e പത്രം - ഗള്‍ഫ് വാര്‍ത്തകള്‍ - അറബിനാടുകള്‍: ഡോ. മന്‍മോഹന്‍ സിംഗ് ഈ മാസം 9 ന് ഖത്തറിലെത്തും

03 November 2008

ഡോ. മന്‍മോഹന്‍ സിംഗ് ഈ മാസം 9 ന് ഖത്തറിലെത്തും

പ്രധാനമന്ത്രി ഡോ. മന്‍മോഹന്‍ സിംഗ് ഈ മാസം 9 ന് ഖത്തറിലെത്തും. ഒന്‍പതിന് വൈകീട്ട് ഖത്തറിലെത്തുന്ന പ്രധാനമന്ത്രി പത്താം തീയതി മടങ്ങും. നേരത്തെ സൗദി സന്ദര്‍ശനത്തോട് അനുബന്ധിച്ചായിരുന്നു ഖത്തര്‍ സന്ദര്‍ശനവും പ്രധാനമന്ത്രിയുടെ കാര്യപരിപാടിയില്‍ ഉള്‍പ്പെടുത്തിയിരുന്നത്. ഖത്തറിന്‍റെ ചരിത്രത്തില്‍ ആദ്യമായാണ് ഒരു ഇന്ത്യന്‍ പ്രധാനമന്ത്രി സന്ദര്‍ശനത്തിന് എത്തുന്നത്.

പ്രധാനമന്ത്രിയുടെ ഖത്തര്‍ സന്ദര്‍ശനത്തിന് ഏറെ പ്രാധാന്യമാണ് രാഷ്ട്രീയ നിരീക്ഷകര്‍ കല്‍പ്പിക്കുന്നത്. ഗള്‍ഫ് മേഖലയില്‍ ഏറ്റവും സാമ്പത്തിക വളര്‍ച്ചയുള്ളതും ഇന്ത്യന്‍ സമൂഹത്തിന്‍റെ സാനിധ്യം ഏറെയുള്ളതുമായ ഖത്തറുമായിട്ടുള്ള സഹകരണം വിപുലപ്പെടുത്തുന്നതിന്‍റെ ഭാഗമായിട്ടാണ് പ്രധാനമന്ത്രിയുടെ സന്ദര്‍ശനം.

- സ്വന്തം ലേഖകന്‍

0അഭിപ്രായങ്ങള്‍ (+/-)
Links to this post