എയർ പോർട്ട് സിറ്റി ചെക്ക്-ഇന്‍ സേവനം മുസ്സഫ ഷാബിയയിലും

May 3rd, 2024

morafiq-aviation-city-check-in-service-ePathram
അബുദാബി : അന്താരാഷ്‌ട്ര വിമാന ത്താവളമായ സായിദ് ഇന്‍റര്‍ നാഷണല്‍ എയര്‍ പോര്‍ട്ടിൽ നിന്നും യാത്ര ചെയ്യുന്നവർക്ക് ഇനി അബുദാബി മുസ്സഫ ഷാബിയയിലെ സിറ്റി ചെക്ക്-ഇന്‍ കൗണ്ടറിൽ മുൻ കൂട്ടി ലഗേജുകൾ ഏൽപ്പിക്കാം. ഷാബിയ 11 ലാണ് പുതിയ ചെക്ക്-ഇന്‍ കേന്ദ്രം പ്രവർത്തനം ആരംഭിച്ചത്. എല്ലാ ദിവസവും രാവിലെ 10 മണി മുതൽ രാത്രി 10 മണി വരെയാണ് ഈ കേന്ദ്രം പ്രവർത്തിക്കുക.

നിലവിൽ അബുദാബി സീ പോർട്ടിലെ (മിനാ) ക്രൂയിസ് ടെർമിനലിലും (24 മണിക്കൂർ) യാസ് മാളിലും (ഫെരാരി വേൾഡ് പ്രവേശന കവാടത്തിൽ) മൊറാഫിഖ് ഏവിയേഷൻ ഗ്രൂപ്പിൻ്റെ സിറ്റി ചെക്ക്-ഇന്‍ സേവനം ലഭിക്കുന്നുണ്ട്.

വിമാന സമയത്തിന് 4 മുതൽ 24 മണിക്കൂർ മുൻപ് വരെ ഈ കേന്ദ്രങ്ങളിൽ ബാഗേജുകൾ സ്വീകരിച്ച് സീറ്റുകൾ ഉറപ്പു വരുത്തി ബോഡിംഗ് പാസ്സുകൾ നൽകി വരുന്നു. 12 വയസ്സിനു മുകളിൽ ഉള്ളവർക്ക് 35 ദിർഹവും കുട്ടികൾക്ക് 25 ദിർഹവും രണ്ടു വയസ്സിനു താഴെ ഉള്ളവർക്ക് 15 ദിർഹവും ചെക്ക്-ഇൻ സേവനത്തിനുള്ള നിരക്കായി ഈടാക്കുന്നത്.

ഇത്തിഹാദ്, എയർ അറേബ്യ, വിസ് എയർ, ഈജിപ്ത് എയർ എന്നീ വിമാനങ്ങളിൽ യാത്ര ചെയ്യുന്നവർക്കാണ് ഇപ്പോൾ സിറ്റി ചെക്ക്-ഇന്‍ സൗകര്യം നൽകി വരുന്നത്. അബുദാബി മീന തുറമുഖത്തെ ക്രൂയിസ് ടെർമിനലിൽ 24 മണിക്കൂറും യാസ് മാളിലെ ഫെരാരി വേൾഡ് എൻട്രൻസിൽ സ്ഥാപിച്ചിരിക്കുന്ന കേന്ദ്രം രാവിലെ 10 മുതൽ രാത്രി 10 വരെയും പ്രവർത്തിക്കും.

കൂടുതൽ വിവരങ്ങൾക്ക് +971 800 667 2347 എന്ന ടോൾ ഫ്രീ നമ്പറിൽ വിളിക്കാം.

സിറ്റി ടെർമിനലിൽ ബാഗേജുകൾ നൽകി ബോഡിംഗ് പാസ്സ്‌ എടുക്കുന്നവർക്ക് എയർപോർട്ടിലെ ക്യൂ വിൽ നിൽക്കാതെ നേരിട്ട് ഇമിഗ്രേഷൻ കൗണ്ടറിൽ പോകാം എന്നതും സിറ്റി ചെക്ക്-ഇന്‍ സേവനത്തെ കൂടുതൽ ജന പ്രിയമാക്കുന്നു എന്നും കുടുംബത്തോടൊപ്പം യാത്ര ചെയ്യുന്നവർക്ക് ഏറെ ആശ്വാസ പ്രദമാണ് സിറ്റി ചെക്ക്ഇൻ സൗകര്യം എന്നും മൊറാഫിഖ് ഏവിയേഷൻ അറിയിച്ചു.

- pma

വായിക്കുക: , , , , , , , , , ,

അഭിപ്രായം എഴുതുക »

അൽ ഐൻ മലയാളി സമാജം പുതിയ കമ്മിറ്റി

March 14th, 2024

al-ain-malayali-samajam-ePathram
അൽ ഐൻ : പുതിയ പ്രവർത്തന വർഷത്തേക്കുള്ള അൽ ഐൻ മലയാളി സമാജം കമ്മിറ്റി നിലവിൽ വന്നു. എസ്. രാധാകൃഷ്ണൻ (പ്രസിഡണ്ട്), ഡോ. സുനീഷ് കൈമല (വൈസ് പ്രസിഡണ്ട്), സന്തോഷ് (ജനറൽ സെക്രട്ടറി), ഉമ്മർ മംഗലത്ത് (ട്രഷറർ) എന്നിവരുടെ നേതൃത്വത്തിൽ 23 അംഗ ഭരണ സമിതിയെയാണ് തെരഞ്ഞെടുത്തിരിക്കുന്നത്.

ഹാരിസ് ചെടിയങ്കണ്ടി (ജോയിൻ്റ് സെക്രട്ടറി), സനീഷ്‌ കുമാർ (ജോയിൻ്റ് ട്രഷറർ), ടിങ്കു പ്രസാദ് നാരായണൻ (കല), കെ. പി. ബിജിൻ ലാൽ (സാഹിത്യം), ശ്രീജിത് (കായികം) എസ്. കൃഷ്ണ കുമാർ (ജീവ കാരുണ്യം), നിതിൻ ദാമോദരൻ (മീഡിയ) തുടങ്ങിയവരാണ് മറ്റു ഭാരവാഹികൾ.

- pma

വായിക്കുക: , , , ,

അഭിപ്രായം എഴുതുക »

സമാജം ഇന്‍ഡോ-അറബ് കൾച്ചറൽ ഫെസ്റ്റ് മൂന്നു ദിവസങ്ങളിൽ

January 18th, 2024

logo-samajam-indo-arab-cultural-fest-2024-ePathram
അബുദാബി : മലയാളി സമാജം സംഘടിപ്പിക്കുന്ന ഇന്‍ഡോ-അറബ് കൾച്ചറൽ ഫെസ്റ്റ് 2024 ജനുവരി 19, 20, 21 വെള്ളി, ശനി, ഞായര്‍ എന്നീ ദിവസ ങ്ങളിൽ മുസഫ ക്യാപിറ്റല്‍ മാളിന് സമീപം പ്രത്യേകം തയ്യാറാക്കിയ ‘ബൊലെ വാർഡ് അവന്യൂ’ വിൽ വെച്ച് നടക്കും എന്ന് സംഘാടകര്‍ വാര്‍ത്താ സമ്മേളനത്തില്‍ അറിയിച്ചു.

ജനുവരി 19 വെള്ളിയാഴ്ച രാത്രി 7.30 ന് ഇന്ത്യന്‍ സ്ഥാനപതി സഞ്ജയ് സുധീര്‍ ഇന്‍ഡോ-അറബ് കൾച്ചറൽ ഫെസ്റ്റ് ഉദ്ഘാടനം ചെയ്യും. യു. എ. ഇ. പൗര പ്രമുഖരും വിവിധ സാമൂഹിക സംഘടനാ നേതാക്കളും വ്യവസായ വാണിജ്യ രംഗത്തെ പ്രമുഖരും ചടങ്ങിൽ സംബന്ധിക്കും.

press-meet-malayalee-samajam-indo-arab-cultural-fest-ePathram
ഇന്ത്യയും അറബ് നാടുകളും തമ്മിലുള്ള ബന്ധം വിവരിക്കുന്ന ഇന്‍ഡോ-അറബ് കൾച്ചറൽ ഫെസ്റ്റ് ഇരു രാജ്യ ങ്ങളുടെയും കലാ സാംസ്കാരിക പൈതൃകം സമ്മേളിക്കുന്ന വിവിധ കലാ പരിപാടികളും അതോടൊപ്പം രണ്ടു രാജ്യ ങ്ങളെയും തമ്മിൽ ബന്ധി പ്പിക്കുന്ന രുചി വൈവിധ്യങ്ങളും അവതരിപ്പിക്കും.

ജനുവരി 20 ശനിയാഴ്ച ചലച്ചിത്ര താരങ്ങളായ സരയു മോഹന്‍, മനോജ് ഗിന്നസ്, കൃഷ്ണ പ്രഭ, രാജേഷ് തിരുവമ്പാടി എന്നിവര്‍ നയിക്കുന്ന സംഗീത നൃത്ത ഹാസ്യ കലാ പ്രകടന പരിപാടികൾ അരങ്ങേറും.

ജനുവരി 21 ഞായറാഴ്ച ഇന്‍ഡോ അറബ് ഫ്യൂഷന്‍ മ്യൂസിക്, സ്വദേശീയ നൃത്ത രൂപമായ അയാല, ഈജിപ്ത്യൻ സംഗീത ശാഖയിലെ തന്നൂറാ തുടങ്ങിയവ അരങ്ങേറും. പത്ത് ദിർഹം പ്രവേശന നിരക്ക് ഏർപ്പെടുത്തിയിട്ടുണ്ട്. ഈ പ്രവേശന കൂപ്പൺ നറുക്കിട്ട് ഒന്നാം സമ്മാനമായായി ഒരാള്‍ക്ക് 20 പവന്‍ സ്വർണ്ണം മറ്റു 55 പേർക്ക് വില പിടിപ്പുള്ള സമ്മാനങ്ങളും ലഭിക്കും.

വാർത്താ സമ്മേളനത്തിൽ സമാജം പ്രസിഡണ്ട് റഫീഖ് കയനയിൽ, ജനറൽ സെക്രട്ടറി എം. യു. ഇർഷാദ്, ഹാൻഡി ഹ്യൂമൻ ഇവൻറ്സ് സ്ഥാപകയും ജനറൽ മാനേജരുമായ മസൂമ അൽ ഐദാനി അൽ ബുആലി, സമാജം ട്രഷറർ അജാസ് അപ്പാടത്ത്, വൈസ് പ്രസിഡണ്ട് രെഖിൻ സോമൻ, ചീഫ് കോഡിനേറ്റർ സാബു അഗസ്റ്റിൻ, മീഡിയ സെക്രട്ടറി ഷാജഹാന്‍ ഹൈദര്‍ അലി തുടങ്ങിയവർ സംബന്ധിച്ചു.

- pma

വായിക്കുക: , , , , , , , , , , , , ,

അഭിപ്രായം എഴുതുക »

എം. എം. നാസറിന്‍റെ സ്മരണയില്‍ സാമൂഹ്യ പ്രവര്‍ത്തകരെ ആദരിച്ചു

November 21st, 2023

nasar-kanhangad-mm-nasser-ePathram
അബുദാബി : സാമൂഹിക -സാംസ്കാരിക- ജീവ കാരുണ്യ രംഗങ്ങളിലെ നിറ സാന്നിദ്ധ്യമായിരുന്ന അന്തരിച്ച എം. എം. നാസറിന്‍റെ ഓര്‍മ്മ പുതുക്കി സാംസ്കാരിക കൂട്ടായ്മ ഫ്രണ്ട്സ് എ. ഡി. എം. എസ്. അബുദാബി കേരളാ സോഷ്യല്‍ സെന്‍ററില്‍ ഒത്തു ചേര്‍ന്നു. രണ്ടാമതു ചരമ വാര്‍ഷിക ദിനത്തില്‍ എം. എം. നാസറിന്‍റെ സ്മരണാർത്ഥം ഏർപ്പെടുത്തിയ പുരസ്കാരങ്ങള്‍ സാമൂഹിക പ്രവർത്തകര്‍ അമീർ കല്ലമ്പലം, എ. കെ. കബീർ, ഉബൈദ് കൊച്ചന്നൂര്‍ എന്നിവർക്ക് സമ്മാനിച്ചു.

friends-adms-remembering-m-m-nasser-ePathram

അബുദാബി മലയാളി സമാജം പ്രസിഡണ്ട് റഫീഖ് കയനയിൽ അദ്ധ്യക്ഷത വഹിച്ചു. സമാജം മുന്‍ ജനറല്‍ സെക്രട്ടറി സലീം ചിറക്കൽ അനുസ്മരണ പ്രഭാഷണം നടത്തി. അബുദാബിയിലെ സംഘടനാ സാരഥികളും സാമൂഹിക സാംസ്കാരിക രംഗങ്ങളിലെ പ്രമുഖരും പങ്കെടുത്തു.

ഫ്രണ്ട്സ് എ. ഡി. എം. എസ്. ജനറൽ സെക്രട്ടറി ഫസൽ കുന്ദംകുളം സ്വാഗതവും വർക്കിംഗ് പ്രസിഡണ്ട് പുന്നൂസ് ചാക്കോ നന്ദി പ്രകാശിപ്പിച്ചു.

- pma

വായിക്കുക: , , , , , , ,

അഭിപ്രായം എഴുതുക »

മലയാളി സമാജത്തിൽ തിരുവോണം വരെ പൂക്കളം

August 23rd, 2023

abudhabi-malayalee-samajam-logo-pookalam-2023-ePathram

അബുദാബി : മലയാളി സമാജം ഓണാഘോഷങ്ങള്‍ക്ക് തുടക്കം കുറിച്ചു. പത്ത് ദിവസം സമാജത്തിന്‍റെ വിവിധ കമ്മിറ്റികൾ പൂക്കളം ഒരുക്കുന്നു. ഒന്നാം ദിനത്തിൽ അബുദാബി മലയാളി സമാജം അംഗങ്ങൾ ഒരുക്കിയ പൂക്കളവും തുടർന്നുള്ള ദിവസങ്ങളിൽ കലാ വിഭാഗം, സാഹിത്യ വിഭാഗം എന്നിവർ ഒരുക്കിയ പൂക്കളങ്ങളും ആകര്‍ഷകമായി.

തിരുവോണം വരെയുള്ള പൂക്കളങ്ങൾക്ക് ഓരോ ദിവസവും മലയാളി സമാജത്തിലെ ഓരോ ഉപസമിതി നേതൃത്വം വഹിക്കും. വനിതാ വിഭാഗം, മലയാളം മിഷൻ, വൊളണ്ടിയർ വിഭാഗം, കായിക വിഭാഗം, ബാല വേദി, തയ്യൽ ക്ലാസ്സ് വിഭാഗം, സമാജം ഭരണ സമിതി എന്നിവരുടെ നേതൃത്വത്തിലാണ് ഇനിയുള്ള പൂക്കളങ്ങള്‍ തീര്‍ക്കുക.

സെപ്റ്റംബർ രണ്ടിന് പൂക്കള മത്സരം നടക്കും. ഇരുപതോളം ടീമുകള്‍ പൂക്കള മത്സരത്തില്‍ ഭാഗമാവും. സെപ്റ്റംബർ 23 ന് സമാജം ഓണ സദ്യയും ഓണാഘോഷവും ഐ. എസ്. സി. യില്‍ വെച്ചു നടക്കും.

- pma

വായിക്കുക: , , , , ,

അഭിപ്രായം എഴുതുക »

1 of 701231020»|

« Previous « പ്രവാസി സംഘടനകളുടെ സ്വാതന്ത്യ്ര ദിന ആഘോഷം ശ്രദ്ധേയമായി
Next Page » ഏക ദിന പഠന ക്യാമ്പ് ‘RECAP’ ശ്രദ്ധേയമായി »



  • മെഹ്ഫിൽ ഹ്രസ്വ ചിത്ര-മാധ്യമ പുരസ്കാരങ്ങൾ സമ്മാനിച്ചു
  • ബാഫഖി തങ്ങളുടെ സംഭാവന പുതു തലമുറ പഠന വിഷയം ആക്കണം : എം. എ. റസാഖ് മാസ്റ്റർ
  • ഹെൽത്ത് കെയർ വീഡിയോ സീരിസ് എച്ച് ഫോർ ഹോപ്പ് പുറത്തിറങ്ങി
  • കെ. എം. സി. സി. ഇവന്റസ്‌ ഓഫീസ് തുറന്നു പ്രവർത്തനം ആരംഭിച്ചു
  • സിഗ്നലിൽ ചുവപ്പ് ലൈറ്റ് മറി കടന്നാൽ 1000 ദിർഹം പിഴ
  • ഡോ. ഷംഷീർ വയലിൽ അനുശോചനം അറിയിച്ചു.
  • എയർ പോർട്ട് സിറ്റി ചെക്ക്-ഇന്‍ സേവനം മുസ്സഫ ഷാബിയയിലും
  • ശൈ​ഖ് ത​ഹ്‍​നൂ​ൻ ബി​ൻ മുഹമ്മദ് അല്‍ നഹ്യാന്‍ അന്തരിച്ചു
  • വീണ്ടും മഴ മുന്നറിയിപ്പ് : മുന്നോടിയായി പൊടിക്കാറ്റ് വീശുന്നു
  • മെഹ്ഫിൽ അവാർഡ് നിശ മെയ്‌ 12 ഞായറാഴ്ച ഷാർജയിൽ
  • മഠത്തിൽ മുസ്തഫയുടെ ചിത്രം ലൈബ്രറിയിൽ സ്ഥാപിച്ചു
  • ദുബായ് വിമാനത്താവളം സാധാരണ നിലയിലേക്ക്
  • ഈദ് പ്രോഗ്രാം ‘ശവ്വാൽ നിലാവ്’ ശ്രദ്ധേയമായി
  • വിഷു – ഈദ് – ഈസ്റ്റർ ആഘോഷങ്ങൾ സംഘടിപ്പിച്ചു
  • കെ. എസ്. സി. സംഘടിപ്പിച്ച ഈദ് വിഷു ഈസ്റ്റർ ആഘോഷം വേറിട്ടതായി
  • യൂസഫലിയുടെ പ്രവാസത്തിൻ്റെ അര നൂറ്റാണ്ട് : 50 കുട്ടികൾക്ക് പുതു ജീവൻ പകർന്ന് ഗോൾഡൻ ഹാർട്ട് ഇനിഷ്യേറ്റീവ്
  • ക്രിക്കറ്റ് ടൂർണ്ണമെൻ്റ് : മാർത്തോമാ യുവജന സഖ്യം ജേതാക്കൾ
  • സസ്നേഹം സമസ്യ : സാഹിത്യ സദസ്സും ആദരിക്കലും
  • ഈദുൽ ഫിത്വർ അവധി ദിനങ്ങൾ
  • ജിമ്മിജോർജ്ജ് സ്മാരക വോളി : എൽ. എൽ. എച്ച്. ഹോസ്പിറ്റൽ ജേതാക്കൾ



  • കിയാല്‍ മറുപടി പറയണം : വെ...
    എയര്‍ ഇന്ത്യ ബാഗേജ് പത്ത്...
    ഒ.ഐ.സി.സി. ജില്ലാ കൺവെൻഷൻ...
    പ്രവാസി ക്ഷേമനിധി പ്രായ പ...
    സിറിയ : വെടിനിർത്തൽ അടുക്...
    സമാജം യുവജനോത്സവം : ഗോപിക...
    ജലീല്‍ രാമന്തളി യുടെ നേര്...
    ഭൂമിക്കായി ഒരു മണിക്കൂര്‍...
    അബുദാബി പുസ്തക മേളക്ക് തു...
    ജലീല്‍ രാമന്തളി യുടെ നോവല...
    മാധ്യമങ്ങള്‍ സത്യ ത്തിന്റ...
    ഇ. എം. എസ്. ആഗ്രഹിച്ച രീത...
    ഇന്ത്യന്‍ എംബസി യിലെ കമ്യ...
    ഷാര്‍ജയില്‍ തീ : മലയാളിയു...
    ഖത്തര്‍ : ലോകത്തെ ഏറ്റവും...
    യു.എ.ഇ.യില്‍ ആനയുടെ കാല്‍...
    ഏറ്റവും ആദരിക്കുന്ന നേതാവ...
    ഇന്ത്യന്‍ സിനിമകള്‍ ജീവിത...
    ബഷീര്‍ അനുസ്മരണവും സാഹിത്...
    സൌദിയില്‍ അറസ്റ്റിലായ ഗായ...

    Click here to download Malayalam fonts
    Click here to download Malayalam fonts
    Your Ad Here
    Club Penguin


    ePathram Magazine