e പത്രം - ഗള്‍ഫ് വാര്‍ത്തകള്‍ - അറബിനാടുകള്‍: മദ്രസ വിദ്യാഭ്യാസത്തിന്‌ അംഗീകാരം

20 January 2009

മദ്രസ വിദ്യാഭ്യാസത്തിന്‌ അംഗീകാരം

ദുബായ് ‌: മദ്രസ വിദ്യാഭ്യാസത്തിന്‌ ഔദ്യോഗിക അംഗീകാരം നല്‍കാനും മറ്റ്‌ വിദ്യാഭ്യാസ യോഗ്യതകള്‍ക്ക്‌ സമാനമായി മദ്രസ വിദ്യാഭ്യാസത്തെ പരിഗണിക്കാനുമുള്ള കേന്ദ്ര സര്‍ക്കാറിന്റെ തീരുമാനം സ്വാഗതാര്‍ഹവും അഭിനന്ദനാ ര്‍ഹവുമാണെന്ന്‌ ആലൂര്‍ ടി. എ. മഹ്മൂട്‌ ഹാജി പ്രസ്താവിച്ചു. ഇതിന്റെ ഭാഗമായി മദ്രസ വിദ്യാഭ്യാസം നവീകരിക്കുന്നതിന്‌ കേന്ദ്ര മദ്രസാ ബോര്‍ഡ്‌ സ്ഥാപിക്കുന്ന കാര്യം കേന്ദ്ര സര്‍ക്കാര്‍ പരിഗണിച്ചു വരികയാണെന്നും ഇതു സംബന്ധിച്ച ബില്‍ അടുത്ത പാര്‍ലമന്റ് സമ്മേളനത്തില്‍ അവതരിപ്പി ക്കുമെന്നുമുള്ള കേന്ദ്ര മാനവ ശേഷി മന്ത്രി അര്‍ജുന്‍ സിംഗിന്റെ പ്രസ്താവനയേയും മുസ്ലിം വിഭാഗങ്ങളുടെ പുരോഗതിക്കായി സച്ചാര്‍ കമ്മിറ്റി സമഗ്രമായി നടപ്പാക്കണമെന്ന ഉപ രാഷ്ട്രപതി ഹമീദ്‌ അന്‍സാരിയുടെ പ്രസ്താവനയേയും ദുബായില്‍ നിന്ന്‌ അയച്ച വാര്‍ത്താ കുറുപ്പില്‍ ആലൂര്‍ പ്രശംസിച്ചു.

- ജെ. എസ്.

0അഭിപ്രായങ്ങള്‍ (+/-)
Links to this post