മാട്ടൂൽ സൂപ്പർ ലീഗ് : ഇംപാക്ട് ജേതാക്കള്‍

January 20th, 2022

logo-msl-mattul-kmcc-cricket-ePathram
അബുദാബി : മാട്ടൂൽ കെ. എം. സി. സി. ഹുദരി യാത്ത് സ്പോർട്സ് ഗ്രൗണ്ടിൽ സംഘടിപ്പിച്ച മാട്ടൂൽ സൂപ്പർ ലീഗ് സീസൺ- 4 ക്രിക്കറ്റ് ടുർണ്ണ മെന്‍റില്‍ ഇംപാക്ട് മാട്ടൂല്‍ ജേതാക്കളായി. മുഫ്തി മാട്ടൂൽ രണ്ടാം സ്ഥാനം കരസ്ഥമാക്കി.

ഇംപാക്ടിലെ ഷാരോണ്‍, മാൻ ഓഫ് ദി ടുർണ്ണ മെന്‍റ് ആയി. ഏറ്റവും നല്ല ബാറ്റ്സ് മാന്‍ : ഷഹീൻ (B Y C നോർത്ത്). മികച്ച ബൗളർ : ആബിദ് കരീം (ഒതയർക്കം). പ്രോമിസിംഗ് പ്ലയെർ : ആസിഫ് അലി. ഫെയർ പ്ലേ ടീം : സെൻട്രൽ സി. സി. എന്നിവരെയും തെരഞ്ഞെടുത്തു. 12 പ്രമുഖ ടീമുകൾ പങ്കെടുത്ത ടുർണ്ണ മെന്‍റ്, ജനപങ്കാളിത്തം കൊണ്ടും സംഘടക മികവ് കൊണ്ടും ശ്രദ്ധേയമായി.

ഷാനിഷ് കൊല്ലാറ, കെ. കെ. അഷ്‌റഫ്, മുസ്തഫ സി. എം. കെ, യൂസഫ്. ആരിഫ് കെ. വി. സാഹിർ എ. കെ. ഇസ്മായിൽ എ. വി., നൗഷാദ് വി. സി., സലാം അതിർത്തി, മുഹമ്മദലി കെ. വി., ഇബ്രാഹിം സി. കെ. ടി., ഷഫീഖ് കെ. പി. എന്നിവർ വിജയികൾക്ക് ട്രോഫികളും ക്യാഷ് പ്രൈസുകളും സമ്മാനിച്ചു.

ആരിഫ്, ഹംദാൻ ഹനീഫ്, റയീസ് കെ. പി., റഹീം സി. എം. കെ., നൗഷാദ് കെ . കെ., അഹ്‌മദ്‌ തെക്കുമ്പാട്, നൗഷാദ് താങ്കളെ പള്ളി, മുഹസ്സിർ കരിപ്പ്, മഷൂദ്, ഇക്ബാൽ സി.എം.കെ., ഹാഷിം ചളളകര എന്നിവർ ടുർണ്ണമെന്‍റ് നിയന്ത്രിച്ചു.

- pma

വായിക്കുക: ,

അഭിപ്രായം എഴുതുക »

കൊവിഡ് മാനദണ്ഡങ്ങള്‍ വീണ്ടും പുതുക്കി

January 17th, 2022

logo-abudhabi-health-department-ePathram ദുബായ് : കൊവിഡ് വൈറസ് ബാധിതര്‍ക്കും അവരുമായി സമ്പര്‍ക്കം പുലര്‍ത്തിയ വര്‍ക്കും പത്തു ദിവസത്തെ നിർബ്ബന്ധിത ക്വാറന്‍റൈന്‍ പ്രഖ്യാപിച്ച് ആരോഗ്യ വകുപ്പ് കൊവിഡ് മാന ദണ്ഡങ്ങള്‍ പുതുക്കി. അപകട സാദ്ധ്യത കൂടിയ വിഭാഗം, രോഗ ലക്ഷണങ്ങൾ കുറവുള്ള വിഭാഗം, ഗുരുതര അസുഖങ്ങള്‍ ഇല്ലാത്തവർ എന്നിങ്ങനെ വിവിധ വിഭാഗങ്ങളില്‍ പ്പെടുത്തിയാണ് കൊവിഡ് മാനദണ്ഡങ്ങള്‍ പുതുക്കി യിരിക്കുന്നത്. 50 വയസ്സു കഴിഞ്ഞവര്‍, ഗുരുതര രോഗങ്ങള്‍ ഉള്ളവര്‍, ഗര്‍ഭിണികള്‍ കൊവിഡ് ബാധിതര്‍ ആയാല്‍ ഉടന്‍ തന്നെ പ്രാഥമിക നിരീക്ഷണ കേന്ദ്രത്തിൽ റിപ്പോർട്ടു ചെയ്യുകയും ഐസൊലേഷൻ നടപടികൾ സ്വീകരിക്കുകയും ചെയ്യണം. 24 മണിക്കൂറിനിടെ ലഭിച്ച 2 പി. സി. ആർ. നെഗറ്റീവ് റിസള്‍ട്ടു കള്‍ക്കു ശേഷമേ ഐസൊലേഷൻ പൂര്‍ത്തിയാവുകയുള്ളൂ. അതല്ലെങ്കില്‍ 8 ദിവസത്തിനു ശേഷവും 10 ദിവസത്തിനു ശേഷവും പി. സി. ആര്‍. പരിശോധന ചെയ്യുകയും കഴിഞ്ഞ 3 ദിവസ ങ്ങളില്‍ രോഗ ലക്ഷണം കാണിക്കുന്നില്ല എങ്കില്‍ ഐസൊലേഷന്‍ അവസാനിപ്പിക്കാം.  കൂടുതല്‍ വിശദമായ വിവരങ്ങള്‍ക്ക് ഇവിടെ ക്ലിക്ക് ചെയ്യുക.

- pma

വായിക്കുക: , , ,

അഭിപ്രായം എഴുതുക »

വിസ സ്റ്റാമ്പ് ചെയ്യാന്‍ മെഡിക്കല്‍ ടെസ്റ്റിനായി സേഹ ആപ്പിലൂടെ ബുക്കിംഗ്

January 13th, 2022

seha-app-medical-for-visa-screening-appoinment-ePathram
അബുദാബി : വിസ സ്റ്റാമ്പ് ചെയ്യുന്നതിനു വേണ്ടിയുള്ള മെഡിക്കല്‍ പരിശോധനക്ക് ഇനി നേരിട്ട് ഹെല്‍ത്ത് സെന്‍ററില്‍ പോകുന്നതിനു മുന്‍പായി സേഹയുടെ ആപ്പ് വഴി ബുക്കിംഗ് നടത്തി അപ്പോയിന്മെന്‍റ് എടുക്കണം.

പഴയ വിസ പുതുക്കുവാനും പുതിയ റെസിഡന്‍സ് വിസ സ്റ്റാമ്പ് ചെയ്യുവാനും മെഡിക്കല്‍ എടുക്കുവാന്‍ സ്‌ക്രീനിംഗ് സെന്‍ററുകളില്‍ പോകുന്നവര്‍ സേഹ ആപ്പ് വഴി ബുക്ക് ചെയ്ത്, 72 മണിക്കൂറിന്ന് ഉള്ളില്‍ എടുത്ത കൊവിഡ് പി. സി. ആര്‍. നെഗറ്റീവ് റിസള്‍ട്ട്, കൂടെ അല്‍ ഹൊസന്‍ ആപ്പിലെ ഗ്രീന്‍ പാസ്സ് അപ്ഡേറ്റ് ചെയ്യുകയും വേണം.

നിലവിൽ അബുദാബി സിറ്റി, മുസ്സഫ, ഷഹാമ, ബനിയാസ്, ഇത്തിഹാദ് വിസ സ്ക്രീനിംഗ് സെന്‍റർ എന്നിവിടങ്ങളിലായി സേഹ യുടെ 12 ഡിസീസ് പ്രിവൻഷൻ ആൻഡ് സ്ക്രീനിംഗ് സെന്‍ററുകള്‍ പ്രവര്‍ത്തി ക്കുന്നുണ്ട്. കൂടാതെ സ്വെയ്ഹാൻ, മദീനത്ത് സായിദ്, ഡെൽമ, സില, ഗായത്തി, അൽ മർഫ എന്നിവിട ങ്ങളിലും മെഡിക്കല്‍ ടെസ്റ്റിനുള്ള സ്ക്രീനിംഗ് സെന്‍ററുകള്‍ പ്രവര്‍ത്തിക്കുന്നു.

- pma

വായിക്കുക: , , , , ,

അഭിപ്രായം എഴുതുക »

കൊവിഡ് പ്രതിരോധ പ്രവര്‍ത്തനങ്ങളെ പരിഹസിക്കുന്നത് ശിക്ഷാര്‍ഹം

January 12th, 2022

jail-for-social-media-users-to-spread-rumours-false-news-ePathram
അബുദാബി : കൊവിഡ് വ്യാപനം തടയുവാൻ അധികാരികൾ സ്വീകരിച്ച പ്രതിരോധ നടപടികളെ ക്കുറിച്ച് കിംവദന്തികളോ തെറ്റായ വിവരങ്ങളോ പ്രചരിപ്പിക്കരുത് എന്നും രാജ്യത്തെ നിയമങ്ങൾ ലംഘിക്കരുത് എന്നും യു. എ. ഇ. ഫെഡറൽ എമർജൻസി ക്രൈസിസ് ആൻഡ് ഡിസാസ്റ്റേഴ്സ് പ്രോസിക്യൂഷൻ പൊതു ജനങ്ങൾക്ക് മുന്നറിയിപ്പ് നൽകി.

അൽ ഹൊസൻ ആപ്പിൽ നിന്നുള്ള കൊവിഡ് രോഗി കളുടെ ഫോട്ടോകളും വീഡിയോകളും സോഷ്യൽ മീഡിയ യിൽ അടുത്തിടെ പ്രചരിച്ചിരുന്നു. സർക്കാരിന്‍റെ കൊവിഡ് മുൻകരുതൽ നടപടികളെ പരിഹസിക്കുന്ന കമന്‍റുകളും പാട്ടുകളും ചേർത്ത് പകർച്ച വ്യാധിയെ നേരിടു വാന്‍ ഉള്ള ദേശീയ ശ്രമങ്ങളെ ഇതില്‍ മോശമായി ചിത്രീകരിക്കുകയും ചെയ്യുന്നു. നിയമപ്രകാരം ശിക്ഷാർഹമായ പ്രവര്‍ത്തനങ്ങളില്‍ നിന്നും വിട്ടു നിൽക്കുവാന്‍ അഭ്യർത്ഥിക്കുന്നു എന്ന് പ്രോസിക്യൂഷൻ വിഭാഗം പത്ര പ്രസ്താവനയിൽ അറിയിച്ചു.

അത്തരം നടപടികൾ കിംവദന്തികൾക്കും സൈബർ കുറ്റകൃത്യങ്ങൾക്കും എതിരെ 2021ലെ ഫെഡറൽ ഉത്തരവ്, നിയമ നമ്പർ 34 പ്രകാരം ശിക്ഷാർഹം ആണെന്നും പ്രോസിക്യൂഷൻ ചൂണ്ടിക്കാട്ടി.

കൊവിഡ് വൈറസ് വ്യാപനവുമായി ബന്ധപ്പെട്ട ഏതെങ്കിലും വാർത്തകൾ സാമൂഹിക മാധ്യമങ്ങളിൽ പങ്കിടുമ്പോഴോ പ്രചരിപ്പിക്കുമ്പോഴോ പൊതു ജനങ്ങള്‍ ഉത്തരവാദിത്വ ത്തോടെ പ്രവര്‍ത്തിച്ച് മുൻ കരുതൽ നടപടികൾ സ്വീകരിക്കണം. വ്യാജ വാര്‍ത്തകള്‍ പ്രചരിപ്പിക്കുന്നത് ശിക്ഷാര്‍ഹം ആണ് എന്നുള്ള കാര്യം വീണ്ടും ഓര്‍മ്മപ്പെടുത്തി ക്കൊണ്ട്, മഹാ മാരിയെ തളച്ചിടാന്‍ രാജ്യത്തിന്‍റെ അനുബന്ധ ശ്രമങ്ങളെ പിന്തുണക്കണം എന്നും സോഷ്യൽ മീഡിയ ഉപയോക്താക്കളോട് പ്രോസിക്യൂഷൻ അഭ്യർത്ഥിച്ചു.

- pma

വായിക്കുക: , , , , , ,

അഭിപ്രായം എഴുതുക »

ജീവനക്കാര്‍ക്ക് കൃത്യ സമയത്ത് ശമ്പളം നല്‍കണം : സ്വകാര്യ സ്ഥാപനങ്ങള്‍ക്ക് മുന്നറിയിപ്പ്

January 11th, 2022

wps-in-uae-wages-protection-system-ePathram
അബുദാബി : സ്വകാര്യ സ്ഥാപനങ്ങളിലെ ജീവനക്കാര്‍ക്ക് ഓരോ മാസവും കൃത്യ സമയത്തു തന്നെ മുഴുവൻ ശമ്പളവും നൽകണം എന്ന് യു. എ. ഇ. മാനവ വിഭവ ശേഷി മന്ത്രാലയം. നിശ്ചിത ദിവസത്തിന് ഉള്ളിൽ തന്നെ വേജ് പ്രൊട്ടക്ഷൻ സിസ്റ്റം (ഡബ്ല്യു. പി. എസ്.) വഴി ശമ്പളം ജീവനക്കാരുടെ ബാങ്ക് എക്കൗണ്ടില്‍ നൽകണം. അല്ലാത്ത പക്ഷം കമ്പനികള്‍ പിഴ ഒടുക്കേണ്ടി വരും എന്നും മന്ത്രാലയം മുന്നറിയിപ്പു നല്‍കി. നിശ്ചിത തീയ്യതി കഴിഞ്ഞ് 10 ദിവസത്തിനകം വേതനം കൈമാറ്റം ചെയ്യപ്പെട്ടില്ല എങ്കിൽ അത് നിയമ ലംഘനമാണ്.

ഡബ്ല്യു. പി. എസ്. സംവിധാനത്തിലൂടെ നിശ്ചിത സമയത്തു തന്നെ ശമ്പളം നൽകിയില്ല എങ്കിൽ ഒരു തൊഴിലാളിക്ക് 1000 ദിർഹം എന്ന രീതിയില്‍ പിഴ ചുമത്തും. കൃത്യസമയത്ത് കൃത്യമായ ശമ്പളം നൽകിയാൽ തൊഴിലാളിയുടെ ഉത്പാദന ക്ഷമത വർദ്ധിക്കും എന്നും മന്ത്രാലയം ഓര്‍മ്മിപ്പിച്ചു.  (MOHRE_UAE)

 

- pma

വായിക്കുക: , , , , , , , ,

അഭിപ്രായം എഴുതുക »

1 of 1,1681231020»|

« Previous « ബഹ്റൈന്‍ കേരളീയ സമാജത്തില്‍ നാടകോത്സവം
Next Page » കൊവിഡ് പ്രതിരോധ പ്രവര്‍ത്തനങ്ങളെ പരിഹസിക്കുന്നത് ശിക്ഷാര്‍ഹം »



  • മാട്ടൂൽ സൂപ്പർ ലീഗ് : ഇംപാക്ട് ജേതാക്കള്‍
  • കൊവിഡ് മാനദണ്ഡങ്ങള്‍ വീണ്ടും പുതുക്കി
  • വിസ സ്റ്റാമ്പ് ചെയ്യാന്‍ മെഡിക്കല്‍ ടെസ്റ്റിനായി സേഹ ആപ്പിലൂടെ ബുക്കിംഗ്
  • കൊവിഡ് പ്രതിരോധ പ്രവര്‍ത്തനങ്ങളെ പരിഹസിക്കുന്നത് ശിക്ഷാര്‍ഹം
  • ജീവനക്കാര്‍ക്ക് കൃത്യ സമയത്ത് ശമ്പളം നല്‍കണം : സ്വകാര്യ സ്ഥാപനങ്ങള്‍ക്ക് മുന്നറിയിപ്പ്
  • ബഹ്റൈന്‍ കേരളീയ സമാജത്തില്‍ നാടകോത്സവം
  • നിര്‍ബ്ബന്ധിത ഹോം ക്വാറന്‍റൈന്‍ : പ്രവാസ ലോകത്ത് ശക്തമായ പ്രതിഷേധം
  • സൗദി അറേബ്യ യിലേക്ക് ഒഡെപെക് വഴി നിയമനം
  • പൊതു മാപ്പ് വാര്‍ത്ത : വ്യാജ പ്രചരണങ്ങള്‍ക്ക് എതിരെ മുന്നറിയിപ്പ്
  • ഇടവ സൈഫ് മെമ്മോറിയല്‍ പ്രഥമ അവാര്‍ഡ് ലൂയിസ് കുര്യാക്കോസിന്
  • മുൻകാല സൈനികരെ ആദരിക്കുന്നു
  • അ​ഭ്യൂ​ഹ​ങ്ങ​ളും വ്യാ​ജ വാ​ർ​ത്തകളും ​പ്രചരിപ്പിക്കരുത്
  • പുതു വര്‍ഷ പുലരിയെ വരവേറ്റത് കനത്ത മഴ
  • ഐ. എസ്. സി. അജ്മാന്‍ നാടക മത്സരം സംഘടിപ്പിക്കുന്നു
  • കൊവിഡ് പരിശോധനയിലും തട്ടിപ്പ് : അനുഭവം വ്യക്തമാക്കി ഒരു വൈറല്‍ പോസ്റ്റ്
  • കൊവിഡ് വ്യാപനം : ഡിസംബര്‍ 30 മുതല്‍ പുതിയ മാനദണ്ഡങ്ങൾ
  • പുതുവത്സര ദിനം : സ്വകാര്യ സ്ഥാപന ങ്ങളിലെ ജീവന ക്കാര്‍ക്ക് ശമ്പളത്തോടെ അവധി
  • 18 വയസ്സിന് മുകളിലുള്ളവര്‍ കൊവിഡ് ബൂസ്റ്റര്‍ ഡോസ് സ്വീകരിക്കണം
  • കെ. എം. സി. സി. മാട്ടൂൽ സൂപ്പർ ലീഗ് ലോഗോ പ്രകാശനം ചെയ്തു
  • സമാജത്തില്‍ ‘വിസ്മയം-2021’ വിന്‍റര്‍ ക്യാമ്പ്



  • കിയാല്‍ മറുപടി പറയണം : വെ...
    എയര്‍ ഇന്ത്യ ബാഗേജ് പത്ത്...
    ഒ.ഐ.സി.സി. ജില്ലാ കൺവെൻഷൻ...
    പ്രവാസി ക്ഷേമനിധി പ്രായ പ...
    സിറിയ : വെടിനിർത്തൽ അടുക്...
    സമാജം യുവജനോത്സവം : ഗോപിക...
    ജലീല്‍ രാമന്തളി യുടെ നേര്...
    ഭൂമിക്കായി ഒരു മണിക്കൂര്‍...
    അബുദാബി പുസ്തക മേളക്ക് തു...
    ജലീല്‍ രാമന്തളി യുടെ നോവല...
    മാധ്യമങ്ങള്‍ സത്യ ത്തിന്റ...
    ഇ. എം. എസ്. ആഗ്രഹിച്ച രീത...
    ഇന്ത്യന്‍ എംബസി യിലെ കമ്യ...
    ഷാര്‍ജയില്‍ തീ : മലയാളിയു...
    ഖത്തര്‍ : ലോകത്തെ ഏറ്റവും...
    യു.എ.ഇ.യില്‍ ആനയുടെ കാല്‍...
    ഏറ്റവും ആദരിക്കുന്ന നേതാവ...
    ഇന്ത്യന്‍ സിനിമകള്‍ ജീവിത...
    ബഷീര്‍ അനുസ്മരണവും സാഹിത്...
    സൌദിയില്‍ അറസ്റ്റിലായ ഗായ...

    Click here to download Malayalam fonts
    Click here to download Malayalam fonts
    Your Ad Here
    Club Penguin


    ePathram Magazine