കെ. എസ്. സി. ഈദ് ആഘോഷം ‘പെരുന്നാൾ നിലാവ്’ അരങ്ങേറി

April 3rd, 2025

ksc-eid-ul-fithr-celebration-2025-perunnal-nilaav-ePathram
അബുദാബി : നിറപ്പകിട്ടാർന്ന കലാ സാംസ്കാരിക പരിപാടികളോടെ ഈദുൽ ഫിത്വർ ദിനത്തിൽ കേരളാ സോഷ്യൽ സെന്ററിൽ ‘പെരുന്നാൾ നിലാവ്’ എന്ന പേരിൽ ഈദ് ആഘോഷം അരങ്ങിലെത്തി. പ്രശസ്ത ഗായകരെ അണി നിരത്തി 3 മണിക്കൂർ നീണ്ടു നിന്ന സംഗീത വിരുന്ന്‌ ഏറെ ശ്രദ്ധേയമായി. സമദ് കടമേരി സംവിധാനം ചെയ്ത ‘പെരുന്നാൾ നിലാവ്’ പരിപാടിയിൽ നൃത്ത നൃത്യങ്ങളും അരങ്ങേറി.

കെ. എസ്. സി. പ്രസിഡണ്ട് എ. കെ. ബീരാൻകുട്ടി അദ്ധ്യക്ഷത വഹിച്ച സാംസ്കാരിക പരിപാടിയിൽ ജനറൽ സെക്രട്ടറി നൗഷാദ് യൂസഫ്, കമ്മിറ്റി അംഗങ്ങളായ രജിത വിനോദ്, പ്രിയങ്ക, താജുദ്ധീൻ, അനീഷ്, മുഹമ്മദ് അലി, സരോഷ്, ലോക കേരളസഭ അംഗം അഡ്വ. അൻസാരി സൈനുദ്ദിൻ, മലയാളീ സമാജം പ്രസിഡണ്ട് സലിം ചിറക്കൽ, സമാജം മുൻ പ്രസിഡണ്ട് റഫീഖ് കയനയിൽ, ബാലവേദി ജനറൽ സെക്രട്ടറി നൗർബിസ് നൗഷാദ്, വളണ്ടിയർ ക്യാപ്റ്റൻ ബാദുഷ എന്നിവർ ആശംസകൾ നേർന്നു സംസാരിച്ചു.

- pma

വായിക്കുക: , , , ,

അഭിപ്രായം എഴുതുക »

കണ്ണൂർ ജില്ലാ കെ. എം. സി. സി. ഒരുക്കിയ ‘ഈദ് സംഗമം’ ശ്രദ്ധേയമായി

April 2nd, 2025

logo-abudhabi-kannur-dist-kmcc-ePathram
അബുദാബി : തുടർച്ചയായ പന്ത്രണ്ടാം വർഷവും കണ്ണൂർ ജില്ലാ കെ. എം. സി. സി. പ്രവർത്തകർ ഈദ് ദിനത്തിൽ ഒത്തു കൂടി. ഈദ് നിസ്കാരത്തിന് ശേഷം അബുദാബി ഇന്ത്യൻ ഇസ്ലാമിക്‌ സെന്ററിൽ ഒരുക്കിയ ഈദ് സംഗമത്തിൽ നൂറു കണക്കിന് കെ. എം. സി. സി. പ്രവർത്തകർ എത്തിച്ചേർന്നു പരസ്പരം ആശ്ലേഷിച്ചും മധുര പലഹാരങ്ങൾ നൽകിയും സമ്മാനങ്ങൾ പങ്കു വെച്ചും പെരുന്നാൾ ആശംസകൾ കൈമാറി.

abudhabi-kannur-dist-kmcc-eid-gathering-2025-ePathram

അബുദാബി കെ. എം. സി. സി. സംസ്ഥാന ജനറൽ സെക്രട്ടറി സി. എച്ച്. യൂസുഫ് ഈദ് സംഗമം ഉദ്ഘാടനം ചെയ്തു. കണ്ണൂർ ജില്ല മുസ്ലിം ലീഗ് സെക്രട്ടറി അൻസാരി തില്ലങ്കേരി ഈദ് സന്ദേശം കൈമാറി പ്രഭാഷണം നടത്തി.

വി. പി. കെ. അബ്ദുള്ള, ഉസ്മാൻ കരപ്പാത്ത്, സാബിർ, ശറഫുദ്ധീൻ കുപ്പം, ഇ. ടി. സുനീർ, അഡ്വ. മുഹമ്മദ്‌ കുഞ്ഞി, മുഹമ്മദ്‌ ആലം, ശംസുദ്ധീൻ നരിക്കോടൻ, അഡ്വ. മു‌നാസ് തുടങ്ങിയവർ സംസാരിച്ചു. സാദിഖ് മുട്ടം അദ്ധ്യക്ഷത വഹിച്ചു. ഹസ്സൻ കുഞ്ഞി വട്ടക്കോൽ സ്വാഗതവും അലി പാലക്കോട് നന്ദിയും പറഞ്ഞു.

മഹ്ഫിൽ അബുദാബി മുട്ടിപ്പാട്ട് അവതരിപ്പിച്ചു. നാടൻ വിഭവങ്ങൾ അടങ്ങിയ പ്രാതൽ ഈദ് സംഗമത്തിന് രുചിയേകി.

- pma

വായിക്കുക: , , , , , ,

അഭിപ്രായം എഴുതുക »

അബുദാബി മലയാളീസ് ഒരുക്കിയ ‘നൂറിഷ് റമദാൻ’ ശ്രദ്ധേയമായി

March 25th, 2025

abudhabi-malayalees-ifthar-2025-at-abu-samra-farm-house-ePathram
അബുദാബി : സാധാരണക്കാരായ തൊഴിലാളികൾക്ക് ഒപ്പം പരിശുദ്ധ റമദാനിലെ ഇഫ്താർ നടത്തി മറ്റു കൂട്ടായ്മകൾക്ക് മാതൃകയാവുകയാണ് അബുദാബി മലയാളീസ്. അൽ ഐൻ റോഡിലെ അബു സമ്ര ഫാമിൽ വിവിധ രാജ്യക്കാരായ നൂറോളം തോട്ടം തൊഴിലാളികൾ, ആട്ടിടയന്മാർ അടക്കമുള്ള പ്രവാസി കളെ പങ്കെടുപ്പിച്ച് കൊണ്ടാണ് ഈ റമദാനിൽ അബുദാബി മലയാളീസ് എന്ന കൂട്ടായ്മ ഗ്രാൻഡ് ഇഫ്താർ മീറ്റ്-2025 സംഘടിപ്പിച്ചത്.

nourish-ramadan-kuttyppattakam-abudhabi-malayalees-ePathram

ഇവരോടൊപ്പം ADM എക്സിക്യൂട്ടീവ് അംഗങ്ങൾ, വളണ്ടിയർമാർ, കുടുംബാംഗങ്ങൾ, കുട്ടികൾ, ADM അഭ്യുദയ കാംക്ഷികളായ സാമൂഹ്യ പ്രവർത്തകരും അതിഥികളായി ഗ്രാൻഡ് ഇഫ്താർ മീറ്റിൽ പങ്കെടുത്തു.

റമദാൻ മാസത്തിൻ്റെ പവിത്രതയും ആത്മീയതയും സഹകരണത്തെയും ഉയർത്തിപ്പിടിച്ച ഈ സംഗമ ത്തിൽ സമൂഹത്തിൻറെ വിവിധ തുറകളിൽ ഉള്ളവർ ഒന്നിച്ചിരുന്നു നോമ്പ് തുറന്നത് മനുഷ്യ സ്നേഹം, പരസ്പര സഹായം, കരുണ തുടങ്ങിയ മാനുഷിക മൂല്യങ്ങളുടെ ഉദാത്ത ഉദാഹരണമായി.

team-abudhabi-malayalees-ifthar-abu-samra-farm-ePathram

സാധാരണ ഇഫ്താർ മീറ്റുകളിൽ നിന്ന് വ്യത്യസ്തമായി, ADM കുട്ടിപ്പട്ടാളം ടീമിന്റെ സജീവ പങ്കാളിത്ത ത്തോടെ നടന്ന ഈ ഇഫ്താർ വിരുന്ന്, സ്നേഹവും കരുണയും നിറഞ്ഞതായിരുന്നു.

അർഹരായവർക്കൊപ്പം ലളിതമായ ഒരിടത്ത് ഇഫ്താർ നടത്തിയത്, റമദാനിന്റെ യഥാർഥ സന്ദേശം പകർന്നു വെന്നത് സന്തോഷകരമാണ് എന്ന് സംഘാടകർ ഓർമ്മിപ്പിച്ചു.

siyad-anas-wahib-pma-team-adm-nourish-2025-ifthar-ePathram

മാത്രമല്ല ADM നൂറിഷ് റമദാൻ 2025 പദ്ധതിയിലൂടെ, ആരാലും എത്തിപ്പെടാത്ത റിമോട്ട് ഏരിയ കളിലെ ഒട്ടക ക്യാമ്പുകളിലും അടക്കം ആയിരത്തോളം ഇഫ്താർ കിറ്റുകളും 100 ഓളം ഗ്രോസറി കിറ്റുകളും വിതരണം ചെയ്തു.

പാവപ്പെട്ടവർക്കായി കൈ കോർക്കുമ്പോൾ അതിന്റെ സന്തോഷം ഇരട്ടിയാവുന്നു. സമൂഹത്തിന്റെ കരുണയും സഹകരണവും ADM നൂറിഷ് പദ്ധതിയുടെ വിജയത്തിന് ശക്തിയായ പിന്തുണയായി.

റമദാനിന്റെ ഈ മഹനീയ സന്ദേശം കൂടുതൽ ആളുകളിലേക്ക് എത്തിക്കണം എന്നും നന്മയുടെ പ്രവർത്തനങ്ങൾ തുടർന്നും വിപുലപ്പെടുത്തും എന്നും അബുദാബി മലയാളീസ് ഭാരവാഹികൾ അറിയിച്ചു. ADM Insta

 

- pma

വായിക്കുക: , , , , , , , , ,

അഭിപ്രായം എഴുതുക »

ജ്വാല ഉത്സവ് 2025 ബ്രോഷർ പ്രകാശനം ചെയ്തു

March 11th, 2025

logo-sharjah-jwala-kala-samskarika-vedhi-ePathram

അജ്മാൻ : ജ്വാല കലാ സാംസ്കാരിക വേദി, ജ്വാല ഉത്സവ് 2025 എന്ന പേരിൽ സംഘടിപ്പിക്കുന്ന വാർഷിക ആഘോഷ പരിപാടിയുടെ ബ്രോഷർ പ്രകാശനം ചെയ്തു. അജ്മാൻ ഇന്ത്യ സോഷ്യൽ സെന്ററിൽ നടന്ന ജ്വാല വാർഷിക ജനറൽ ബോഡി യോഗത്തിൽ ജനറൽ കൺവീനർ മാധവൻ, പബ്ലിസിറ്റി കൺവീനർ അരവിന്ദൻ, ഗംഗാധരൻ എന്നിവരാണ്   ജ്വാല ഉത്സവ് 2025 ബ്രോഷർ പുറത്തിറക്കിയത്.

2025 മെയ് 10 ന് അജ്മാൻ ഇന്ത്യ സോഷ്യൽ സെന്ററിൽ സംഘടിപ്പിക്കുന്ന ജ്വാല ഉത്സവ് എന്ന പരിപാടിയിൽ വാഗ്മിയും എഴുത്തുകാരനുമായ വി. കെ. സുരേഷ് ബാബുവിന്റെ പ്രഭാഷണം, ഗായകന്‍ അലോഷിയുടെ ഗസല്‍ സന്ധ്യ എന്നിവയാണ് മുഖ്യ ആകർഷണം. കൂടാതെ ട്രിബ്യൂട്ട് ടു ലെജന്റ്‌സ് എന്ന പേരില്‍ തയ്യാറാക്കിയ നൃത്ത-ഗാനാര്‍ച്ചന, കഥകളി, നാടകം, വിവിധ നൃത്ത നൃത്യങ്ങളും അരങ്ങിലെത്തും.

- pma

വായിക്കുക: , , , , , , , , , ,

അഭിപ്രായം എഴുതുക »

നിർദ്ധന കുടുംബത്തിന് വീട് : ‘കരുതൽ’ ഭവന പദ്ധതി പ്രഖ്യാപിച്ച് ഇമ

February 20th, 2025

ima-pravasi-bhavanam-indian-media-minister-ganesh-kumar-announce-home-ePathram
അബുദാബി : വർഷങ്ങളോളം പ്രവാസ ലോകത്ത് അദ്ധ്വാനിച്ചിട്ടും വീട് എന്ന സ്വപ്‍നം സഫലീകരി ക്കാതെ പോയ പ്രവാസിക്ക് വീട് നിർമ്മിച്ച് നൽകുവാൻ ‘കരുതൽ’ പദ്ധതി പ്രഖ്യാപിച്ച് അബു ദാബി യിലെ ഇന്ത്യൻ മാധ്യമ പ്രവർത്ത കരുടെ കൂട്ടായ്മയായ ഇന്ത്യൻ മീഡിയ (ഇമ). നിർദ്ധനരും നിരാലംബരുമായവർക്ക് കൈത്താങ്ങ് ആയിട്ടുള്ള പദ്ധതിയുടെ വിവരങ്ങൾ ഗതാഗത വകുപ്പ്‌ മന്ത്രി കെ. ബി. ഗണേഷ്‌ കുമാർ അനാവരണം ചെയ്‌തു.

ima-indian-media-members-minister-ganesh-kumar-pma-rahiman-ePathram

ഇമ അംഗങ്ങൾ മന്ത്രി കെ. ബി. ഗണേഷ് കുമാറിനോടൊപ്പം

ഇന്ത്യൻ മീഡിയ കമ്മിറ്റിയുടെ പ്രവർത്തന ഉദ്ഘാടന ചടങ്ങിൽ പ്രഖ്യാപിച്ച പദ്ധതിയിലൂടെ നാട്ടിൽ വീടില്ലാതെ ബുദ്ധി മുട്ടുന്ന കുടുംബത്തിന്‌ വീട്‌ നിർമ്മിച്ചു നൽകുക യാണ് ലക്‌ഷ്യം.

വി. പി. എസ്. ഹെൽത്ത് ചെയർമാനും മാനേജിംഗ് ഡയറക്ടറും ബുർജീൽ ഹോൾഡിംഗ്സ് ചെയർമാനുമായ ഡോ. ഷംഷീർ വയലിലിന്റെ പിന്തുണ യോടെയാണ് ആദ്യ വീട് നിർമ്മിക്കുക. ഏറെ ക്കാലത്തെ പ്രവാസ ത്തിനു ശേഷം നാട്ടിലേക്ക് മടങ്ങി സാമ്പത്തിക പിന്നാക്കാവസ്ഥയിൽ കഴിയുന്നവരുടെ കുടുംബത്തി നാണ് മുൻഗണന നൽകുക.

ഭൗതികമായി തിരിച്ചൊന്നും പ്രതീക്ഷിക്കാത്തതാണ് ജീവകാരുണ്യ പ്രവർത്തനമെന്ന് പദ്ധതി നടപ്പാക്കു ന്നതിൽ ഇന്ത്യൻ മീഡിയയെ അഭിനന്ദിച്ച മന്ത്രി കെ. ബി. ഗണേഷ്‌ കുമാര്‍ പറഞ്ഞു. സഹായം നല്‍കുന്ന വ്യക്തി അല്ലെങ്കില്‍ കുടുംബം പ്രത്യേക നിമിഷത്തില്‍ അനുഭവിക്കുന്ന സംതൃപ്തിയും സുരക്ഷാ ബോധവും ആയിരിക്കും നമുക്ക് കിട്ടുന്ന പ്രതിഫലം.

അടച്ചുറപ്പില്ലാത്ത കൂരയില്‍ യാതൊരു സുരക്ഷയും ഇല്ലാതെ പ്രായമായ പെണ്‍ മക്കളുമായി കഴിയുന്ന ഒരു സ്ത്രീക്ക് സഹായമായി വീട് നല്‍കിയാൽ അവര്‍ക്കുണ്ടാവുന്ന സംതൃപ്തി വിവരിക്കുവാൻ കഴിയില്ല. സ്വന്തം മക്കളുമായി രാത്രിയില്‍ കതകടച്ച് സുരക്ഷിതമായി കിടക്കുമ്പോൾ അവർക്കു ലഭിക്കുന്ന സന്തോഷവും അതിന്റെ ആശ്വാസം അവർ ദൈവത്തോട് പങ്കു വയ്ക്കുന്ന നിമിഷവുമാണ് ജീവ കാരുണ്യ പ്രവർത്തന ത്തിന് ലഭിക്കുന്ന അനുഗ്രഹം. സഹായം ലഭിക്കുന്നവരുടെ മനസ്സറിഞ്ഞുള്ള പ്രാര്‍ത്ഥന യിലെ പുണ്യമാണ് ഏറ്റവും വലുതെന്നും ഗണേഷ്‌കുമാര്‍ പറഞ്ഞു.

യു. എ. ഇ. യിലെ ഇന്ത്യൻ എംബസി ഫസ്റ്റ് സെക്രട്ടറി ജോർജി ജോർജ്‌, ബുർജീൽ ഹോൾഡിംഗ്സ് ഡയറക്ടർ ഡോ. പദ്മനാഭൻ , വി. പി. എസ്‌. ഗ്രൂപ്പ് മീഡിയ & കമ്മ്യൂണിക്കേഷൻ മാനേജർ എം. ഉണ്ണി കൃഷ്ണൻ, അംഗീകൃത സംഘടനാ നേതാക്കളായ ജയറാം റായ്‌, എ. കെ. ബീരാൻ കുട്ടി, സലിം ചിറക്കൽ, എം. ഹിദായത്തുള്ള, ഇന്ത്യൻ മീഡിയ അബുദാബി ഭാര വാഹികളും ചടങ്ങിൽ സംബന്ധിച്ചു.

- pma

വായിക്കുക: , , , , , , , , , , , , , , , ,

അഭിപ്രായം എഴുതുക »

1 of 2081231020»|

« Previous « അല്‍ ഐന്‍ മലയാളി സമാജം : പുതിയ ഭരണ സമിതി
Next Page » പൊതു സ്ഥലങ്ങളിൽ മാലിന്യങ്ങൾ : പിഴ വർദ്ധിപ്പിച്ചു »



  • ഇയർ ഓഫ് കമ്മ്യൂണിറ്റി ക്യാമ്പയിൻ പോസ്റ്റർ അനാച്ഛാദനം ചെയ്തു
  • മനുഷ്യരെ ഒന്നായി കണ്ട മാര്‍പാപ്പ: അബുദാബി കെ. എം. സി. സി.
  • മാർപാപ്പയുടെ വിയോഗത്തിൽ രാഷ്ട്ര നേതാക്കൾ അനുശോചിച്ചു
  • രണ്ടാമത് മാമുക്കോയ പുരസ്കാരം പ്രഖ്യാപിച്ചു
  • എം. കെ. അബ്ദുൽ റഹ്‌മാൻ : കർമ്മ ഭൂമികയിൽ തന്നെ മടക്കയാത്ര
  • ആരോഗ്യ മേഖലയുടെ ചരിത്രവും ഭാവിയും പങ്കു വച്ച് ഡോ. ജോര്‍ജ്ജ് മാത്യു
  • ഡ്രൈവിംഗിനിടെ മൊബൈൽ ഫോൺ ഉപയോഗം : കണ്ടു പിടിക്കുവാൻ എ. ഐ. ക്യാമറകൾ
  • ഉംറ തീര്‍ത്ഥാടനം ഏപ്രില്‍ 29 മുതല്‍ ഹാജിമാര്‍ക്ക് മാത്രം
  • വീട് ഇല്ലാത്ത പ്രവാസിക്ക് വീട് നിർമ്മിച്ച് നൽകുന്നു
  • രാജപുരം ഹോളിഫാമിലി ഹയർ സെക്കൻഡറി സ്കൂൾ കൂട്ടായ്മ പുതിയ കമ്മിറ്റി
  • ലോഗോ പ്രകാശനം ചെയ്തു
  • കെ. എസ്. സി. ഈദ് ആഘോഷം ‘പെരുന്നാൾ നിലാവ്’ അരങ്ങേറി
  • കണ്ണൂർ ജില്ലാ കെ. എം. സി. സി. ഒരുക്കിയ ‘ഈദ് സംഗമം’ ശ്രദ്ധേയമായി
  • ഇമ ഇഫ്‌താർ വിരുന്നും കുടുംബ സംഗമവും
  • ഫാദേഴ്‌സ് എന്‍ഡോവ്‌മെന്റ് പദ്ധതി : ഡോ. ഷംഷീര്‍ വയലില്‍ അഞ്ച് ദശ ലക്ഷം ദിര്‍ഹം നല്‍കി
  • അബുദാബി മലയാളീസ് ഒരുക്കിയ ‘നൂറിഷ് റമദാൻ’ ശ്രദ്ധേയമായി
  • ഭരണാധികാരികൾക്ക് റമദാൻ ആശംസകൾ നേർന്ന് സലാം പാപ്പിനിശ്ശേരി
  • മുഹമ്മദ് ബിൻ സായിദ് ഫൗണ്ടേഷൻ ഫോർ ഹ്യുമാനിറ്റി സ്ഥാപിതമായി
  • ഇ. കെ. നായനാർ മെമ്മോറിയൽ ഫുട് ബോൾ : ഷാബിയ-നാദിസിയ മേഖലകൾ ചാമ്പ്യന്മാർ
  • സൗഹൃദ സ്നേഹ സംഗമമായി സമൂഹ നോമ്പുതുറ



  • കിയാല്‍ മറുപടി പറയണം : വെ...
    എയര്‍ ഇന്ത്യ ബാഗേജ് പത്ത്...
    ഒ.ഐ.സി.സി. ജില്ലാ കൺവെൻഷൻ...
    പ്രവാസി ക്ഷേമനിധി പ്രായ പ...
    സിറിയ : വെടിനിർത്തൽ അടുക്...
    സമാജം യുവജനോത്സവം : ഗോപിക...
    ജലീല്‍ രാമന്തളി യുടെ നേര്...
    ഭൂമിക്കായി ഒരു മണിക്കൂര്‍...
    അബുദാബി പുസ്തക മേളക്ക് തു...
    ജലീല്‍ രാമന്തളി യുടെ നോവല...
    മാധ്യമങ്ങള്‍ സത്യ ത്തിന്റ...
    ഇ. എം. എസ്. ആഗ്രഹിച്ച രീത...
    ഇന്ത്യന്‍ എംബസി യിലെ കമ്യ...
    ഷാര്‍ജയില്‍ തീ : മലയാളിയു...
    ഖത്തര്‍ : ലോകത്തെ ഏറ്റവും...
    യു.എ.ഇ.യില്‍ ആനയുടെ കാല്‍...
    ഏറ്റവും ആദരിക്കുന്ന നേതാവ...
    ഇന്ത്യന്‍ സിനിമകള്‍ ജീവിത...
    ബഷീര്‍ അനുസ്മരണവും സാഹിത്...
    സൌദിയില്‍ അറസ്റ്റിലായ ഗായ...

    Click here to download Malayalam fonts
    Click here to download Malayalam fonts
    Your Ad Here
    Club Penguin


    ePathram Magazine