നിഴലാട്ടങ്ങളുടെ കൂത്തരങ്ങില്‍
വെളിച്ചത്തിന്റെ ധൈര്യം കാട്ടുന്നവര്‍
വിരളം
നിഗൂഢതകളുടെ ഇരുട്ടില്‍ ജനിച്ച
പൊട്ടിത്തെറി കളിലറ്റു വീണ
അനേകായിരം നിലവിളികള്‍…
എന്നാല്‍
ഈ നിലവിളികളുടെ ശംബ്ദം
തൊണ്ടക്കുഴി ക്കപ്പുറത്തേ ക്കെത്തുന്നില്ല
ആ നിലവിളി കേട്ട
മനുഷ്യരിലൊരാളായ
ഹേമന്ദ് കാര്‍ക്കര്‍
വെടിയേറ്റ് കൊല്ലപ്പെട്ടു!!!
നട്ടെല്ലുള്ള ഈ മനുഷ്യന്‍
ഭൂതത്തെ അടച്ച ഭരണി
തുറക്കുകയായിരുന്നു
മുന്‍‌വിധികളുടെ ചരിത്രം
മാറ്റുകയായിരുന്നു
അധികമൊന്നും എനിക്കറിയില്ല
താങ്കളെക്കുറിച്ച്
പക്ഷെ അറിഞ്ഞതെല്ലാം
നല്ല കാര്യങ്ങളാണ്
ഈ ആക്രമണവും
പതിവ് പറ്റ് പുസ്തകത്തില്‍
വരവു വെച്ചു
മാധ്യമങ്ങള്‍
കൂറ് തെളിയിക്കുന്നുണ്ട്
ഈ ബിസിനസ്സിലെ ലാഭം
കിട്ടുന്നതാ ര്‍ക്കാണെന്ന്‍ അറിയാന്‍
ഒരു മാധ്യമ ബാലന്‍സ് ഷീറ്റും
നോക്കേണ്ട ആവശ്യമില്ല
പാര്‍ട്ട്ണര്‍ ഷിപ്പുകളുടെ
പുതിയ കഥകള്‍
അങ്ങു തന്നെയല്ലോ
പറഞ്ഞു തന്നത്…
ഈ ആക്രമണത്തിന്റെ
സത്യം വിളിച്ചു പറയാന്‍
ഇനി ഒരു കാര്‍ക്കരെ
എന്നു വരും??
സിനിമാ ദേശാഭിമാനികള്‍
താങ്കളെ
അഭ്രപാളിയില്‍
പ്രതിഷ്ഠിക്കാനിടയില്ല,
താങ്കള്‍ക്ക് ആശ്വസിക്കാം
നന്ദി കാര്‍ക്കരെ… വളരെ നന്ദി.
“ഇരകളുടെ പക്ഷം ചേര്‍ന്നതിന്”
– ഹുസ്സൈന്‍ താനൂര്‍
- ജെ.എസ്.
അനുബന്ധ വാര്‍ത്തകള്‍
വായിക്കുക: hussain-tanur
