e പത്രം - ഗള്‍ഫ് വാര്‍ത്തകള്‍ - അറബിനാടുകള്‍: അബുദാബില്‍ ഇനി മുതല്‍ വാഹനങ്ങള്‍ പാര്‍ക്ക് ചെയ്യാന്‍ കാശ് കൊടുക്കണം

05 October 2009

അബുദാബില്‍ ഇനി മുതല്‍ വാഹനങ്ങള്‍ പാര്‍ക്ക് ചെയ്യാന്‍ കാശ് കൊടുക്കണം

അബുദാബിയില്‍ പെയ്ഡ് പാര്‍ക്കിംഗ് സംവിധാനം ഔദ്യോഗികമായി നിലവില്‍ വന്നു. ഇന്നലെ മുതലാണ് നഗരത്തില്‍ പണം കൊടുത്ത് വാഹനം പാര്‍ക്ക് ചെയ്യുന്ന സംവിധാനം നിലവില്‍ വന്നത് . എന്നാല്‍ പാര്‍ക്കിംഗ് ഫീസ് നല്‍കാത്തവര്‍ക്ക് ഈ ആഴ്ച അവസാനം വരെ പിഴ ഈടാക്കില്ല. ലിവ സ്ട്രീറ്റ് മുതല്‍ ബനിയാസ് സ്ട്രീറ്റ് വരേയും ഹംദാന്‍ സ്ട്രീറ്റ് മുതല്‍ ഖലീഫ സ്ട്രീറ്റ് വരേയുമാണ് പാര്‍ക്കിംഗ് മീറ്ററുകള്‍ ഘടിപ്പിച്ചിരിക്കുന്നത്.

ശനിയാഴ്ചക്ക് ശേഷം ടിക്കറ്റെടുക്കാതെ വാഹനം പാര്‍ക്ക് ചെയ്യുന്നവരില്‍ നിന്നും 100 മുതല്‍ 1000 ദിര്‍ഹം വരെ പിഴ ഈടാക്കും. പാര്‍ക്കിംഗിനായി നിശ്ചയിച്ച മേഖലയ്ക്ക് പുറത്ത് വാഹനം നിര്‍ത്തിയിട്ടാലും പിഴ ഒടുക്കേണ്ടി വരും. രാവിലെ എട്ട് മുതല്‍ രാത്രി ഒമ്പത് വരെയാണ് പെയ്ഡ് പാര്‍ക്കിംഗ്സമയം.

- സ്വന്തം ലേഖകന്‍

0അഭിപ്രായങ്ങള്‍ (+/-)
Links to this post