e പത്രം - ഗള്‍ഫ് വാര്‍ത്തകള്‍ - അറബിനാടുകള്‍: ജിമ്മി ജോര്‍ജ് വോളി ബോള്‍; ഫ്ലോറല്‍ ട്രേഡിംഗ് ഫൈനലില്‍

25 September 2008

ജിമ്മി ജോര്‍ജ് വോളി ബോള്‍; ഫ്ലോറല്‍ ട്രേഡിംഗ് ഫൈനലില്‍

അബുദാബി : കെ. എസ്. സി. - യു. എ. ഇ. എക്സ്ചേഞ്ച് എവര്‍ റോളിംഗ് ട്രോഫിക്കു വേണ്ടിയുള്ള പതിനാലാമത് ജിമ്മി ജോര്‍ജ്ജ് സ്മാരക റമദാന്‍ വോളി ബോള്‍ ടൂര്‍ണ്ണമെന്റ് ആദ്യ സെമി ഫൈനലില്‍ ഫ്ലോറല്‍ ട്രേഡിംഗ് ഷാര്‍ജ, നേരിട്ടുള്ള മൂന്നു സെറ്റുകള്‍ക്ക് ലബനീസ് ക്ലബ്ബിനെ തോല്പിച്ച് കലാശ ക്കളിക്ക് അര്‍ഹത നേടി. (25-18, 25-17, 26-24)

ഫ്ലോറല്‍ ട്രേഡിംഗിന്റേ യു. എ. ഇ. നാഷണല്‍ താരം റാഷിദ് അയൂബിനെ മികച്ച കളിക്കാരനായി തിരഞ്ഞെടുത്തു. സ്പോര്‍ട്സ് സിക്രട്ടറി പ്രകാശ് സമ്മാനം നല്‍കി. കെ. എസ്. സി. ഈവന്റ് കോര്‍ഡിനേറ്റര്‍ പി. എം. അബ്ദുല്‍ റഹിമാന്‍ സ്വാഗതം ആശംസിച്ചു, മുഖ്യാതിഥി എഞ്ചിനീയര്‍ അബ്ദുള്‍ റഹ്മാന്‍ കളിക്കാരെ പരിചയപ്പെട്ടു. വ്യാഴാഴ്ച നടക്കുന്ന രണ്ടാം സെമി ഫൈനലില്‍ ഇമാല്‍ അബുദാബിയും, ജിയൊ ഇലക്റ്റ്ട്രികത്സ് ദുബായിയും മത്സരിക്കും.

ശനിയാഴ്ച രാത്രി ഫൈനല്‍ മത്സരം നടക്കും.

- പി. എം. അബ്ദുള്‍ റഹിമാന്‍, അബുദാബി

ഫോട്ടോ കടപ്പാട് - സഫറുള്ള പാലപ്പെട്ടി

- e പത്രം

0അഭിപ്രായങ്ങള്‍ (+/-)
Links to this post