ആമയായിരുന്നെങ്കില്‍
ഉള്ളിലേയ്ക്ക് വലിയ്ക്കാമായിരുന്നു.
ഒട്ടകപ്പക്ഷിയായിരുന്നെങ്കില്‍
മണ്ണില്‍ പൂഴ്ത്താമായിരുന്നു.
ധൈര്യമുണ്ടായിരുന്നെങ്കില്‍
പാളത്തില്‍ വെയ്ക്കാമായിരുന്നു.
തിന്നുമെന്നുറപ്പുണ്ടെങ്കില്‍
കാക്കകള്‍ക്ക് കൊടുക്കാമായിരുന്നു.
വെന്തുകഴിഞ്ഞു.
കൂടെ ഒരു ചമ്മന്തി പോലുമില്ല.
എന്തു ചെയ്യും സര്‍ ഈ മണ്‍കലം?
-
രാം‌മോഹന്‍ പാലിയത്ത് Labels: rammohan-paliyath
3 Comments:
കവിത അനുഭവിച്ചു; പേര് രാം മോഹന്‍ പാലിയത്ത് എന്നാക്കണം
നന്നായി ഈ കവിത.
എന്തു ചെയ്യും സര്‍ ഈ മണ്‍കലം എന്നത് ഒരു ചെറിയ ചോദ്യമല്ല വലീയ ചോദ്യം തന്നെ.
സ്നേഹപുര്‍വ്വം
രാജു ഇരിങ്ങല്‍
മണ്‍കലത്തില്‍ കവിത നിറക്കുക...!
Post a Comment
Links to this post:
Create a Link
« ആദ്യ പേജിലേക്ക്