ഥാനം എം. കെ മുനീര്‍ ഒഴിഞ്ഞു. വിവാദമായ ഐസ്ക്രീം പാര്‍ലര്‍ കേസിലെ സുപ്രധാനമായ ചില വിവരങ്ങള്‍ ചാനലിലൂടെ പുറത്തു വിട്ടതോടെയാണ് മുനീറും മുസ്ലീം ലീഗിലെ തന്നെ കുഞ്ഞാലികുട്ടി വിഭാഗവും തമ്മില്‍ ശീതയുദ്ധം തുടങ്ങിയത്. മുനീറിന് സീറ്റ്‌ നല്‍കേണ്ടതില്ല എന്ന് വരെ എത്തിനിന്ന തര്‍ക്കമാണ് ഇപ്പോള്‍ മന്ത്രിസ്ഥാനം ലഭിക്കുന്നതോടെ വിരാമാമിടുന്നത്. എന്നാല്‍ നേതൃത്വത്തിന്റെ ശക്തമായ സമ്മര്‍ദ്ദത്തെ തുടര്‍ന്നാണ് ചെയര്‍മാന്‍ സ്ഥാനം ഒഴിയുന്നത് എന്നാണ് വിശ്വസനീയ കേന്ദ്രങ്ങളില്‍ നിന്നും അറിയുന്നത്. പൊതുവേ ജനപ്രിയനും ആദര്‍ശവാനുമായ മുനീറിന് മന്ത്രിസ്ഥാനം നല്‍കിയില്ലെങ്കില്‍ പാര്‍ട്ടിയിലെ ഒരു വിഭാഗം പരസ്യമായി രംഗത്ത്‌ വന്നേക്കും എന്ന സൂചന പാര്‍ട്ടി നേതൃത്വത്തിനു കിട്ടിയിരുന്നു. എന്നാല്‍ കൂടുതല്‍ ഉത്തരവാദിത്വം വന്നു ചേര്‍ന്നതിനാലാണ് ഇന്ത്യാവിഷന്‍ വിടുന്നതെന്നും മുസ്ലീം ലീഗില്‍ നിന്നും ജയിച്ചു വന്ന 20 എം. എല്‍. എ മാരും മന്ത്രിമാരാകാന്‍ യോഗ്യരാനെന്നും എം. കെ. മുനീര്‍ വ്യക്തമാക്കി.
- ഫൈസല്‍ ബാവ
വായിക്കുക: കേരള രാഷ്ട്രീയം, മാധ്യമങ്ങള്‍, വിവാദം
തിരുവനന്തപുരം: കോണ്ഗ്രസിന്റെ പുതിയ മന്ത്രിമാരുടെ ലിസ്റ്റില്‍ ഇടം കണ്ടെത്തിയ മുന്‍ മന്ത്രി അടൂര്‍ പ്രകാശിനെതിരെ വിജിലന്‍സ്‌ കേസ് പുനരന്വേഷണത്തിന് ഒരുങ്ങുന്നു. 2005ല്‍ സിവില്‍ സപ്ലെസ്‌ മന്ത്രിയായിരിക്കെ റേഷന്‍ ഹോള്‍സെയില്‍ ഡീലര്‍ഷിപ്പ് അനുവദിക്കുന്നതിന് 25 ലക്ഷം രൂപ കൈക്കൂലിയായി ആവശ്യപെട്ടു എന്ന ആരോപണമാണ് പുനരന്വേഷണം നടത്തണം എന്നാവശ്യപ്പെട്ട് കോഴിക്കോട് വിജിലന്‍സ്‌ യൂനിറ്റ്‌ വിജിലന്‍സ്‌ കോടതിയില്‍ ഹര്‍ജി നല്‍കുന്നത്. കെ. പി. സി. സി. അംഗവും കോഴിക്കോട് സ്വദേശിയുമായ അബ്ദുല്‍ റഹ്മാന്‍, അജിത്‌ എന്നിവരുടെ പരാതിയെ തുടര്‍ന്ന് അന്നത്തെ ആഭ്യന്തരമന്ത്രി കോടിയേരി ബാലകൃഷ്ണന്റെ നിര്‍ദേശ പ്രകാരം പരാതി അന്വേഷിച്ച്‌ കുറ്റപത്രം സമര്‍പിച്ചിരുന്നു. പതിമൂന്നംഗ സാദ്ധ്യതാ ലിസ്റ്റില്‍ ഇടം നേടിയ അടൂര്‍ പ്രകാശിന്റെ മന്ത്രിസ്ഥാനം ഇതോടെ പ്രതിസന്ധിയിലായിരിക്കുകയാണ് .
- ഫൈസല്‍ ബാവ
വായിക്കുക: അഴിമതി, കേരള രാഷ്ട്രീയം
തിരുവനന്തപുരം: ഉമ്മന്‍ചാണ്ടിയുടെ നേതൃത്വത്തിലുള്ള ഏഴംഗ മന്ത്രിസഭ ഇന്നലെ ഉച്ചയ്ക്ക് രണ്ടിന് സത്യപ്രതിജ്ഞ ചെയ്ത് അധികാരമേറ്റു. രാജ്ഭവനില്‍ നടന്ന ചടങ്ങില്‍ ഗവര്‍ണര്‍ ആര്‍.എസ്. ഗവായ് സത്യവാചകം ചൊല്ലി കൊടുത്തു. നേതാക്കളും പാര്‍ട്ടി പ്രവര്‍ത്തകരും അണികളുമായി നിരവധി പേര്‍ സത്യ പ്രതിജ്ഞാ ചടങ്ങ് വീക്ഷിക്കാന്‍ രാജ്ഭവനില്‍ എത്തിയിരുന്നു. കേരളത്തിന്‍റെ 21-ാം മുഖ്യമന്ത്രിയായി ദൈവനാമത്തിലാണ് ഉമ്മന്ചാണ്ടി സത്യ പ്രതിജ്ഞ ചെയ്തത്. ഇത് രണ്ടാം തവണയാണ് ഉമ്മന്ചാണ്ടി മുഖ്യമന്ത്രി ആകുന്നത് . 1970 മുതല്‍ തുടര്‍ച്ചയായി പുതുപ്പള്ളിയെ പ്രതിനിധീകരിക്കുന്ന എം എല്‍ എ ആണ് അദ്ദേഹം
രണ്ടുമണിക്ക് സത്യ പ്രതിജ്ഞാചടങ്ങുകള്‍ തുടങ്ങി. ചീഫ് സെക്രട്ടറി പി. പ്രഭാകരനാണു ചടങ്ങുകള്‍ നിയന്ത്രിച്ചത്. നിയമസഭയിലെ കക്ഷിനില അനുസരിച്ച് ആദ്യം ഉമ്മന്ചാണ്ടി സത്യപ്രതിജ്ഞ ചെയ്തു. തുടര്‍ന്ന് ഘടകകക്ഷി മന്ത്രിമാരായ പി.കെ. കുഞ്ഞാലിക്കുട്ടി, കെ.എം. മാണി, കെ.പി. മോഹനന്‍, ടി.എം. ജേക്കബ്, കെ.ബി. ഗണേഷ്കുമാര്‍, ഷിബു ബേബി ജോണ്‍ എന്നിവരും സത്യപ്രതിജ്ഞ ചെയ്ത് അധികാരമേറ്റു. മുഖ്യമന്ത്രിയും മന്ത്രിമാരും ഗവര്‍ണറും ഫോട്ടോയ്ക്ക് പോസ് ചെയ്ത ശേഷം പ്രവര്‍ത്തകരെ അഭിവാദ്യം ചെയ്തു. തുടര്‍ന്ന് ഗവര്‍ണറുടെ വക ചായ സല്‍ക്കാരം ഉണ്ടായിരുന്നു.
- ലിജി അരുണ്‍
വായിക്കുക: കേരള രാഷ്ട്രീയം, കേരള രാഷ്ട്രീയ നേതാക്കള്‍, തിരഞ്ഞെടുപ്പ്
തിരുവനന്തപുരം : കേരളത്തിന്‍റെ മുഖ്യമന്ത്രി യായി ഉമ്മന്ചാണ്ടി ബുധനാഴ്ച സത്യപ്രതിജ്ഞ ചെയ്ത് അധികാരമേല്‍ക്കും.
കോണ്ഗ്രസിന്റെ 38 എം. എല്‍. എ. മാര്‍ ഉമ്മന്ചാണ്ടി യെ ഏക കണ്ഠമായി പാര്‍ട്ടിയുടെ നിയമസഭാ കക്ഷി നേതാവായി തിരഞ്ഞെടുത്തു. എം. എല്‍. എ. മാരുടെ ശുപാര്‍ശ കോണ്‍ഗ്രസ്സ് അദ്ധ്യക്ഷ സോണിയാ ഗാന്ധി അംഗീകരിച്ചു.
മുഖ്യമന്ത്രി സ്ഥാനത്തേക്കുള്ള മത്സര ത്തില്‍ നിന്ന് അവസാന നിമിഷം പിന്‍വാങ്ങിയ കെ. പി. സി. സി. പ്രസിഡന്‍റ് രമേശ് ചെന്നിത്തല യാണ് ഇക്കാര്യം അറിയിച്ചത്.
തുടര്‍ന്ന് ഉമ്മന്ചാണ്ടി ഗവര്‍ണ്ണര്‍ ആര്‍. എസ്. ഗവായിയെ സന്ദര്‍ശിച്ച് സര്‍ക്കാര്‍ രൂപീകരണ ത്തിനുള്ള ആവശ്യം അറിയിച്ചു. ഇത് രണ്ടാം തവണയാണ് ഉമ്മന്‍ ചാണ്ടി മുഖ്യമന്ത്രി ആവുന്നത്.
1970 മുതല്‍ പുതുപ്പള്ളി നിയോജക മണ്ഡലത്തെ പ്രതിനിധീകരിച്ചു വരുന്ന ഉമ്മന്ചാണ്ടി ഇക്കുറി 33225 വോട്ടിന്‍റെ ഭൂരിപക്ഷ ത്തിനാണ് വിജയിച്ചത്
- pma
വായിക്കുക: കേരള രാഷ്ട്രീയം, തിരഞ്ഞെടുപ്പ്
വാര്‍ത്തകള്‍ കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
