ദീപ്തമീ ഹരിമുരളീരവ സ്മരണ – അബ്ദുള്ളകുട്ടി ചേറ്റുവ

February 15th, 2010

Girish-Puthenchery
 
ഭാവന തന്‍ വാചാല വിസ്മയം
കൈരളി തന്‍ സര്‍ഗ്ഗ വിഹായുസ്സില്‍
പ്രണയാര്‍ദ്ര ശോകാര്‍ദ്ര
യുഗ്മ ഗാനങ്ങളില്‍ മലയാളി മറക്കാത്ത
പ്രിയ കവിയേ പ്രണാമം.
 
ഒരു ഗ്രാമ ഭംഗിയില്‍ വളര്‍ന്നു നീ എങ്കിലും
കേരളത്തിന്‍ സുഗന്ധമായ്
പാരിലാകെ സൌരഭ്യം ചൊരിഞ്ഞ
ഗിരീഷ്ജീ അങ്ങേക്കു പ്രണാമം.
 
കൊഴിഞ്ഞു പോകുന്നു വീണ്ടും
മലയാണ്മ തന്‍ നിറ സാന്നിധ്യങ്ങള്‍
കലാ സാഹിത്യ ചലചിത്ര രംഗങ്ങളില്‍
ക്ഷണികമീ ജീവിത യാത്ര മനുജന്
എല്ലാം മണ്ണോട് ചേരുമെന്നതും
പ്രാപഞ്ചിക സത്യമായിരിക്കെ
 
മറക്കുകില്ല മലയാളി തന്‍ അധരങ്ങള്‍ക്കു
മൂളി പാടാന്‍ ഒരുപാട് രാഗ പ്രപഞ്ചം തീര്‍ത്ത
പുത്തഞ്ചേരിയുടെ കവി ഭാവന
ഓര്‍മ്മയായ് നിലനില്‍ക്കും
നിന്‍ രാഗ വൈഭവം
കരുത്തുറ്റ രചനയില്‍
ദീപ്തമാം നിന്‍ ഹരിമുരളീരവം.
 
അബ്ദുള്ളകുട്ടി ചേറ്റുവ
 
 

- ജെ.എസ്.

വായിക്കുക:

2 അഭിപ്രായങ്ങള്‍ »

മഴ മേഘങ്ങള്‍ – അബ്ദുള്ളകുട്ടി ചേറ്റുവ

January 2nd, 2010

മഴ മേഘങ്ങള്‍
 
മഴ ഒരു ഓര്‍മ്മ പ്പെടുത്തലാണ്
ഇന്നലെ യുടെ നഷ്ടങ്ങളെ കുറിച്ച്,
ഇന്നിന്റെ വ്യാകുലതകളെ കുറിച്ചും,
പ്രണയത്തില്‍ മഴ സുഗന്ധമാണ് ,
വിരഹത്തില്‍ മഴ കണ്ണീരാണ്,
 
സൈകത ഭൂവിലും മഴ മേഘങ്ങള്‍
തൂകും തേന്‍ തുള്ളിയില്‍
കഴുകും മനസ്സിന്‍ പൊടി പടലങ്ങള്‍
ശുദ്ധമാക്കും നാളെയുടെ ചിന്തകളെ
മഴ ഓര്‍ക്കും തോറും പിടി കിട്ടാത്ത
സമസ്യയായി തീരുന്നു
ചില സൌഹൃദം തകര്‍ന്നതും
മറ്റു ചിലത് കൂടി ചേര്‍ന്നതും
ഇന്നലെയുടെ വര്‍ഷത്തി ലായിരുന്നു പോലും
 
അബ്ദുള്ളകുട്ടി ചേറ്റുവ
 
 

- ജെ.എസ്.

വായിക്കുക:

അഭിപ്രായം എഴുതുക »


« അര്‍പ്പിതം – സോമന്‍ കരിവെള്ളുര്‍
ജീമെയില്‍ ജാലകം – മധു കാനായി »



Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine