ഹോണലൂലു : ഹവായ് ദ്വീപിലെ കിലുവെല്ല അഗ്നിപർവ്വതം പൊട്ടിത്തെറിച്ചതിനെ തുടർന്ന് ശക്തമായ ലാവാപ്രവാഹം. ലാവാ ഒഴുക്കിനു പിന്നാലെ പർവ്വതമേഖലയിൽ ശക്തമായ ഭൂകമ്പങ്ങളുമുണ്ടായി.

ഹവായിയിലെ ലെയ് ലാനി എസ്റ്റേറ്റിനു സമീപം താമസിക്കുന്ന കെയ്ത്ത് ബ്രോക്കിന്റെ ക്യാമറയാണ് അഗ്നിപർവ്വതം പൊട്ടിത്തെറിക്കുന്നതും ലാവ പ്രവഹിക്കുന്നതുമായ വീഡിയോ ഒപ്പിയെടുത്തത്. പൊട്ടിത്തെറിയെ തുടർന്ന് അദ്ദേഹത്തിന്റെ വീടിന്റെ അടുത്തുള്ള ഗാർഡനിലേക്ക് വരെ ലാവ ഓഴുകി എത്തിയിരുന്നു. എന്നാൽ ഏതാനും അടി മാറിയുള്ള വീട്ടിൽ നിന്നാണ് അദ്ദേഹം ചിത്രങ്ങൾ പകർത്തിയത്.

കിലുവെല്ലയുടെ തെക്കുകിഴക്കൻ മേഖലയിൽ ഭൂകമ്പമാപിനിയിൽ 6.9 തീവ്രത രേഖപ്പെടുത്തിയ ഭൂചലനമാണുണ്ടായത്.

മാനില : ഫിലിപ്പൈൻസിലെ ഷോപ്പിങ്ങ് മാളിൽ ഉണ്ടായ തീപ്പിടുത്തത്തിൽ 37 പേർ മരിച്ചു. മാളിന്റെ നാലാം നിലയിൽ നിന്ന് ശനിയാഴ്ച രാവിലെയോടെയാണ് തീ ഉയർന്നത്. തുടർന്ന് നിരവധി ആളുകൾ മാളിനുള്ളിൽ അകപ്പെട്ടു. മാളിന്റെ ഏറ്റവും മുകളിൽ 24 മണിക്കൂർ പ്രവർത്തിക്കുന്ന കോൾ സെന്ററിലാണ് ഏറ്റവും കൂടുതൽ ആളുകൾ കുടുങ്ങിക്കിടക്കുന്നതെന്ന് കരുതുന്നു.

തീയണക്കാനുള്ള ശ്രമം തുടരുന്നുണ്ടെങ്കിലും ഇതുവരെ പൂർണ്ണമായിട്ടില്ല. നാലാം നിലയിലെ തുണിയും തടിയുൽപ്പന്നങ്ങളും വിൽക്കുന്ന കടകളിൽ നിന്നുണ്ടായ തീപ്പിടുത്തം പതുക്കെ മറ്റു നിലകളിലേക്ക് വ്യാപിക്കുകയായിരുന്നു.

ലണ്ടന്‍ : ലണ്ടനില്‍ 120 ഫ്ലാറ്റുകളുള്ള 27 നില കെട്ടിടത്തിനു തീപിടിച്ചു. 2 പേര്‍ക്ക് പരിക്കേറ്റതായും അനേകം പേര്‍ കെട്ടിടത്തിനുള്ളില്‍ കുടുങ്ങിയതായും കരുതുന്നു. പ്രദേശിക സമയം പുലര്‍ച്ചെ 1 .30 നാണ് സംഭവം. കെട്ടിടത്തിന്റെ ഒരു ഭാഗത്തുനിന്നും അഗ്നി ഗോളം കണ്ടെത്തിയതിനെ തുടര്‍ന്ന് ൪൦ ഫയര്‍ എഞ്ചിനുകളിലായി 200 ലധികം പേര്‍ തീയണക്കുന്നതില്‍ ഏര്‍പ്പെട്ടിട്ടുണ്ട്.

വൈറ്റസിറ്റിയിലെ ലാറ്റിമര്‍ റോഡിലെ 27 നില കെട്ടിടത്തിലാണ് തീപടര്‍ന്നത്. ആളുകള്‍ നല്ല ഉറക്കത്തിലായതിനാല്‍ അപകട സാധ്യത കൂടുതലാണെന്നുള്ളതും ആശങ്കയുണര്‍ത്തുന്നു.
അതിശക്തമായ തീയായിരുന്നെന്നും ജീവിതത്തില്‍ ഇതുപോലൊരു അഗ്നിബാധ കണ്ടിട്ടില്ലെന്നും സമീപവാസികള്‍ പറയുന്നു.

ബെയ്റൂട്ട് : സിറിയയിലെ അസാസില്‍ വലിയ ടാങ്കര്‍ ലോറിയിലുണ്ടായ സ്ഫോടനത്തില്‍ കൊല്ലപ്പെട്ടവരുടെ എണ്ണം 48 ആയി. ശനിയാഴ്ച്ച പ്രദേശത്തെ ഇസ്ലാമിക് കോടതിക്ക് സമീപമാണ് സ്ഫോടനം നടന്നത്. പരിക്കേറ്റവരുടെ നില അതീവ ഗുരുതരമാണ്.

കോടതി ലക്ഷ്യമാക്കിയാണ് സ്ഫോടനം നടന്നതെന്ന് സംശയിക്കുന്നു. സമീപത്തെ കടകളും വാഹനങ്ങളും പൂര്‍ണ്ണമായും നശിച്ചു.

ജക്കാർത്ത : ഇന്തോനേഷ്യൻ ടൗണായ ബന്ത അഷെയിൽ ഉണ്ടായ ഭൂചലനത്തിൽ 54 മരണം. റിക്ടർ സ്കെയിലിൽ 6.4 രേഖപ്പെടുത്തിയിട്ടുണ്ട്. 12 കെട്ടിടങ്ങൾ തകർന്നു. കെട്ടിടങ്ങളുടെ ഇടയിൽ കുടുങ്ങിയ ആളുകളെ രക്ഷപ്പെടുത്താനുള്ള ശ്രമം തുടരുന്നു.

മുസ്ലീം വംശജർ കൂടുതലുള്ള ഈ പ്രദേശത്ത് രാവിലെ ജനം നമസ്കാരത്തിനു ഒരുങ്ങുമ്പോഴായിരുന്നു ഭൂചലനം. സുനാമി ഭീഷണിയില്ലെന്ന് യു.എസ് ജിയോളജിക്കൽ സർവ്വേ പ്രകാരം അധികൃതർ അറിയിച്ചു.