ഷാർജ : മാനവിക ഐക്യത്തിൻ്റെ മഹദ് സന്ദേശം വിളിച്ചോതി സുൽത്വാനിയ ഫൗണ്ടേഷൻ പീസ് കോൺഫറൻസ് സംഘടിപ്പിച്ചു. അൽ നഹ്ദ മിയാ മാളിൽ നടന്ന സംഗമത്തിൽ സുൽത്വാനിയ ഫൗണ്ടേഷൻ കാര്യദർശി ശൈഖ് മുഹമ്മദ് ബാവ ഉസ്താദ് അനുഗ്രഹ ഭാഷണം നടത്തി. അൽ ഐനിലെ യു. എ. ഇ. യൂണിവേഴ്സിറ്റി ഫിസിക്സ് വിഭാഗം പ്രൊഫസർ ഡോ. മുഹമ്മദ് ഹാജ് യൂസുഫ് മുഖ്യ അതിഥി യായിരുന്നു.
സുൽത്വാനിയ ഫൗണ്ടേഷൻ യു. എ. ഇ. പ്രസിഡണ്ട് സയ്യിദ് മുസ്തഫ അൽ ഐദറൂസി കോൺഫറൻസ് ഉൽഘാടനം ചെയ്തു. മൈനോരിറ്റി എഡ്യുകേഷൻ കൗൺസിൽ അംഗവും വേൾഡ് ഹ്യൂമൻ റൈറ്റ്സ് പ്രൊട്ടക്ഷൻ കമ്മീഷൻ മെമ്പറും സുൽത്വാനിയ ഫൗണ്ടേഷൻ ജനറൽ സെക്രട്ടറിയുമായ ഡോ. അബ്ദുൽ നാസർ മഹ്ബൂബി മുഖ്യ പ്രഭാഷണം നടത്തി.
മതാർ അഹ്മദ് സഖർ അൽമെരി, വേൾഡ് മലയാളി കൗൺസിൽ അജ്മാൻ പ്രസിഡണ്ട് ഡയസ് ഇടിക്കുള, അൽ അമീർ ഇംഗ്ലീഷ് സ്കൂൾ പ്രിൻസിപ്പൽ എസ്. എ. ജേക്കബ്, ന്യൂ ഇന്ത്യൻ മോഡൽ സ്കൂൾ മലയാളം വിഭാഗം തലവൻ മുരളി, അനൂപ് കീച്ചേരി,ബഷീർ വടകര, യൂസുഫ് കാരക്കാട്, നസീർ മഹ്ബൂബി, മുഹമ്മദ് നബീൽ മഹ്ബൂബി, മുഹമ്മദ് സ്വാലിഹ് മഹ്ബൂബി, അലിഅസ്ഗർ മഹ്ബൂബി, ജഅ്ഫർ സാദിഖ് തുടങ്ങിയവർ സംസാരിച്ചു. അബ്ദുൽ റഷീദ് സുൽത്വാനി സ്വാഗതവും ആരിഫ് സുൽത്വാനി നന്ദിയും പറഞ്ഞു. Facebook
