ശൈഖ് സഈദ് ബിൻ സായിദ് അൽ നഹ്യാൻ അന്തരിച്ചു

July 27th, 2023

sheikh-saeed-bin-zayed-al-nahyan-passes-away-ePathram
അബുദാബി : രാജ കുടുംബാംഗം ശൈഖ് സഈദ് ബിൻ സായിദ് അൽ നഹ്യാൻ (58) അന്തരിച്ചു. വ്യാഴാഴ്ച പുലർച്ചെയായിരുന്നു അന്ത്യം. യു. എ. ഇ. പ്രസിഡണ്ട് ശൈഖ് മുഹമ്മദ് ബിൻ സായിദ് അൽ നഹ്യാന്‍റെ സഹോദരനാണ് ഇദ്ദേഹം. രോഗ ബാധിതനായി ചികിത്സയില്‍ ആയിരുന്നു. വ്യാഴാഴ്ച മുതൽ രാജ്യത്ത് മൂന്നു ദിവസത്തെ ഔദ്യോഗിക ദുഃഖാചരണം പ്രഖ്യാപിച്ചു.

ശൈഖ് സഈദ് ബിൻ സായിദ് അൽ നഹ്യാൻ മുൻ കാലങ്ങളിൽ വിവിധ ഔദ്യോഗിക ചുമതലകൾ വഹിച്ചിരുന്നു.

2010 മുതല്‍ അബുദാബി ഭരണാധികാരിയുടെ പ്രതി നിധിയായി നിയമിതനായി. ആസൂത്രണ വകുപ്പ് അണ്ടർ സെക്രട്ടറി, അബുദാബി എക്‌സിക്യൂട്ടീവ് കൗൺസിൽ അംഗം, മാരിടൈം പോർട്ട് അഥോറിറ്റി ചെയർമാൻ എന്നീ നിലകളില്‍ പ്രവര്‍ത്തിച്ചിട്ടുണ്ട്.

സഹോദരന്‍റെ വിയോ​ഗത്തിൽ ശൈഖ് മുഹമ്മദ് ബിൻ സായിദ് അൽ നഹ്യാൻ അനുശോചിച്ചു. ശൈഖ് സഈദിന്‍റെ നിര്യാണത്തിൽ വിവിധ ജി. സി. സി. രാഷ്ട്ര നേതാക്കളും അനുശോചനം രേഖപ്പെടുത്തി.

- pma

വായിക്കുക: , ,

അഭിപ്രായം എഴുതുക »

ഉമ്മൻ ചാണ്ടി : ദൈവത്തിൻ്റെ പച്ച മുഖം കാണിച്ചു തന്ന മനുഷ്യൻ

July 25th, 2023

oommen-chandy-passes-away-ePathram
അബുദാബി : തവനൂർ മണ്ഡലം കെ. എം. സി. സി. സംഘടിപ്പിച്ച ഉമ്മൻ ചാണ്ടി അനുസ്മരണ സമ്മേളന ത്തിൽ അബുദാബി മാർത്തോമാ ചർച്ച് ഇടവക വികാരി റവ. ജിജു ജോസഫ് മുഖ്യ പ്രഭാഷണം നടത്തി. ദൈവത്തിന്‍റെ പച്ചയായ മുഖം സമൂഹത്തിനു കാണിച്ചു തന്ന ആളായിരുന്നു ഉമ്മൻ ചാണ്ടി എന്ന് അദ്ദേഹം ഓർമ്മപ്പെടുത്തി.

ഉമ്മന്‍ ചാണ്ടിയുടെ ദേഹ വിയോഗത്തിലൂടെ കേരളത്തിനു നഷ്ടമായത് പകരക്കാരന്‍ ഇല്ലാത്ത നേതാവിനെയാണ് എന്ന് ചടങ്ങിൽ പങ്കെടുത്ത പ്രമുഖർ അനുസ്മരിച്ചു.

മണ്ഡലം പ്രസിഡണ്ട് നാസർ മംഗലം അദ്ധ്യക്ഷത വഹിച്ചു. മലപ്പുറം ജില്ലാ കെ. എം. സി. സി. പ്രസിഡണ്ട് അസീസ് കാളിയാടൻ ഉൽഘടനം ചെയ്തു. ഇബ്രാഹിം മൂദൂർ, അബ്ദുള്ള ഫാറൂഖി, അബ്ദുള്ള കുട്ടി, സലാം പുറത്തൂർ, ഇഫ്തികാറുദ്ധീൻ, മൊയ്‌ദീൻ നടുവട്ടം, അഷ്‌റഫ്‌ ആലുക്കൽ, നൗഷാദ് തൃപ്രങ്ങോട്, സമീർ പുറത്തൂർ, വി. ടി. വി. ദാമോദരന്‍, അനീഷ് മംഗലം എന്നിവർ അനുസ്മരണ പ്രഭാഷണം നടത്തി.

ഹംസകുട്ടി തൂമ്പിൽ, കെ. പി. നൗഫൽ, നിസാർ കാലടി, അഷ്‌റഫ്‌ മുട്ടനൂർ, മനാഫ് തവനൂർ, നാസർ മുട്ടനൂർ, അബ്ദുൽ ഖാദർ, ആരിഫ് ആലത്തിയൂർ, ഷാജി കണ്ടനകം, താജുദ്ധീൻ ചമ്രവട്ടം, സുബൈർ കാലടി, ഫാസിൽ തവനൂർ, ഷൗക്കത്ത് പുറത്തൂർ എന്നിവർ സംബന്ധിച്ചു. നൗഫൽ ചമ്രവട്ടം സ്വാഗതവും റഹീം തണ്ടലം നന്ദിയും പറഞ്ഞു.

- pma

വായിക്കുക: , , , ,

അഭിപ്രായം എഴുതുക »

ഉമ്മൻ ചാണ്ടിയുടെ വിയോഗം : കെ. എം. സി. സി. അനുശോചനം രേഖപ്പെടുത്തി

July 18th, 2023

oommen-chandy-passes-away-ePathram
അബുദാബി : മുന്‍ മുഖ്യമന്ത്രി ഉമ്മൻ ചാണ്ടിയുടെ നിര്യാണത്തിൽ അബുദാബി കെ. എം. സി. സി. അനുശോചനം രേഖപ്പെടുത്തി.

കേരള രാഷ്ട്രീയത്തിലെ സമുന്നതനായ ഒരു നേതാവിനെയാണ് ഉമ്മൻ ചാണ്ടി യുടെ വിയോഗ ത്തിലൂടെ നഷ്ടമായിരിക്കുന്നത്. അര നൂറ്റാണ്ട് കാലം യു. ഡി. എഫ്. രാഷ്ട്രീയത്തെ അരങ്ങിലും അണിയറ യിലും നിന്ന് നിയന്ത്രിച്ച നേതാവായിരുന്നു അദ്ദേഹം.

ലാളിത്യവും ജനകീയതയും ഉമ്മൻ ചാണ്ടിയുടെ മുഖമുദ്രയായിരുന്നു. എല്ലാവർക്കും ഏതുസമയത്തും സമീപിക്കാവുന്ന, എപ്പോഴും ജനക്കൂട്ടത്തിനു നടുവിലുള്ള നേതാവായാണ് ഉമ്മൻ ചാണ്ടി അറിയപ്പെട്ടിരുന്നത്.

പ്രവാസി വിഷയ ങ്ങളിൽ എക്കാലവും അനുകൂല നിലപാടുള്ള ഒരു വ്യക്തിത്വമായിരുന്നു ഉമ്മൻ ചാണ്ടി എന്നും അബുദാബി കെ. എം. സി. സി. പ്രസിഡണ്ട് ഷുക്കൂർ അലി കല്ലുങ്ങല്‍, ആക്ടിംഗ് ജനറൽ സെക്രട്ടറി ഷാനവാസ്‌ പുളിക്കല്‍ എന്നിവര്‍ അനുശോചന സന്ദേശത്തില്‍ അറിയിച്ചു.

- pma

വായിക്കുക: , , ,

അഭിപ്രായം എഴുതുക »

നഷ്ടമായത് പ്രവാസികൾക്ക് എന്നും പിന്തുണയേകിയ ജനകീയ നേതാവിനെ : ഡോ. ഷംഷീർ വയലിൽ.

July 18th, 2023

burjeel-vps-group-dr-shamsheer- vayalil-oommen-chandy-ePathram
അബുദാബി : ലോക മലയാളികളുടെ ആവശ്യങ്ങൾ കേൾക്കാനും ഏറ്റെടുക്കാനും രാപ്പകൽ ഭേദമില്ലാതെ പ്രവർത്തിച്ച ജനകീയ നേതാവിനെയാണ് മുൻ മുഖ്യ മന്ത്രി ഉമ്മൻ ചാണ്ടിയുടെ വിയോഗത്തിലൂടെ നഷ്ടമായത് എന്ന് ബുർജീൽ ഹോൾഡിംഗ്സ് സ്ഥാപകനും ചെയർമാനുമായ ഡോ. ഷംഷീർ വയലിൽ.

എന്നും ജനങ്ങൾക്കിടയിൽ ജീവിച്ച അദ്ദേഹം ജനകീയ രാഷ്ട്രീയ പ്രവർത്തനത്തിന് പുതിയ ദിശാ ബോധം നൽകി.

അര നൂറ്റാണ്ടില്‍ ഏറെ നിയമ സഭാ സാമാജികന്‍ ആയിരുന്നതിന്‍റെ റെക്കോർഡ് എന്നത് അദ്ദേഹത്തിന് ലഭിച്ച നിസ്സീമമായ ജന പിന്തുണയുടെ തെളിവാണ്. മുഖ്യമന്ത്രി ആയിരിക്കെയും അല്ലാതെയും യു. എ. ഇ. അടക്കമുള്ള വിദേശ രാജ്യങ്ങൾ സന്ദർശി ക്കുമ്പോഴും അദ്ദേഹം ജനങ്ങൾക്ക് ഇടയിൽ തന്നെയായിരുന്നു. ജനങ്ങളുടെ ആവശ്യങ്ങൾക്ക് കാതോർത്ത് ഉടനടി ഇടപെടുന്ന ആ ശൈലി നേരിട്ട് കാണാൻ പല കുറി അവസരം ലഭിച്ചിട്ടുണ്ട്.

oommen-chandi-visit-sheikh-zayed-grand-masjid-with-incas-leaders-ePathram
ജനങ്ങൾക്ക് അദ്ദേഹത്തോടുള്ള സ്നേഹവും ആദരവും ഓരോ കൂടിക്കാഴ്ചയിലും അത്ഭുതമായിരുന്നു. നാട്ടില്‍ ആയാലും ഒരു ഫോൺ കോളിനപ്പുറം പ്രവാസികളുടെ സങ്കടങ്ങളും ആവശ്യങ്ങളും കേൾക്കാനും ഏറ്റെടുക്കാനും ഉമ്മൻ ചാണ്ടി ഉണ്ടായിരുന്നു.

നൂലാമാലകളോ കടമ്പകളോ ഇല്ലാതെ എന്നും ജനങ്ങൾക്ക് സമീപിക്കാനുള്ള തുറസ്സും ലാളിത്യവും ഉണ്ടായിരുന്ന അദ്ദേഹം പൊതു ജീവിതത്തിൽ സൃഷ്ടിച്ചത് പുതിയ ജന സമ്പർക്ക മാതൃകയായിരുന്നു എന്നും ഡോ. ഷംഷീർ അനുസ്മരിച്ചു.

- pma

വായിക്കുക: , ,

അഭിപ്രായം എഴുതുക »

എം. പി. വീരേന്ദ്ര കുമാർ അനുസ്മരണം

June 14th, 2023

mp-veerendra-kumar-passes-away-ePathram
ഷാർജ : സോഷ്യലിസ്റ്റ് നേതാവ്, കേന്ദ്ര മന്ത്രി, എഴുത്തു കാരന്‍ എന്നീ നിലകളില്‍ രാഷ്ട്രീയത്തിലും സാഹിത്യ സാംസ്‌കാരിക സാമൂഹിക മണ്ഡല ങ്ങളിലും നിറസാന്നിദ്ധ്യമായിരുന്ന എം. പി. വീരേന്ദ്ര കുമാറിന്‍റെ മൂന്നാം ചരമ വാർഷികത്തോട് അനുബന്ധിച്ച് ജനതാ കൾച്ചറൽ സെന്‍റർ യു. എ. ഇ. കമ്മിറ്റിയുടെ നേതൃത്വത്തില്‍ അനുസ്മരണ യോഗം ചേര്‍ന്നു.

കെ. എം. സി. സി. നേതാവ് പി. കെ. അൻവർ നഹ അനുസ്മരണ യോഗം ഉദ്ഘാടനം ചെയ്തു. കേരളം കണ്ട ക്രാന്ത ദർശിയായ സോഷ്യലിസ്റ്റ് ജന നേതാവും പരിസ്ഥിതി പ്രവർത്തകനും ആയിരുന്നു എം. പി. വീരേന്ദ്ര കുമാർ.

പരിസ്ഥിതി സംരക്ഷണത്തിനു വേണ്ടിയും വർഗ്ഗീയത, ഫാസിസം എന്നിവക്ക് എതിരെയും തന്‍റെ എഴുത്തി ലൂടെയും പ്രഭാഷണ ങ്ങളിലൂടെയും പ്രവർത്തന ങ്ങളിലൂടെയും വീരേന്ദ്ര കുമാർ നടത്തിയ സേവന ങ്ങൾ നിസ്തുലമായിരുന്നു, അവ എന്നുമെന്നും സ്മരിക്കപ്പെടും എന്നും ഉദ്ഘാടന പ്രസംഗത്തിൽ പി. കെ. അൻവർ നഹ അഭിപ്രായപ്പെട്ടു. കാഞ്ഞങ്ങാട് മുൻ നഗര സഭാ അദ്ധ്യക്ഷ ദിവ്യ മണി മുഖ്യാതിഥി ആയിരുന്നു.

മലബാർ പ്രവാസി ജനറൽ സെക്രട്ടറി അഡ്വ. മുഹമ്മദ് സാജിദ് മുഖ്യ പ്രഭാഷണം നടത്തി. അധികാര രാഷ്ട്രീയ ത്തേക്കാള്‍ ഉപരി നിലപാടുകൾക്കും ആദർശ രാഷ്ട്രീയത്തിനും പ്രാധാന്യം നൽകിയ വീരേന്ദ്ര കുമാറിനെ പോലെ യുള്ള നേതാക്കളെ വൈരുദ്ധ്യാത്മക രാഷ്ട്രീയത്തിന്‍റെ വക്താക്കളായ ഇന്നത്തെ നേതാക്കൾ മാതൃകയാക്കണം എന്നും അദ്ദേഹം പറഞ്ഞു.

ജെ. സി. സി. ഓവർസീസ് കമ്മിറ്റി പ്രസിഡണ്ട് പി. ജി. രാജേന്ദ്രൻ അനുസ്മരണ പ്രഭാഷണം നടത്തി. ചടങ്ങിൽ ടി. ജെ. ബാബു അദ്ധ്യക്ഷത വഹിച്ചു. രാജേഷ് എ. കെ., പവിത്രൻ തിക്കോടി, രാമ ചന്ദ്രൻ, സുരേന്ദ്രൻ പയ്യോളി, പ്രദീപ്, മണി, വിജയൻ, ബാബു, ബഷീർ മേപ്പയ്യൂർ എന്നിവർ സംസാരിച്ചു. ജെ. സി. സി. (യു. എ. ഇ.) സെക്രട്ടറി ടെന്നിസൻ ചേന്നപ്പള്ളി സ്വാഗതവും ട്രഷറർ സുനിൽ പാറമ്മൽ നന്ദിയും പറഞ്ഞു.

- pma

വായിക്കുക: , , , , , ,

അഭിപ്രായം എഴുതുക »

1 of 401231020»|

« Previous « ഭരതാഞ്ജലി യുടെ പ്രയുക്തി – രാമ സംയതി അരങ്ങിലെത്തുന്നു
Next Page » അബുദാബി സാംസ്കാരിക വേദി പുതിയ കമ്മിറ്റി »



  • മലപ്പുറം ജില്ലാ കെ. എം. സി. സി. യുടെ TASKCON പ്രഖ്യാപനം
  • ഫുഡ്‌ ഫെസ്റ്റ് സീസൺ-2 : വിജയികൾക്ക് സമ്മാനങ്ങൾ വിതരണം ചെയ്തു
  • ഗൂഗിള്‍ ക്രോം ഉപയോക്താക്കള്‍ക്ക് മുന്നറിയിപ്പ്
  • ഖുർആൻ പാരായണ മത്സരം
  • പെരുന്നാളിന്‌ കൊടിയേറി
  • സലാം പാപ്പിനിശ്ശേരി ഇടപെട്ടു : ക്രിമിനൽ കേസിൽ കുടുങ്ങിയ മലയാളിയെ നാടുകടത്തില്ല
  • പ്രവാസികൾക്ക് സിവിൽ സർവ്വീസ് പരിശീലനം യു. എ. ഇ. യിൽ
  • റോഡ് ചാടിക്കടക്കുന്നവർക്ക് മുന്നറിയിപ്പ്
  • നൈബേഴ്‌സ് പ്രീമിയർ ലീഗ് : ഗ്രീൻ സ്റ്റാർ ജേതാക്കളായി
  • ബി. ആർ. ഷെട്ടി യു. എ. ഇ. യിൽ തിരിച്ചെത്തി
  • ബാപ്സ് മന്ദിർ : അബുദാബിയിലെ ആദ്യ ഹൈന്ദവ ക്ഷേത്രം തുറന്നു
  • വാഹനത്തിൻ്റെ സൺ റൂഫിൽ തല പുറത്തിട്ടാൽ 2000 ദിർഹം പിഴ
  • ഗോൾഡൻ ഹാർട്ട് ഉദ്യമത്തിലൂടെ പത്ത് ഹൃദയ ശസ്ത്ര ക്രിയകൾ പൂർത്തിയായി
  • ഇസ്‌ലാമിക് സെൻററിൽ ‘ദി കേരള ഫെസ്റ്റ്’ വെള്ളി, ശനി, ഞായർ ദിവസങ്ങളിൽ
  • മാമുക്കോയ : കളങ്കമില്ലാത്ത മനുഷ്യൻ
  • കെ. എസ്. സി. യുവജനോത്സവം സമാപിച്ചു
  • നോൽ കാർഡുകൾ​ ഡിജിറ്റൽ വാലറ്റ് ആക്കുന്നു
  • ഭരത് മുരളി നാടകോത്സവം: ഭൂതങ്ങൾ മികച്ച നാടകം – ഒ. ടി. ഷാജഹാൻ മികച്ച സംവിധായകൻ
  • ആരോഗ്യ പരിശീലന – കൺസൾട്ടൻസി മേഖലയിലെ വൻ മുന്നേറ്റവുമായി ആർ. പി. എം.
  • എൻജിൻ ഓഫ് ചെയ്യാതെ പുറത്തു പോയാൽ 500 ദിർഹം പിഴ



  • കിയാല്‍ മറുപടി പറയണം : വെ...
    എയര്‍ ഇന്ത്യ ബാഗേജ് പത്ത്...
    ഒ.ഐ.സി.സി. ജില്ലാ കൺവെൻഷൻ...
    പ്രവാസി ക്ഷേമനിധി പ്രായ പ...
    സിറിയ : വെടിനിർത്തൽ അടുക്...
    സമാജം യുവജനോത്സവം : ഗോപിക...
    ജലീല്‍ രാമന്തളി യുടെ നേര്...
    ഭൂമിക്കായി ഒരു മണിക്കൂര്‍...
    അബുദാബി പുസ്തക മേളക്ക് തു...
    ജലീല്‍ രാമന്തളി യുടെ നോവല...
    മാധ്യമങ്ങള്‍ സത്യ ത്തിന്റ...
    ഇ. എം. എസ്. ആഗ്രഹിച്ച രീത...
    ഇന്ത്യന്‍ എംബസി യിലെ കമ്യ...
    ഷാര്‍ജയില്‍ തീ : മലയാളിയു...
    ഖത്തര്‍ : ലോകത്തെ ഏറ്റവും...
    യു.എ.ഇ.യില്‍ ആനയുടെ കാല്‍...
    ഏറ്റവും ആദരിക്കുന്ന നേതാവ...
    ഇന്ത്യന്‍ സിനിമകള്‍ ജീവിത...
    ബഷീര്‍ അനുസ്മരണവും സാഹിത്...
    സൌദിയില്‍ അറസ്റ്റിലായ ഗായ...

    Click here to download Malayalam fonts
    Click here to download Malayalam fonts
    Your Ad Here
    Club Penguin


    ePathram Magazine