e പത്രം - ഗള്‍ഫ് വാര്‍ത്തകള്‍ - അറബിനാടുകള്‍: ഇശല്‍ പൊന്നോണം പ്രകാശനം ചെയ്തു

09 September 2008

ഇശല്‍ പൊന്നോണം പ്രകാശനം ചെയ്തു

മാപ്പിള പാട്ടിന്റെ ഇശലുകളില്‍ അതി മനോഹരം ആയി അണിയിച്ച് ഒരുക്കിയിരിക്കുന്ന “ഇശല്‍ പൊന്നോണം” എന്ന ഓണ പാട്ടുകളുടെ പ്രകാശന കര്‍മ്മം അബുദാബി കേരള സോഷ്യല്ല് സെന്റര്‍ പ്രസിഡന്റ് കെ. ബി. മുരളി നക്സലൈറ്റ് എന്ന സിനിമയുടെ നിര്‍മ്മാതാവ് ജോണി ഫൈന്‍ ആര്‍ട്ട്സിന് നല്‍കി കൊണ്ട് നിര്‍വഹിച്ചു.

പ്രശസ്ത യുവ കവി സത്താര്‍ കാഞ്ഞങ്ങാട് രചിച്ച് കുഞ്ഞി നീലേശ്വരം സംഗീതം പകര്‍ന്ന് കണ്ണൂര്‍ ഷരീഫ്, അഷ്രഫ് പയ്യന്നൂര്‍, ഉണ്ണി വീണാലയം, ഇബ്രാഹിം ബീരിച്ചേരി, കുഞ്ഞുട്ടി, സിബില്ല സദാനന്ദന്‍, ദിവ്യ, ലൌലി എന്നിവര്‍ ആലപിച്ച പതിനൊന്ന് ഗാനങ്ങള്‍ അടങ്ങിയ കാസറ്റ് റാഫയാണ് പുറത്തി റക്കിയി രിക്കുന്നത്.

അബുദാബി ശക്തി തിയ്യറ്റേഴ്സ് പ്രസിഡന്റ് ബഷീര്‍ ഷംനാദിന്റെ അദ്ധ്യക്ഷതയില്‍ ചേര്‍ന്ന ചടങ്ങില്‍ ശക്തി ജനറല്‍ സെക്രട്ടറി എ. എല്‍. സിയാദ്, സത്താര്‍ കാഞ്ഞങ്ങാട്, കെ. എസ്. സി. ജനറല്‍ സെക്രട്ടറി ടി. സി. ജിനരാജ് എന്നിവര്‍ സംബന്ധിച്ചു.

- സഫറുള്ള പാലപ്പെട്ടി

- e പത്രം

0അഭിപ്രായങ്ങള്‍ (+/-)
Links to this post