ദിർഹം ചിഹ്നം : അനധികൃത ഉപയോഗം പാടില്ല

September 2nd, 2025

guidelines-for-uae-national-currency-dirham-new-symbol-announce-ePathram

അബുദാബി : യു. എ. ഇ. ദേശീയ കറൻസിയായ ദിർഹത്തെ സൂചിപ്പിക്കുന്ന പുതിയ ചിഹ്നം ഉപയോഗിക്കുമ്പോൾ സെൻട്രൽ ബാങ്കിൻ്റെ മാർഗ്ഗ നിർദ്ദേശങ്ങൾ പാലിക്കണം എന്ന് അധികൃതർ. ചിഹ്നം എഴുതേണ്ടത് അക്കങ്ങൾക്ക് മുൻപിൽ ആയിരിക്കണം. രണ്ടും ചേർത്ത് എഴുതരുത്.

ചിഹ്നത്തിനും സംഖ്യക്കും ഇടയിൽ മതിയായ സ്ഥലം നൽകണം. രൂപത്തിൽ മാറ്റങ്ങൾ വരുത്തരുത്. ദിർഹം അടയാളത്തിൻ്റെ ജ്യോമെട്രിക്ക് സ്ട്രക്ച്ചർ നില നിർത്തണം. ചിഹ്നത്തിൻ്റെ ഉയരവും അക്കങ്ങളുടെ ഉയരവും ഒരു പോലെ വേണം. ചിഹ്നത്തിൽ മറ്റ് അലങ്കാരങ്ങൾ ചേർക്കരുത്. ഇതിൻ്റെ ഘടനയെ എപ്പോഴും മാനിക്കണം.

നോട്ടുകൾ, ചെക്ക്, ഇൻവോയ്സ്, റസീറ്റ് എന്നിവ യിലും പോയിന്റ് ഓഫ് സെയിൽ (പി. ഒ. എസ്.), എ. ടി. എം., ഫിനാൻഷ്യൽ ആപ്പ്, ഓൺ ലൈനിലും സ്റ്റോറു കളിലും വില പ്രദർശനം എന്നിവയിൽ എല്ലാം യു. എ. ഇ. ദിർഹത്തെ സൂചിപ്പിക്കുന്ന ഈ അടയാളം ഇടാം. മാത്രമല്ല എഴുതുമ്പോൾ ദിർഹം എന്നതിനു പകരം ചിഹ്നം എഴുതാൻ പാടില്ല.

യു. എ. ഇ. ദിർഹത്തിൻ്റെ ലഘു രൂപമായ AED യുമായി സംയോജിപ്പിക്കുവാനും ചിഹ്നത്തെ വികൃതമായി ഇടാനും പാടില്ല. വ്യക്തത നില നിർത്തി ക്കൊണ്ടു വേണം ചിഹ്നത്തിൻ്റെ ക്രമീകരണം.

ഒരു ഉത്‌പന്നത്തിൻ്റെ വിൽപ്പനക്കായി ബ്രാൻഡിംഗിലെ ഒരു ഘടകം ആയി തല ക്കെട്ടുകളിൽ  ദിർഹത്തിൻ്റെ ചിഹ്നം ഉപയോഗിക്കരുത്. അധികൃതർ നിർദ്ദേശിച്ച മാന ദണ്ഡങ്ങളും അനുപാതങ്ങളും പിന്തുടരുക എന്നത് പ്രധാനമാണ്.

ഓരോ ചിഹ്നങ്ങൾക്കും അതിൻ്റെതായ പ്രാധാന്യം ഉള്ളത് പോലെ അവയുടെ ഉപയോഗത്തിലും ഓരോരുത്തർക്കും ഉത്തരവാദിത്വം നില നിൽക്കുന്നു. എന്നും യു. എ. ഇ. സെൻട്രൽ ബാങ്ക് തങ്ങളുടെ സോഷ്യൽ മീഡിയ പേജുകളിലൂടെ ഓർമ്മിപ്പിച്ചു.

Image Credit : UAE CENTRAL BANK  & INSTAGRAM

- pma

വായിക്കുക: , , , , , , ,

അഭിപ്രായം എഴുതുക »

ഓൺ ലൈൻ തട്ടിപ്പുകൾ വർദ്ധിക്കുന്നു : ജാഗ്രതാ നിർദ്ദേശം

July 27th, 2025

cyber-pulse-beware-e-fraud-hacker-attack-ePathram
അബുദാബി : സോഷ്യൽ മീഡിയകളിലൂടെ നടക്കുന്ന ഓൺ ലൈൻ തട്ടിപ്പുകൾക്ക് എതിരെ ജാഗ്രത പാലിക്കണം എന്ന മുന്നറിയിപ്പുമായി സൈബർ സുരക്ഷാ കൗൺസിൽ. ഡിജിറ്റൽ കറൻസി, സ്റ്റോക്ക് ട്രേഡിംഗ് തുടങ്ങിയവയിൽ വൈദഗ്ദ്ധ്യമുള്ള ചില ഗ്രൂപ്പുകളാണ് സോഷ്യൽ മീഡിയയിൽ തട്ടിപ്പുമായി എത്തുന്നത്. ഇ-മെയിൽ വഴിയും സാമൂഹിക മാധ്യമ ങ്ങളിലൂടെയും വ്യാജ വാഗ്ദാനങ്ങൾ നൽകി ഇവർ ആളുകളെ കെണികളിൽ വീഴ്ത്തുന്നു.

അവിശ്വസനീയമായ ഉറവിടങ്ങളിൽ നിന്നുള്ള ഓഫറുകൾ ഒഴിവാക്കുക, വ്യക്തിഗത വിവരങ്ങളും ബാങ്കിംഗ് വിവരങ്ങളും പങ്കു വെക്കാതിരിക്കുക.

നിക്ഷേപത്തിൽ ആദ്യം ചെറിയ ലാഭം നൽകി വിശ്വാസം നേടിയ ശേഷം വലിയ തുക നിക്ഷേപം നടത്താൻ പ്രേരിപ്പിക്കുകയും പിന്നീട് ഈ ഗ്രൂപ്പുകൾ അപ്രത്യക്ഷമാവുകയും ചെയ്യുന്നു. ഏതൊരു ഓൺ ലൈൻ നിക്ഷേപത്തിലും ഏർപ്പെടുന്നതിന് മുമ്പ് അവരെ കുറിച്ച് വ്യക്തമായി പഠിക്കുകയും ബന്ധപ്പെട്ട അധികാരികളിൽ നിന്നുള്ള അനുമതി അവർക്ക് ഉണ്ടെന്നു ഉറപ്പു വരുത്തുകയും വേണം. ഓൺലൈൻ സാമ്പത്തിക തട്ടിപ്പുകളിൽ പെടാതെ നിക്ഷേപകർ സ്വയം സംരക്ഷിക്കേണ്ടത് ഓരോരുത്തരുടെയും ഉത്തരവാദിത്വം ആണെന്നും അധികൃതർ ഓർമ്മിപ്പിച്ചു.

സോഷ്യൽ മീഡിയയിലെ വ്യാജ നിക്ഷേപ ഗ്രൂപ്പുകൾ വഴിയുള്ള തട്ടിപ്പുകൾക്ക് എതിരെ അബുദാബി ജുഡീഷ്യൽ ഡിപ്പാർട്ട്മെന്റും മുന്നറിയിപ്പ് നൽകി.

ആകർഷകമായ നിരക്കിൽ വിമാന ടിക്കറ്റ് ഓഫറു കളും വ്യാജ നിക്ഷേപ വാഗ്ദാനങ്ങളും അധികൃതരുടെ ശ്രദ്ധയിൽ പെട്ടിട്ടുണ്ട്. എയർ ലൈനു കളുടെ ഔദ്യോഗിക വെബ്‌ സൈറ്റുകൾ വഴിയോ അംഗീകൃത ട്രാവൽ ഏജൻസികൾ വഴിയോ മാത്രം വിമാന ടിക്കറ്റുകൾ ബുക്ക് ചെയ്യുക എന്നും അധികൃതർ ഓർമ്മിപ്പിച്ചു. Instagram

- pma

വായിക്കുക: , , , , , ,

അഭിപ്രായം എഴുതുക »

അഹമ്മദാബാദ് വിമാന അപകടം : ഡോ. ഷംഷീർ വയലിൽ ആദ്യ സഹായം എത്തിച്ചു

June 25th, 2025

air-india-accident-vps-group-dr-shamshir-vayalil-helps-medical-students-ePathram
അബുദാബി : ഇന്ത്യയുടെ ചരിത്രത്തിലെ ഏറ്റവും വിനാശകരമായ ആകാശ ദുരന്തങ്ങളിൽ ഒന്നായ ഗുജറാത്തിലെ അഹമ്മദാബാദ് എയർ ഇന്ത്യ വിമാന അപകടത്തിൽ ജീവൻ പൊലിഞ്ഞ മെഡിക്കൽ വിദ്യാർത്ഥികളുടെ കുടുംബാംഗങ്ങൾക്കും പരിക്കേറ്റവർക്കും വി. പി. എസ്‌. സ്ഥാപകനും ചെയർ മാനുമായ ഡോ. ഷംഷീർ വയലിൽ ആറ് കോടി രൂപയുടെ സാമ്പത്തിക സഹായം കൈമാറി.

അഹമ്മദാബാദ് ബി. ജെ. മെഡിക്കൽ കോളേജ് ക്യാമ്പസ്സിൽ നടന്ന ലളിതമായ ചടങ്ങിൽ മെഡിക്കൽ കോളേജ് ഡീൻ ഡോ. മീനാക്ഷി പരീഖ്, ആശുപത്രി സൂപ്രണ്ട് ഡോ. രാകേഷ് എസ്‌. ജോഷി, ജൂനിയർ ഡോക്ടേഴ്സ് അസോസിയേഷൻ ഭാര വാഹികൾ എന്നിവരുടെ സാന്നിദ്ധ്യത്തിലാണ് സഹായം നൽകിയത്.

എയർ ഇന്ത്യ ദുരന്തം ആഘാതം ഏല്പിച്ചവർക്ക് ലഭിക്കുന്ന ആദ്യ സാമ്പത്തിക സഹായമാണ് ഡോ. ഷംഷീറിന്റേത്. ദുരന്തത്തിൽ ജീവൻ നഷ്ടപെട്ട നാല് യുവ മെഡിക്കൽ വിദ്യാർത്ഥികളുടെ കുടുംബങ്ങൾക്ക് ഒരു കോടി രൂപയുടെ ചെക്ക് കൈമാറി.

മധ്യപ്രദേശിലെ ഗ്വാളിയോറിൽ നിന്നുള്ള ഒന്നാം വർഷ എം. ബി. ബി. എസ്. വിദ്യാർത്ഥിയായിരുന്ന ആര്യൻ രജ്പുത്, രാജസ്ഥാനിലെ ശ്രീഗംഗാ നഗറിൽ നിന്നുള്ള മാനവ് ഭാദു, ബാർമറിൽ നിന്നുള്ള ജയ പ്രകാശ് ചൗധരി, ഗുജറാത്തിലെ ഭാവ് നഗറിൽ നിന്നുള്ള രാകേഷ് ഗോബർ ഭായ് ദിയോറ എന്നിവരുടെ കുടുംബങ്ങൾക്കാണ് സഹായം ലഭിച്ചത്.

അപകടത്തിൽ ഉറ്റവരെ നഷ്ടമായ ഡോക്ടർമാർക്കും സഹായം നൽകി. മരിച്ച ഓരോ ബന്ധുവിനും 25 ലക്ഷം രൂപ വീതമാണ് നൽകിയത്.

പൊള്ളൽ, ഒടിവ്, ആന്തരിക ആഘാതം എന്നിവ മൂലം ആശുപത്രിയിൽ കഴിയേണ്ടി വന്ന 14 പേർക്ക് 3.5 ലക്ഷം രൂപയുടെ സഹായവും നൽകി.

ഡീനുമായുള്ള കൂടിയാലോചനക്ക് ശേഷം ജൂനിയർ ഡോക്ടേഴ്സ് അസോസിയേഷൻ നിർദ്ദേശിച്ചവർക്കാണ് സഹായം കൈമാറിയത്.

‘ഈ ദുരന്തത്തിൽ നിങ്ങൾ ഒറ്റയ്ക്കല്ല. മെഡിക്കൽ സമൂഹം മുഴുവനായും നിങ്ങളോടൊപ്പമുണ്ട്’ കുടുംബ ങ്ങൾക്ക് കൈമാറിയ കത്തിൽ ഡോ. ഷംഷീർ ഉറപ്പ് നൽകി.

ഇത്തരം വേളകളിൽ വൈദ്യ സമൂഹം ഒറ്റക്കെട്ടായി നിൽക്കും എന്നതിന്റെ ഓർമ്മ പ്പെടുത്തലാണ് ഈ ഐക്യ ദാർഢ്യം എന്ന് ഡോ. മീനാക്ഷി പരീഖും ജൂനിയർ ഡോക്ടേഴ്സ് അസോസിയേഷനും പറഞ്ഞു.

2025 ജൂൺ 12-നാണ് ബി.ജെ. മെഡിക്കൽ കോളേജിലെ ഹോസ്റ്റൽ സമുച്ചയത്തിലേക്ക് എയർ ഇന്ത്യ ഫ്ലൈറ്റ് 171 ഇടിച്ചിറങ്ങിയത്.

ദുരന്തത്തിന് ശേഷം അടച്ച കോളേജിലെ അധ്യയന പ്രവർത്തനങ്ങൾ ആരംഭിച്ച ഉടനെ തന്നെ സഹായം നൽകണം എന്നുള്ള ഡോ. ഷംഷീറിന്റെ നിർദ്ദേശ പ്രകാരമാണ് വി. പി. എസ്. ഹെൽത്ത് സംഘം അഹമ്മദാബാദിൽ എത്തിയത്.

- pma

വായിക്കുക: , , , , , , , , , , ,

അഭിപ്രായം എഴുതുക »

പ്രവാസി നാട്ടിൽ മരിച്ചു : ‘കെ. എം. സി. സി. കെയർ’ സഹായം കൈമാറി

May 23rd, 2025

abudhabi-kmcc-care-field-of-charity-ePathram
അബുദാബി : കെ. എം. സി. സി. കെയർ പദ്ധതിയിലെ അംഗം ആയിരുന്ന മാട്ടൂൽ സ്വദേശി നാട്ടിൽ വെച്ച് മരണപ്പെട്ടതിനെ തുടർന്ന് ആ കുടുംബത്തിന് നൽകാനുള്ള ആനുകൂല്യ തുകയായ 6 ലക്ഷം രൂപ യുടെ ചെക്ക് അബുദാബി കല്യാശ്ശേരി മണ്ഡലം വൈസ് പ്രസിഡണ്ട് സലാം അതിർത്തി മാട്ടൂൽ പഞ്ചായത്ത് മുസ്ലിം ലീഗ് പ്രസിഡണ്ട് നസീർ ബി. മാട്ടൂലിന് കൈമാറി.

അബുദാബി സംസ്ഥാന കെ. എം. സി. സി. മുൻ സെക്രട്ടറി കെ. കെ. അഷ്‌റഫ്, പരിയാരം സി. എച്ച്. സെൻറർ അബുദാബി ചാപ്റ്റർ വൈസ് പ്രസിഡണ്ട് കെ. വി. മുഹമ്മദലി, കോഡിനേറ്റർ പി. സി. ഷാജഹാൻ, മുസ്ലിം ലീഗ് സെക്രട്ടറി കെ. പി. നാസർ എന്നിവർ സംബന്ധിച്ചു. KMCC CARE 

- pma

വായിക്കുക: , , , ,

അഭിപ്രായം എഴുതുക »

അടുത്ത വർഷം പകുതിയോടെ ഇ-ഇൻവോയ്സ് നിർബന്ധമാക്കും

April 28th, 2025

logo-uae-federal-tax-authority-vat-registration-ePathram

അബുദാബി : രാജ്യ വ്യാപകമായി ഇ-ഇൻവോയ്സിംഗ് സംവിധാനം 2026 മധ്യത്തോടെ നടപ്പാക്കും എന്ന് യു. എ. ഇ. ഫെഡറൽ ടാക്സ് അതോറിറ്റി.

ദേശീയ നികുതി നിയന്ത്രണങ്ങൾ പാലിക്കുന്നു എന്ന് ഉറപ്പാക്കാൻ ഇ-ഇൻവോയ്സുകൾ സഹായിക്കും. മാത്രമല്ല ഇടപാടുകളുടെ ബില്ലിംഗ് ചെലവ് 66 ശതമാനം വരെ കുറക്കുവാനും ബില്ലിംഗ് പ്രവർത്തനങ്ങൾ വേഗത്തിൽ ആക്കുകയും ചെയ്യും. ഘട്ടം ഘട്ടമായാണ് ഇത് നടപ്പിലാക്കുക. e-Invoices 

- pma

വായിക്കുക: , ,

അഭിപ്രായം എഴുതുക »

1 of 521231020»|

« Previous « കെ. എസ്. സി. ഒപ്പന മത്സരം സംഘടിപ്പിച്ചു
Next Page » സ്വാഗത സംഘം രൂപീകരിച്ചു »



  • ലോകത്തിന് മാനവികത പഠിപ്പിച്ചത് പ്രവാചകന്‍ മുഹമ്മദ് നബി : എം. എ. യൂസഫലി
  • സാമൂഹ്യ മൂല്യങ്ങള്‍ നഷ്ടപ്പെടുന്നു : ഡോ. അബ്ദുസ്സമദ് സമദാനി
  • ഖത്തറിന് പിന്തുണ അറിയിച്ച് യു. എ. ഇ. പ്രസിഡണ്ട്
  • ഐ. എസ്. സി. ഓണം : റിമി ടോമിയുടെ സംഗീത നിശ സെപ്റ്റംബർ 20 നു
  • കുട്ടികൾക്കുള്ള പ്രതിരോധ കുത്തിവെപ്പുകൾ എടുക്കണം
  • വിദ്യാർത്ഥികളുടെ മരുന്നു വിവരങ്ങൾ സ്‌കൂളിന് നൽകണം
  • ദിർഹം ചിഹ്നം : അനധികൃത ഉപയോഗം പാടില്ല
  • ഡോ. ഷംഷീർ വയലിൽ പ്രഖ്യാപിച്ച ’10 ജേർണീസിന്’ തുടക്കം
  • ഹെഡ് ലൈറ്റ് ഇടാതെ വാഹനം ഓടിച്ചാൽ കനത്ത പിഴ
  • സോഷ്യൽ മീഡിയാ ഗ്രൂപ്പുകൾ : നിയമ ലംഘകർക്ക് എതിരെ നടപടി
  • നബി ദിനം : മൂന്ന് ദിവസത്തെ വാരാന്ത്യ അവധി
  • പാസ്സ്‌പോർട്ട് സേവനങ്ങൾ : ബി. എൽ. എസ്. പുതിയ കെട്ടിടത്തിൽ
  • നിയമ ലംഘനങ്ങൾക്ക് ശിക്ഷ കടുപ്പിച്ച് അധികൃതർ
  • സമദാനിയുടെ പ്രഭാഷണം : പോസ്റ്റർ പ്രകാശനം ചെയ്തു
  • പൊതു നിരത്തുകളിൽ ഇലക്ട്രിക് സ്കൂട്ടറുകൾ നിരോധിച്ചു
  • ശുചിത്വ ലംഘനം നിരീക്ഷിക്കാൻ ഡിജിറ്റൽ ആപ്പ്
  • അത്തച്ചമയ ഘോഷയാത്ര അബുദാബി യിൽ
  • ഇന്‍ഡിഗോ യാത്രക്കാര്‍ക്ക് സിറ്റി ചെക്ക് ഇന്‍ സൗകര്യം
  • പ്രവാസികളുടെ റെസിഡന്റ് കാർഡ് കാലാവധി ഇനി മൂന്ന് വർഷം
  • വ്യത്യസ്തമായ പരിപാടികളുമായി ഇസ്ലാമിക് സെന്റർ മെമ്പേഴ്സ് മീറ്റ്



  • കിയാല്‍ മറുപടി പറയണം : വെ...
    എയര്‍ ഇന്ത്യ ബാഗേജ് പത്ത്...
    ഒ.ഐ.സി.സി. ജില്ലാ കൺവെൻഷൻ...
    പ്രവാസി ക്ഷേമനിധി പ്രായ പ...
    സിറിയ : വെടിനിർത്തൽ അടുക്...
    സമാജം യുവജനോത്സവം : ഗോപിക...
    ജലീല്‍ രാമന്തളി യുടെ നേര്...
    ഭൂമിക്കായി ഒരു മണിക്കൂര്‍...
    അബുദാബി പുസ്തക മേളക്ക് തു...
    ജലീല്‍ രാമന്തളി യുടെ നോവല...
    മാധ്യമങ്ങള്‍ സത്യ ത്തിന്റ...
    ഇ. എം. എസ്. ആഗ്രഹിച്ച രീത...
    ഇന്ത്യന്‍ എംബസി യിലെ കമ്യ...
    ഷാര്‍ജയില്‍ തീ : മലയാളിയു...
    ഖത്തര്‍ : ലോകത്തെ ഏറ്റവും...
    യു.എ.ഇ.യില്‍ ആനയുടെ കാല്‍...
    ഏറ്റവും ആദരിക്കുന്ന നേതാവ...
    ഇന്ത്യന്‍ സിനിമകള്‍ ജീവിത...
    ബഷീര്‍ അനുസ്മരണവും സാഹിത്...
    സൌദിയില്‍ അറസ്റ്റിലായ ഗായ...

    Click here to download Malayalam fonts
    Click here to download Malayalam fonts
    Your Ad Here
    Club Penguin


    ePathram Magazine