ഇ. കെ. നായനാർ അനുസ്മരണം

July 3rd, 2025

shakthi-remembering-ek-nayanar-ePathram
അബുദാബി : ശക്തി തിയ്യറ്റേഴ്സ് സംഘടിപ്പിച്ച ഇ. കെ. നായനാർ അനുസ്മരണത്തിൽ സി. പി. ഐ. (എം). കേന്ദ്ര കമ്മിറ്റി അംഗവും മുൻ ധനകാര്യ വകുപ്പ് മന്ത്രിയുമായ ഡോ. തോമസ് ഐസക് പങ്കെടുത്തു അനുസ്മരണ പ്രഭാഷണം നടത്തി. കേരളത്തിലെ ഇടതു പക്ഷ പ്രസ്ഥാനത്തെ ശക്തിപ്പെടുത്തുന്നതിൽ  ഇ. കെ. നായനാർ മുഖ്യ പങ്കു വഹിച്ചിട്ടുണ്ട്.

അദ്ദേഹത്തിന്റെ ഭരണ കാലഘട്ടത്തിൽ സാക്ഷരതാ യജ്‌ഞം, ജനകീയാസൂത്രണം, പ്രവാസികൾക്കായുള്ള സംസ്ഥാന വകുപ്പ്, മുതലായ ജനോപകാര പ്രദമായ പദ്ധതികൾ നടപ്പിലാക്കിയ ദീർഘ വീക്ഷണ മുള്ള ജനകീയ നേതാവ് ആയിരുന്നു മുൻ മുഖ്യമന്ത്രി ഇ. കെ. നായനാർ എന്ന് അനുസ്മരണ പ്രഭാഷണത്തിൽ ഡോ. തോമസ് ഐസക് പറഞ്ഞു.

അബുദാബി കേരള സോഷ്യൽ സെന്ററിൽ നടന്ന പരിപാടിയിൽ ശക്തി തിയ്യറ്റേഴ്‌സ് പ്രസിഡണ്ട് കെ. വി. ബഷീർ അദ്ധ്യക്ഷത വഹിച്ചു. കെ. എസ്. സി. പ്രസിഡണ്ട് എ. കെ. ബീരാൻ കുട്ടി, അഡ്വക്കേറ്റ് അൻസാരി സൈനുദ്ദിൻ, ഡോ. സരിൻ, ശക്തിയുടെ വിവിധ കമ്മിറ്റി-യൂണിറ്റ് അംഗങ്ങൾ എന്നിവർ സംബന്ധിച്ചു. ശക്തി സാഹിത്യ വിഭാഗം സെക്രട്ടറി ഷെറിൻ വിജയൻ സ്വാഗതവും കലാ വിഭാഗം സെക്രട്ടറി അജിൻ നന്ദിയും പറഞ്ഞു.

ശക്തി തിയ്യറ്റേഴ്സ് സജീവ പ്രവർത്തകനും കെ. എസ്. സി. മുൻ മാനേജിംഗ് കമ്മിറ്റി അംഗവുമായിരുന്ന ടി. എം. അഷ്‌റഫിന്റെ (അഷ്‌റഫ് ചിറക്കൽ) നിര്യാണത്തിൽ അനുശോചനം നടത്തിയാണ് യോഗം അവസാനിച്ചത്. ശക്തി സെക്രട്ടറി എ. എൽ. സിയാദ് അനുശോചന കുറിപ്പ് വായിച്ചു.

- pma

വായിക്കുക: , , , , ,

അഭിപ്രായം എഴുതുക »

ഐ. ഐ. സി. ഇൻസൈറ്റ് സമ്മർ ക്യാമ്പ് ജൂലായ് 10 മുതല്‍

July 1st, 2025

അബുദാബി : ഇന്ത്യന്‍ ഇസ്ലാമിക് സെന്‍റര്‍ വേനലവധി ക്യാമ്പ് ‘ഇൻസൈറ്റ്-2025’ ജൂലായ് 10 വ്യാഴാഴ്ച മുതല്‍ ജൂലായ് 20 ഞായർ വരെയുള്ള ദിവസങ്ങളിൽ വൈകുന്നേരം 5.30 മുതൽ 9.30 വരെ ഇസ്ലാമിക് സെന്‍റര്‍ ഓഡിറ്റോറിയത്തിൽ വെച്ച് നടക്കും. കെ. ജി. തലം മുതല്‍ ബിരുദം വരെയുള്ള വിദ്യാര്‍ത്ഥികളെ വിവിധ വിഭാഗങ്ങളായി തിരിച്ച് പ്രമുഖ പരിശീലകരുടെ മേല്‍ നോട്ടത്തില്‍ ഇൻസൈറ്റ് സമ്മർ ക്യാമ്പ് ഒരുക്കുക.

ആർട്സ് & ക്രാഫ്റ്റ്, സ്ട്രെസ് ഫ്രീ സ്റ്റഡി, സൈബർ സേഫ്റ്റി & ഡിജിറ്റൽ ഡിസിപ്ലിൻ, സ്മാർട്ട് കരിയർ, തുടങ്ങി വിവിധങ്ങളായ വിഷയങ്ങളിൽ കുട്ടികൾക്ക് വിനോദവും വിജ്ഞാനവും കോർത്തിണക്കിയുള്ള പരിശീലനമാണ് ഇൻസൈറ്റ്-2025 എന്നും സംഘാടകർ അറിയിച്ചു. ഗൂഗ്ൾ ഫോമിലൂടെ ഈ ലിങ്ക് ക്ലിക്ക് ചെയ്തു അപേക്ഷിക്കാം

ഇന്ത്യന്‍ ഇസ്ലാമിക് സെന്‍റര്‍ വിദ്യാഭ്യാസ വിഭാഗം നേതൃത്വം നൽകുന്ന ഈ സമ്മർ ക്യാമ്പിൽ പരിശീലനം പൂർത്തിയാക്കിയ വിദ്യാർത്ഥി കൾക്ക് സമാപന ദിവസം സർട്ടിഫിക്കറ്റുകളും വിതരണം ചെയ്യും.

ക്യാമ്പിൽ പങ്കെടുക്കുന്ന കുട്ടികൾക്കായി വാഹന സൗകര്യവും ലഭ്യമാണ്. കൂടുതല്‍ വിവരങ്ങള്‍ക്കായി ബന്ധപ്പെടുക. 02-6424488 / 056 7990 086

- pma

വായിക്കുക: , , , ,

അഭിപ്രായം എഴുതുക »

ഗുരുവായൂരപ്പൻ കോളേജ് അലുംനി പുതിയ ഭാരവാഹികൾ

July 1st, 2025

ദുബായ് : കോഴിക്കോട് സമോറിൻസ് ഗുരുവായൂരപ്പൻ കോളേജ് യു. എ. ഇ. ചാപ്റ്റർ പുതിയ ഭാരവാഹികൾ ചുമതലയേറ്റു. സുമിതാ ജേക്കബ് (പ്രസിഡണ്ട്), പ്രസീജ പീറ്റർ (ജനറൽ സെക്രട്ടറി), റിസ്‌ലി യാസീൻ (ട്രഷറർ) എന്നിവരാണ് പ്രധാന ഭാരവാഹികൾ.

- pma

വായിക്കുക: , ,

അഭിപ്രായം എഴുതുക »

വിദ്യാഭ്യാസ അവാർഡുകൾ സമ്മാനിച്ചു

June 24th, 2025

scholastic awards-kadappuram-muslim-welfare-association-2025-ePathram

അബുദാബി : ബി. ടി. എസ്. പൂക്കോയ തങ്ങൾ സ്മാരക വിദ്യാഭ്യാസ അവാർഡുകൾ സമ്മാനിച്ചു. പ്രവാസി കൂട്ടായ്മ അബുദാബി കടപ്പുറം മുസ്ലിം വെൽഫെയർ അസ്സോസിയേഷൻ സംഘടിച്ച പരിപാടിയിലാണ് വിവിധ വിഭാഗങ്ങളിൽ മികച്ച വിജയം നേടിയ വിദ്യാർത്ഥികളെ ആദരിച്ചത്.

അസ്സോസിയേഷൻ അംഗങ്ങളുടെ മക്കളായ അഹ്‌ലാം അലി (ഗുജറാത്ത് യൂണിവേഴ്സിറ്റിയിൽ നിന്നും എം. എസ്. സി. ഫോറൻസിക് സൈക്കോളജി യിൽ ഉന്നത വിജയം), റിഹാൻ ഹനീഫ് (എസ്. എസ്. എൽ. സി. യിൽ ഉന്നത വിജയം), മാലിക് ബിൻ അനസ് മദ്രസ്സയിൽ നിന്നും ഉയർന്ന മാർക്ക് നേടി പാസ്സായ സുഹൈൽ സെയ്തു മുഹമ്മദ്‌ എന്നിവരെ ആദരിച്ചത്.

ചാലിൽ റഷീദ് പ്രാർത്ഥന നടത്തി. രക്ഷാധികാരി കളായ പി. കെ. ബദറു, പി. വി. ജലാൽ, സ്കീം കൺവീനർ ടി. എസ്. അഷ്‌റഫ്‌, മറ്റു ഭാര വാഹികളായ നിഷാക് കടവിൽ, പി. എ. അബ്ദുൽ കലാം, നാസർ പെരിങ്ങാട്ട് എന്നിവർ സംസാരിച്ചു.

അബുദാബിയിലെ റഹ്മത്ത് കാലിക്കറ്റ്‌ റെസ്റ്റോറന്റിൽ വെച്ചു നടന്ന ചടങ്ങിൽ പ്രസിഡണ്ട് പി. സി. അബ്ദുൽ സബൂർ അദ്ധ്യക്ഷത വഹിച്ചു. ജനറൽ സെക്രട്ടറി സി. കെ. ജലാൽ സ്വാഗതവും ട്രഷറര്‍ ഫൈസൽ കടവിൽ നന്ദിയും രേഖപ്പെടുത്തി.

- pma

വായിക്കുക: , , , , , ,

അഭിപ്രായം എഴുതുക »

ജിമ്മി ജോര്‍ജ് മെമ്മോറിയല്‍ വോളി : സില്‍വര്‍ ജൂബിലി എഡിഷന്‍ ഈ ആഴ്ച അബുദാബിയിൽ

June 23rd, 2025

jimmy-george-volley-ball-epathram
അബുദാബി: അന്താരാഷ്‌ട്ര തലത്തിൽ കേരളത്തിന്റെ യശസ്സ് ഉയർത്തിയ വോളി ബോള്‍ താരവും അര്‍ജുന അവാര്‍ഡ് ജേതാവുമായ ജിമ്മി ജോര്‍ജിന്റെ സ്മരണ നില നിർത്തുവാൻ അബുദാബി കേരള സോഷ്യല്‍ സെന്റര്‍ അഞ്ചു ദിവസങ്ങളിലായി അബുദാബി സ്പോർട്ട്സ് ഹബ്ബിൽ ഒരുക്കുന്ന ജിമ്മി ജോര്‍ജ് മെമ്മോറിയല്‍ വോളിബോള്‍ ടൂർണ്ണ മെന്റ് ജൂൺ 25 ബുധനാഴ്ച തുടക്കമാവും എന്ന് സംഘടകര്‍ വാര്‍ത്താ സമ്മേളനത്തില്‍ അറിയിച്ചു.

ksc-jimmy-george-volly-ball-25-th-edition-25-june-2025-ePathram

അബുദാബി സ്‌പോര്‍ട്‌സ് കൗണ്‍സില്‍, എൽ. എൽ. എച്ച്. എന്നിവരുടെ സഹകരണത്തോടെ യാണ് ഈ വർഷം കെ. എസ്. സി- ജിമ്മി ജോര്‍ജ് മെമ്മോറിയല്‍ വോളിബോള്‍ ടൂർണ്ണമെന്റ് സംഘടിപ്പിക്കുന്നത്.

ജൂൺ 25, 26, 27, 28, 29 തിയ്യതികളില്‍ രാത്രി 8 മണിക്കു തുടക്കമാവുന്ന ടൂർണ്ണ മെന്റിൽ യു. എ. ഇ., ഇന്ത്യ, ഈജിപ്ത്, ലബനാന്‍, ശ്രീലങ്ക എന്നീ രാജ്യക്കാരായ പ്രഗത്ഭ താരങ്ങള്‍ യു. എ. ഇ. നാഷണല്‍ ടീം, എല്‍. എല്‍. എച്ച്. ഹോസ്പിറ്റല്‍, ഒണ്‍ലി ഫ്രഷ്, വേദ ആയുര്‍ വേദിക്, റഹ്മത്ത് ഗ്രൂപ്പ് ഓഫ് ആയുര്‍ കെയര്‍, ഓള്‍ സ്റ്റാര്‍ യു. എ. ഇ. എന്നീ ആറ് പ്രമുഖ ടീമുകൾക്കായി ഈ വർഷം കളത്തിലിറങ്ങും.

ലീഗ് കം നോക്ക് ഔട്ട് അടിസ്ഥാനത്തിലാണ് മത്സരം നടക്കുക. സെമിഫൈനല്‍ ഉള്‍പ്പെടെ രണ്ടു മത്സര ങ്ങളാണ് ഓരോ ദിവസങ്ങളിലും ഉണ്ടാവുക.

വിജയികള്‍ക്ക് ഒരു ലക്ഷം ദിര്‍ഹമാണ് സമ്മാനമായി നല്‍കുന്നത്. ചാമ്പ്യന്മാര്‍ക്ക് എല്‍. എല്‍. എച്ച്. ഹോസ്പിറ്റല്‍ നല്‍കുന്ന എവര്‍ റോളിങ് ട്രോഫി യും 50,000 ദിര്‍ഹം ക്യാഷ് പ്രൈസും രണ്ടാം സ്ഥാന ക്കാര്‍ക്ക് അയ്യൂബ് മാസ്റ്റര്‍ മെമ്മോറിയല്‍ ട്രോഫിയും 30,000 ദിര്‍ഹവും സമ്മാനിക്കും.

ജിമ്മി ജോര്‍ജ് മെമ്മോറിയല്‍ ഇന്റര്‍ നാഷണല്‍ വോളി ബോള്‍ ടൂർണ്ണ മെന്റിന്റെ സില്‍വര്‍ ജൂബിലി എഡിഷന്‍ കൂടിയാണിത്.

വാര്‍ത്താ സമ്മേളനത്തില്‍ കെ. എസ്‌. സി. പ്രസിഡണ്ട് എ. കെ. ബീരാന്‍ കുട്ടി, ജനറല്‍ സെക്രട്ടറി നൗഷാദ് യൂസുഫ്, ട്രഷറര്‍ വിനോദ് രവീന്ദ്രന്‍, ബുര്‍ജീല്‍ ഹോള്‍ഡിങ്‌സ് റീജണല്‍ ഡയരക്ടര്‍ ഡോ. നരേന്ദ്ര ഡി. സോണിഗ്ര, വേദ ആയുര്‍ എം. ഡി. റജീഷ്, മലയാളി സമാജം പ്രസിഡണ്ടും ടൂർണ്ണ മെന്റ് കോഡിനേറ്ററുമായ സലീം ചിറക്കല്‍, സ്‌പോര്‍ട്‌സ് സെക്രട്ടറി മുഹമ്മദലി തുടങ്ങിയവർ പങ്കെടുത്തു.

- pma

വായിക്കുക: , , ,

അഭിപ്രായം എഴുതുക »

1 of 3771231020»|

« Previous « ജൂൺ 27 വെള്ളിയാഴ്ച യു. എ. ഇ. യിൽ പൊതു അവധി
Next Page » വിദ്യാഭ്യാസ അവാർഡുകൾ സമ്മാനിച്ചു »



  • അസ്‌മോ പുത്തൻചിറ സ്മാരക കഥ-കവിത രചനാ മത്സരം
  • ലുലുവിയിൽ ഇന്ത്യൻ മാംഗോ മാനിയ
  • ഇ. കെ. നായനാർ അനുസ്മരണം
  • ഐ. ഐ. സി. ഇൻസൈറ്റ് സമ്മർ ക്യാമ്പ് ജൂലായ് 10 മുതല്‍
  • ഗുരുവായൂരപ്പൻ കോളേജ് അലുംനി പുതിയ ഭാരവാഹികൾ
  • അഹമ്മദാബാദ് വിമാന അപകടം : ഡോ. ഷംഷീർ വയലിൽ ആദ്യ സഹായം എത്തിച്ചു
  • വായനാ ദിനാചാരണം സംഘടിപ്പിച്ചു
  • വിദ്യാഭ്യാസ അവാർഡുകൾ സമ്മാനിച്ചു
  • ജിമ്മി ജോര്‍ജ് മെമ്മോറിയല്‍ വോളി : സില്‍വര്‍ ജൂബിലി എഡിഷന്‍ ഈ ആഴ്ച അബുദാബിയിൽ
  • ജൂൺ 27 വെള്ളിയാഴ്ച യു. എ. ഇ. യിൽ പൊതു അവധി
  • യു. എ. ഇ. നടപ്പാക്കിയ ഉച്ച വിശ്രമ നിയമം പ്രാബല്യത്തിൽ വന്നു
  • ഈദ് മൽഹാർ സീസൺ-3 ശനിയാഴ്ച ഇസ്ലാമിക് സെൻററിൽ
  • അബുദാബി മലയാളീസ് ‘ADM കുട്ടി പ്പട്ടാളം സീസൺ-1’ സംഘടിപ്പിച്ചു
  • അക്ഷര പ്പെരുന്നാൾ സംഘടിപ്പിച്ചു
  • അതി നൂതന കൃത്രിമ അവയവ ചികിത്സ : 9.2 കോടി രൂപയുടെ സഹായം പ്രഖ്യാപിച്ച് ഡോ. ഷംഷീര്‍ വയലില്‍
  • ‘അന്നൊരു അബുദാബിക്കാലത്ത്’ പുസ്തകം പ്രകാശനം ചെയ്തു
  • പി. ബാവാ ഹാജിയും ടി. മുഹമ്മദ് ഹിദായത്തുള്ളയും തുടരും
  • സമാജം യുവജനോത്സവം : അഞ്‌ജലി കലാതിലകം
  • പ്രവാസി നാട്ടിൽ മരിച്ചു : ‘കെ. എം. സി. സി. കെയർ’ സഹായം കൈമാറി
  • നൃത്തോത്സവം : പ്രയുക്തി ഇന്ത്യാ സോഷ്യൽ സെന്ററിൽ



  • കിയാല്‍ മറുപടി പറയണം : വെ...
    എയര്‍ ഇന്ത്യ ബാഗേജ് പത്ത്...
    ഒ.ഐ.സി.സി. ജില്ലാ കൺവെൻഷൻ...
    പ്രവാസി ക്ഷേമനിധി പ്രായ പ...
    സിറിയ : വെടിനിർത്തൽ അടുക്...
    സമാജം യുവജനോത്സവം : ഗോപിക...
    ജലീല്‍ രാമന്തളി യുടെ നേര്...
    ഭൂമിക്കായി ഒരു മണിക്കൂര്‍...
    അബുദാബി പുസ്തക മേളക്ക് തു...
    ജലീല്‍ രാമന്തളി യുടെ നോവല...
    മാധ്യമങ്ങള്‍ സത്യ ത്തിന്റ...
    ഇ. എം. എസ്. ആഗ്രഹിച്ച രീത...
    ഇന്ത്യന്‍ എംബസി യിലെ കമ്യ...
    ഷാര്‍ജയില്‍ തീ : മലയാളിയു...
    ഖത്തര്‍ : ലോകത്തെ ഏറ്റവും...
    യു.എ.ഇ.യില്‍ ആനയുടെ കാല്‍...
    ഏറ്റവും ആദരിക്കുന്ന നേതാവ...
    ഇന്ത്യന്‍ സിനിമകള്‍ ജീവിത...
    ബഷീര്‍ അനുസ്മരണവും സാഹിത്...
    സൌദിയില്‍ അറസ്റ്റിലായ ഗായ...

    Click here to download Malayalam fonts
    Click here to download Malayalam fonts
    Your Ad Here
    Club Penguin


    ePathram Magazine