e പത്രം - ഗള്‍ഫ് വാര്‍ത്തകള്‍ - അറബിനാടുകള്‍: റമസാനെക്കുറിച്ച് പ്രതിപാദിക്കുന്ന മലയാളം വെബ് സൈറ്റ്

11 August 2009

റമസാനെക്കുറിച്ച് പ്രതിപാദിക്കുന്ന മലയാളം വെബ് സൈറ്റ്

കേരള മാപ്പിള കലാ അക്കാദമിയുടെ ആഭിമുഖ്യത്തില്‍ റമസാനെക്കുറിച്ച് പ്രതിപാദിക്കുന്ന മലയാളം വെബ് സൈറ്റ് പുറത്തിറക്കി. ദുബായില്‍ നടന്ന ചടങ്ങില്‍ ഇന്ത്യന്‍ മീഡിയ ഫോറം പ്രസിഡന്‍റ് പി.വി വിവേകാനന്ദ് www.enteramadan.com എന്ന സൈറ്റിന്‍റെ ഉദ്ഘാടനം നിര്‍വഹിച്ചു. ദുബായ് കേന്ദ്രമാക്കി പ്രവര്‍ത്തിക്കുന്ന അല്‍ വഫാ ഗ്രൂപ്പാണ് സൈറ്റ് തയ്യാറാക്കിയിരിക്കുന്നത്. ശിഹാബ് തങ്ങളുടെ പേരില്‍ മാനവ മൈത്രി പുരസ്ക്കാരം നല്‍കുമെന്ന് മാപ്പിള കലാ അക്കാദമി പ്രസിഡന്‍റ് പി.എച്ച് അബ്ദുല്ല മാസ്റ്റര്‍ വാര്‍ത്താ സമ്മേളനത്തില്‍ അറിയിച്ചു.പുരസ്ക്കാര ജേതാവിനെ സെപ്റ്റംബറില്‍ പ്രഖ്യാപിക്കുമെന്നും ഒക്ടോബര്‍ രണ്ടിന് ദുബായില്‍ നടക്കുന്ന ചടങ്ങില്‍ അവാര്‍ഡ് സമ്മാനിക്കുമെന്നും അദ്ദേഹം പറഞ്ഞു. വാര്‍ത്താ സമ്മേളനത്തില്‍ അഷ്റഫ് ലാസ്, സി. മുനീര്‍, കമറുദ്ദീന്‍ ഹാജി പാവറട്ടി എന്നിവരും പങ്കെടുത്തു.

- സ്വന്തം ലേഖകന്‍

0അഭിപ്രായങ്ങള്‍ (+/-)
Links to this post