ക്വാലാലംപുര് : മലേഷ്യയില് മണ്ണിടിച്ചിലില് ഏഴു പേര് മരിച്ചു, തലസ്ഥാനമായ ക്വാലാലംപുറില് നിന്നു 300 കിലോമീറ്റര് അകലെ വിനോദസഞ്ചാര കേന്ദ്രമായ കാമറൂണ് ഹില്സ്റ്റേഷനു സമീപമാണ് മണ്ണിടിച്ചില് ഉണ്ടായത്. നാലു പേരെ കാണാതായിട്ടുണ്ട്. നിരവധി വീടുകള് മണ്ണിനടിയിലായി. കനത്തമഴയേത്തുടര്ന്നാണ് മണ്ണിടിച്ചിലുണ്ടായത്. സംഭവത്തില് ഗുരുതരമായി പരിക്കേറ്റ രണ്ടു പേരെ സമീപത്തുള്ള ആശുപത്രിയില് പ്രവേശിപ്പിച്ചു. കാണാതായവര്ക്കു വേണ്ടി തെരച്ചില് തുടരുകയാണ്. മുന് ബ്രിട്ടീഷ് കോളനിയായിരുന്ന കാമറൂണ് ഹില്സ്റ്റേഷന് ഇപ്പോള് മലേഷ്യയിലെ പ്രധാന വിനോദസഞ്ചാരകേന്ദ്രമാണ്.
-