e പത്രം - ഗള്‍ഫ് വാര്‍ത്തകള്‍ - അറബിനാടുകള്‍: കോണ്‍സുലര്‍ സേവനങ്ങള്‍ക്ക് എട്ട് റിയാല്‍ സര്‍വീസ് ചാര്‍ജായി ഈടാക്കാന്‍ തീരുമാനം

12 November 2009

കോണ്‍സുലര്‍ സേവനങ്ങള്‍ക്ക് എട്ട് റിയാല്‍ സര്‍വീസ് ചാര്‍ജായി ഈടാക്കാന്‍ തീരുമാനം

റിയാദിലെ ഇന്ത്യന്‍ എംബസിയും ജിദ്ദയിലെ ഇന്ത്യന്‍ കോണ്‍സുലേറ്റും കോണ്‍സുലര്‍ സേവനങ്ങള്‍ക്ക് എട്ട് റിയാല്‍ സര്‍വീസ് ചാര്‍ജായി ഈടാക്കാന്‍ തീരുമാനിച്ചു. ഈ മാസം 16 മുതല്‍ പുതുക്കിയ നിരക്ക് നിലവില്‍ വരും. പാസ് പോര്‍ട്ട് എടുക്കല്‍, പുതുക്കല്‍, രേഖകളുടെ അറ്റസ്റ്റേഷന്‍, വിസ തുടങ്ങി എല്ലാ കോണ്‍സുലര്‍ സേവനങ്ങള്‍ക്കും ഈ നിരക്ക് ബാധകമായിരിക്കും. നിലവിലുള്ള നിരക്കിന് പുറമേ ആറ് റിയാലാണ് അധികമായി അധികൃതര്‍ ഈടാക്കാന്‍ തീരുമാനിച്ചിരിക്കുന്നത്. കേന്ദ്ര പ്രവാസികാര്യ മന്ത്രാലയത്തിന്‍റെ നിര്‍ദേശപ്രകാരമാണ് നടപടിയെന്ന് എംബസി വാര്‍ത്താക്കുറിപ്പില്‍ അറിയിച്ചു. സാമൂഹ്യ ക്ഷേമകാര്യ വിഭാഗത്തിലെ ക്ഷേമനിധി ശക്തിപ്പെടുത്തുന്നതിനു വേണ്ടിയാണ് ചാര്‍ജ് വര്‍ധിപ്പിച്ചിരിക്കുന്നതെന്നാണ് വിശദീകരണം.

- സ്വന്തം ലേഖകന്‍

0അഭിപ്രായങ്ങള്‍ (+/-)
Links to this post