ക്രിക്കറ്റ് ടൂർണ്ണമെൻ്റ് : മാർത്തോമാ യുവജന സഖ്യം ജേതാക്കൾ

April 4th, 2024

cricket-tournament-winners-marthoma-yuva-jana-sakhyam-ePathram
അബുദാബി : മാർത്തോമാ യുവജന സഖ്യം യു. എ. ഇ. സെൻ്റർ, ഷാർജ സ്കൈ ലൈൻ വിക്ടോറിയ ഗ്രൗണ്ടിൽ സംഘടിപ്പിച്ച ക്രിക്കറ്റ് ടൂർണ്ണ മെൻറിൽ അബുദാബി മാർത്തോമാ യുവജന സഖ്യം ജേതാക്കളായി. ദുബായ് ട്രിനിറ്റി മാർത്തോമാ യുവജനസഖ്യം രണ്ടാം സ്ഥാനം കരസ്ഥമാക്കി.

അബുദാബി, അൽ ഐൻ, ദുബായ്, ഫുജൈറ റാസൽ ഖൈമ തുടങ്ങിയ എമിറേറ്റുകളിൽ നിന്നുള്ള യുവ ജന സഖ്യം ശാഖകളുടെ ടീമുകൾ മത്സരങ്ങളിൽ മാറ്റുരച്ചു.

യു. എ. ഇ. സെൻ്റർ പ്രസിഡണ്ട് റവ. ലിനു ജോർജ്ജ്, റവ. ബിജി എം. രാജു, റവ. രഞ്ജിത്ത് ഉമ്മൻ, റവ. ജിജോ വർഗീസ്, മാർത്തോമാ സഭയുടെ കുന്നംകുളം മലബാർ ഭദ്രാസന സെക്രട്ടറി റവ. സജു ബി. ജോൺ, യു. എ. ഇ. സെൻ്റർ വൈസ് പ്രസിഡണ്ട് ബിജോയ് പി. സാം, സെക്രട്ടറി ആരോൺ അജീഷ് കുര്യൻ, ട്രഷറർ ജസ്റ്റിൻ കെ. ജോസഫ്, കൺവീനർ റോബിൻ വർഗ്ഗീസ് തുടങ്ങിയവർ നേതൃത്വം നൽകി. FB PAGE

- pma

വായിക്കുക: , , ,

അഭിപ്രായം എഴുതുക »

ജിമ്മിജോർജ്ജ് സ്മാരക വോളി : എൽ. എൽ. എച്ച്. ഹോസ്പിറ്റൽ ജേതാക്കൾ

April 2nd, 2024

jimmy-george-volley-ball-epathram
അബുദാബി : കേരള സോഷ്യൽ സെൻ്റർ സംഘടിപ്പിച്ച 24-ആമത് ജിമ്മി ജോർജ്ജ് മെമ്മോറിയൽ അന്താരാഷ്ട്ര റമദാൻ വോളി ബോൾ ടൂർണ്ണ മെന്റിൽ എൽ. എൽ. എച്ച്. ഹോസ്പിറ്റൽ ജേതാക്കളായി.

അബുദാബി അൽ ജസീറ സ്റ്റേഡിയത്തിൽ നടന്ന വാശിയേറിയ ഫൈനൽ മത്സരത്തിൽ ഏക പക്ഷീയ മായ മൂന്നു സെറ്റുകൾക്ക് ലിറ്റിൽ സ്കോളർ ദുബായിയെ പരാജയപ്പെടുത്തിയാണ് എൽ. എൽ. എച്ച്. ഹോസ്പിറ്റൽ വിജയികളായത്.

എവർ റോളിംഗ് ട്രോഫിയും 20,000 ദിര്‍ഹവുമാണ് വിജയികള്‍ക്ക് സമ്മാനിച്ചത്. റണ്ണേഴ്‌സ് അപ്പിന് അയൂബ് മാസ്റ്റര്‍ സ്മാരക ട്രോഫിയും 15,000 ദിര്‍ഹവും സമ്മാനിച്ചു.

llh-hospital-wins-ksc-jimmy-george-memorial-volley-ball-tournament-ePathram

മികച്ച കളിക്കാരൻ, ഒഫെൻഡർ, ബ്ലോക്കർ, സെറ്റർ, ലിബറോ, ഭാവി വാഗ്ദാനം എന്നിവർക്കുള്ള സമ്മാനങ്ങളും വിതരണം ചെയ്തു. ലൈഫ് ടൈം അച്ചീവ്മെൻ്റ് അവാർഡ് മുൻ വോളിബോൾ താരവും എം. എൽ.എ. യുമായ മാണി സി. കാപ്പനു സമ്മാനിച്ചു. ബുർജീൽ ഹോൾഡിംഗ്സിൻ്റെ എൽ. എൽ. എച്ച്. ഹോസ്പിറ്റൽ ഗ്രൂപ്പുമായി സഹകരിച്ചു കൊണ്ടാണ് വോളിബോൾ ടൂർണ്ണ മെൻ്റ് സംഘടിപ്പിച്ചത്.

ഇന്ത്യ, യു. എ. ഇ, ഈജിപ്ത്, ബ്രസീൽ, കൊളംബിയ, ലെബനോൺ, ക്യൂബ, റഷ്യ, സെർബിയ, യു. എസ്. എ., ഇറാൻ, പാകിസ്ഥാൻ തുടങ്ങിയ രാജ്യങ്ങളിലെ ദേശീയ – അന്തർ ദേശീയ താരങ്ങൾ മത്സരത്തിൽ പങ്കെടുത്തു.

എൽ. എൽ. എച്ച്. ഹോസ്പിറ്റൽ, ഓൺലി ഫ്രഷ് ദുബായ്, പാല സിക്സ് മദിന ദുബായ്, ശ്രീലങ്കൻ ടീം, ലിറ്റിൽ സ്കോളർ നഴ്സറി ദുബായ്, ഖാൻ ക്ലബ്ബ് എന്നീ ആറ് ടീമുകളാണ് മാറ്റുരച്ചത്.

ഡോ. നരേന്ദ്ര (റീജണൽ ഡയറക്ടർ, ബുർജീൽ ഹോൾഡിംഗ്സ്), ഡോ. പത്മനാഭൻ (ഡയറക്ടർ, ക്ലിനിക്കൽ എക്സലന്റ്), വി. നന്ദ കുമാർ (ഡയറക്ടർ , മാർക്കറ്റിംഗ് കമ്മ്യൂണിക്കേഷൻ, ലുലു ഗ്രൂപ്പ്) തുടങ്ങിയവർ കളിക്കാരുമായി പരിചയപ്പെട്ടു.

കെ. എസ്. സി. പ്രസിഡണ്ട് എ. കെ. ബീരാൻ കുട്ടി, ജനറല്‍ സെക്രട്ടറി കെ. സത്യൻ, സ്പോര്‍ട്സ് സെക്രട്ടറിമാരായ റഷീദ് അയിരൂർ, സുഭാഷ് മടേക്കടവ്, കൺവീനർ സലീം ചിറക്കൽ എന്നിവര്‍ നേതൃത്വം നല്‍കി.

- pma

വായിക്കുക: , ,

അഭിപ്രായം എഴുതുക »

ജിമ്മി ജോർജ്ജ് വോളി : ലൈഫ് ടൈം അച്ചീവ് മെന്റ് അവാർഡ് മാണി സി. കാപ്പന്

March 25th, 2024

mani-c-kappan-get-ksc-jimmy-george-life-time-achivemnt-award-ePathram
അബുദാബി : വോളിബോളിലെ ഇതിഹാസ താരം ജിമ്മി ജോർജ്ജിൻ്റെ സ്മരണാർത്ഥം അബുദാബി കേരള സോഷ്യൽ സെൻ്റർ ഏർപ്പെടുത്തിയ ലൈഫ് ടൈം അച്ചീവ് മെന്റ് അവാർഡ് മുൻ വോളിബോൾ താരവും എം. എൽ.എ. യുമായ മാണി സി. കാപ്പനു സമ്മാനിക്കും എന്ന് സംഘാടകർ അറിയിച്ചു. വോളി ബോളിന്‌ നൽകിയ സമഗ്ര സംഭാവനകൾ മാനിച്ചാണ് ലൈഫ് ടൈം അച്ചീവ് മെന്റ് അവാർഡ് സമ്മാനിക്കുന്നത്.

മാർച്ച് 27 മുതൽ 31 വരെ നടക്കുന്ന ഇരുപത്തി നാലാമത് ജിമ്മി ജോർജ്ജ് സ്മാരക അന്താരാഷ്ട്ര റമദാൻ വോളി ബോൾ ടൂർണ്ണമെൻ്റ് സമാപന സമ്മേളനത്തിൽ അവാർഡ് സമ്മാനിക്കും. ജിമ്മി ജോർജ്ജിനു കൂടെ അബുദാബി ക്ലബ്ബിൽ വോളി ബോൾ കളിച്ചയാളാണ് മാണി സി. കാപ്പൻ.

വോളിബോൾ ഇതിഹാസം ജിമ്മി ജോർജ്ജിൻ്റെ സ്മരണാർത്ഥം 1988 മുതലാണ് അബുദാബി കേരള സോഷ്യൽ സെൻ്റർ ജിമ്മി ജോർജ്ജ് മെമ്മോറിയൽ വോളിബോൾ ടൂർണ്ണമെൻ്റ് ആരംഭിച്ചത്. ഓരോ വർഷം കഴിയുന്തോറും ഈ ടൂർണ്ണമെന്റിൻ്റെ പ്രശസ്തി വർദ്ധിച്ചു കൊണ്ടിരിക്കുകയാണ് എന്നും സംഘാടകർ പറഞ്ഞു.

ഇൻഡോ അറബ് ബന്ധത്തിൻ്റെ കൂടി അടയാളം ആയി മാറിയ ഈ മേളക്ക് യു. എ. ഇ. യിലെ വിവിധ മന്ത്രാലയ ങ്ങളും കായിക സംഘടനകളും വലിയ പിന്തുണയാണ് നൽകി വരുന്നത്.

ദുബായ് ശൈഖ്‌ റാഷിദ് വോളിബോൾ ടൂർണ്ണമെന്റ് കഴിഞ്ഞാൽ ഗൾഫ് മേഖലയിലെ തന്നെ ഏറ്റവും വലിയ അന്താരാഷ്‌ട്ര ടൂർണ്ണ മെന്റായി ജിമ്മി ജോർജ്ജ് സ്മാരക വോളിബോള്‍ ടൂർണ്ണമെന്റ് അറിയപ്പെടുന്നു എന്നും കെ. എസ്. സി. ഭാരവാഹികൾ പറഞ്ഞു.

- pma

വായിക്കുക: , , ,

അഭിപ്രായം എഴുതുക »

ജിമ്മി ജോർജ്ജ് സ്മാരക റമദാൻ വോളി : മാർച്ച് 27 ന് അബുദാബിയിൽ തുടക്കം

March 24th, 2024

jimmy-george-volley-ball-epathram

അബുദാബി : കേരള സോഷ്യൽ സെൻ്റർ ഇരുപത്തി നാലാമത് ജിമ്മി ജോർജ്ജ് സ്മാരക അന്താ രാഷ്ട്ര റമദാൻ വോളി ബോൾ ടൂർണ്ണ മെൻ്റ് 2024 മാർച്ച് 27 മുതൽ 31 വരെ നടക്കും. എല്ലാ ദിവസവും രാത്രി എട്ടു മണി മുതലാണ് മത്സരങ്ങൾ ആരംഭിക്കുക.

അബുദാബി എയർ പോർട്ട് റോഡിൽ എമിഗ്രേഷൻ ബ്രിഡ്ജിന് സമീപം ലിവ ഇൻ്റർ നാഷണൽ സ്കൂൾ സ്റ്റേഡിയത്തിൽ വെച്ചാണ് മത്സരം നടക്കുക.

ബുർജീൽ ഹോൾഡിംഗ്സിൻ്റെ എൽ. എൽ. എച്ച്. ഹോസ്പിറ്റൽ ഗ്രൂപ്പുമായി സഹകരിച്ചു കൊണ്ടാണ് വോളി ബോൾ ടൂർണ്ണ മെൻ്റ് സംഘടിപ്പിക്കുന്നത് എന്ന് ഭാരവാഹികൾ വാർത്താ സമ്മേളനത്തിൽ അറിയിച്ചു.

press-meet-llh-ksc-24-th-jimmi-george-ramadan-volly-ePathramമാർച്ച് 27 ന് രാത്രി 8 മണിക്ക് ബുർജീൽ ഹോൾഡിംഗ്‌സ് ചെയർമാൻ ഡോ. ഷംസീർ വയലിൽ ടൂർണ്ണ മെൻ്റ് ഉദ്‌ഘാടനം ചെയ്യും. ചടങ്ങിൽ കെ. എസ്. സി. കലാ വിഭാഗം അവതരിപ്പിക്കുന്ന വിവിധ കലാ പരിപാടികളും അരങ്ങേറും.

ഇന്ത്യ, യു. എ. ഇ, ഈജിപ്ത്, ബ്രസീൽ , കൊളംബിയ, ലെബ നോൺ, ക്യൂബ, റഷ്യ, സെർബിയ, യു. എസ്. എ, ഇറാൻ, പാകിസ്ഥാൻ തുടങ്ങിയ രാജ്യങ്ങളിലെ ദേശീയ – അന്തർ ദേശീയ താരങ്ങൾ മത്സരത്തിൽ പങ്കെടുക്കും.

എൽ. എൽ. എച്ച്. ഹോസ്പിറ്റൽ, ഓൺലി ഫ്രഷ് ദുബായ്, പാല സിക്സ് മദിന ദുബായ്, ശ്രീലങ്കൻ ഇർൻ്റ നാഷണൽ ടീം, ലിറ്റിൽ സ്കോളർ നഴ്സറി ദുബായ്, ഖാൻ ക്ലബ്ബ് എന്നീ ആറ് ടീമുകളാണ് കളിക്കളത്തിൽ ഇറങ്ങുക.

എൽ. എൽ. എച്ച്. ഹോസ്പിറ്റൽ എവർ റോളിങ് ട്രോഫിയും 20,000 ദിര്‍ഹവുമാണ് വിജയികള്‍ക്ക് സമ്മാനിക്കുക. അയൂബ് മാസ്റ്റര്‍ സ്മാരക ട്രോഫിയും 15,000 ദിര്‍ഹവും റണ്ണേഴ്സപ്പിന് ലഭിക്കും.

മികച്ച കളിക്കാരൻ, ഒഫെന്‍ഡര്‍, ബ്ലോക്കർ, സെറ്റർ, ലിബറോ, ഭാവി വാഗ്ദാനം എന്നിവർക്കും വ്യക്തിഗത പുരസ്കാരങ്ങൾ സമ്മാനിക്കും.

കേരള സോഷ്യൽ സെൻ്റർ പ്രസിഡണ്ട് എ. കെ. ബീരാൻ കുട്ടി, ബുർജീൽ ഹോൾ ഡിംഗ്സ് സി. ഒ. ഒ. സഫീർ അഹമ്മദ്, കോഡിനേറ്റർ ടി. എം. സലിം, ജനറൽ സെക്രട്ടറി കെ. സത്യൻ, ഫൈനാൻസ് കൺവീനർ അഡ്വ. അൻസാരി സൈനുദ്ദീൻ, കായിക വിഭാഗം സെക്രട്ടറി റഷീദ് അയിരൂർ എന്നിവർ വാർത്താ സമ്മേളനത്തിൽ പങ്കെടുത്തു.

- pma

വായിക്കുക: , , ,

അഭിപ്രായം എഴുതുക »

മൂന്നാമത് ഇ. കെ. നായനാര്‍ സ്മാരക ഫുട് ബോൾ ടൂർണ്ണ മെന്റിന് വർണ്ണാഭമായ തുടക്കം

March 17th, 2024

shakthi-nayanar-memorial-football-third-tournament-opening-ePathram
അബുദാബി : ശക്തി തിയ്യറ്റേഴ്‌സ് സംഘടിപ്പിക്കുന്ന മൂന്നാമത് ഇ. കെ. നായനാര്‍ സ്മാരക റമദാന്‍ ഫുട് ബോൾ ടൂർണ്ണ മെൻ്റ് ഉദ്ഘാടനം അബുദാബി സൺ റൈസ് സ്‌കൂൾ പ്രിൻസിപ്പാൾ രാജേന്ദ്രൻ നായർ നിർവ്വഹിച്ചു.

ശക്തി പ്രസിഡണ്ട് കെ. വി. ബഷീർ അദ്ധ്യക്ഷത വഹിച്ചു. ജനറൽ സെക്രട്ടറി എ. എൽ. സിയാദ് സ്വാഗതം ആശംസിച്ചു. അഹല്യ ഹോസ്പിറ്റലിൽ സീനിയർ മാനേജർ സൂരജ് പ്രഭാകർ മുഖ്യാതിഥിയായി.

കെ. എസ്‌. സി. പ്രസിഡണ്ട് എ. കെ. ബീരാൻ കുട്ടി, ടൂർണ്ണ മെൻ്റ് കോഡിനേറ്റർ ടി. കെ. മനോജ്, ശക്തി തിയ്യറ്റേഴ്‌സ് മുഖ്യ രക്ഷാധികാരി അഡ്വ. അന്‍സാരി സൈനുദ്ദീന്‍, വി.പി. കൃഷ്ണ കുമാർ, ഗോവിന്ദൻ നമ്പൂതിരി, ശക്തി കായിക വിഭാഗം സെക്രട്ടറി ഉബൈദുല്ല എന്നിവർ സംസാരിച്ചു.

52 ടീമുകൾ മാറ്റുരക്കുന്ന ഫുട് ബോൾ ടൂർണ്ണ മെൻ്റ് ഉദ്ഘാടന വേദിയിൽ അഞ്ഞൂറോളം പേർ അണി നിരന്ന മാർച്ച് പാസ്റ്റ് ഏറെ ശ്രദ്ധേയമായി. മുസഫയിലെ അബുദാബി യൂണിവേഴ്‌സിറ്റി ഗ്രൗണ്ടിലാണ് മൂന്നാമത് ഇ. കെ. നായനാര്‍ സ്മാരക റമദാന്‍ ഫുട് ബോൾ ടൂർണ്ണ മെൻ്റ് നടക്കുന്നത്.

- pma

വായിക്കുക: , , , ,

അഭിപ്രായം എഴുതുക »

1 of 561231020»|

« Previous « ഗാസയിലെ പരിക്കേറ്റവർക്ക് 2 ദശ ലക്ഷം ദിര്‍ഹത്തിൻ്റെ മെഡിക്കൽ സഹായം എത്തിച്ച് ബുര്‍ജീല്‍ ഹോൾഡിംഗ്സ്
Next Page » ശൈഖ് മുഹമ്മദ് ബിൻ സായിദ് സമൂഹ ഇഫ്താറിൽ : വീഡിയോ വൈറൽ »



  • മെഹ്ഫിൽ ഹ്രസ്വ ചിത്ര-മാധ്യമ പുരസ്കാരങ്ങൾ സമ്മാനിച്ചു
  • ബാഫഖി തങ്ങളുടെ സംഭാവന പുതു തലമുറ പഠന വിഷയം ആക്കണം : എം. എ. റസാഖ് മാസ്റ്റർ
  • ഹെൽത്ത് കെയർ വീഡിയോ സീരിസ് എച്ച് ഫോർ ഹോപ്പ് പുറത്തിറങ്ങി
  • കെ. എം. സി. സി. ഇവന്റസ്‌ ഓഫീസ് തുറന്നു പ്രവർത്തനം ആരംഭിച്ചു
  • സിഗ്നലിൽ ചുവപ്പ് ലൈറ്റ് മറി കടന്നാൽ 1000 ദിർഹം പിഴ
  • ഡോ. ഷംഷീർ വയലിൽ അനുശോചനം അറിയിച്ചു.
  • എയർ പോർട്ട് സിറ്റി ചെക്ക്-ഇന്‍ സേവനം മുസ്സഫ ഷാബിയയിലും
  • ശൈ​ഖ് ത​ഹ്‍​നൂ​ൻ ബി​ൻ മുഹമ്മദ് അല്‍ നഹ്യാന്‍ അന്തരിച്ചു
  • വീണ്ടും മഴ മുന്നറിയിപ്പ് : മുന്നോടിയായി പൊടിക്കാറ്റ് വീശുന്നു
  • മെഹ്ഫിൽ അവാർഡ് നിശ മെയ്‌ 12 ഞായറാഴ്ച ഷാർജയിൽ
  • മഠത്തിൽ മുസ്തഫയുടെ ചിത്രം ലൈബ്രറിയിൽ സ്ഥാപിച്ചു
  • ദുബായ് വിമാനത്താവളം സാധാരണ നിലയിലേക്ക്
  • ഈദ് പ്രോഗ്രാം ‘ശവ്വാൽ നിലാവ്’ ശ്രദ്ധേയമായി
  • വിഷു – ഈദ് – ഈസ്റ്റർ ആഘോഷങ്ങൾ സംഘടിപ്പിച്ചു
  • കെ. എസ്. സി. സംഘടിപ്പിച്ച ഈദ് വിഷു ഈസ്റ്റർ ആഘോഷം വേറിട്ടതായി
  • യൂസഫലിയുടെ പ്രവാസത്തിൻ്റെ അര നൂറ്റാണ്ട് : 50 കുട്ടികൾക്ക് പുതു ജീവൻ പകർന്ന് ഗോൾഡൻ ഹാർട്ട് ഇനിഷ്യേറ്റീവ്
  • ക്രിക്കറ്റ് ടൂർണ്ണമെൻ്റ് : മാർത്തോമാ യുവജന സഖ്യം ജേതാക്കൾ
  • സസ്നേഹം സമസ്യ : സാഹിത്യ സദസ്സും ആദരിക്കലും
  • ഈദുൽ ഫിത്വർ അവധി ദിനങ്ങൾ
  • ജിമ്മിജോർജ്ജ് സ്മാരക വോളി : എൽ. എൽ. എച്ച്. ഹോസ്പിറ്റൽ ജേതാക്കൾ



  • കിയാല്‍ മറുപടി പറയണം : വെ...
    എയര്‍ ഇന്ത്യ ബാഗേജ് പത്ത്...
    ഒ.ഐ.സി.സി. ജില്ലാ കൺവെൻഷൻ...
    പ്രവാസി ക്ഷേമനിധി പ്രായ പ...
    സിറിയ : വെടിനിർത്തൽ അടുക്...
    സമാജം യുവജനോത്സവം : ഗോപിക...
    ജലീല്‍ രാമന്തളി യുടെ നേര്...
    ഭൂമിക്കായി ഒരു മണിക്കൂര്‍...
    അബുദാബി പുസ്തക മേളക്ക് തു...
    ജലീല്‍ രാമന്തളി യുടെ നോവല...
    മാധ്യമങ്ങള്‍ സത്യ ത്തിന്റ...
    ഇ. എം. എസ്. ആഗ്രഹിച്ച രീത...
    ഇന്ത്യന്‍ എംബസി യിലെ കമ്യ...
    ഷാര്‍ജയില്‍ തീ : മലയാളിയു...
    ഖത്തര്‍ : ലോകത്തെ ഏറ്റവും...
    യു.എ.ഇ.യില്‍ ആനയുടെ കാല്‍...
    ഏറ്റവും ആദരിക്കുന്ന നേതാവ...
    ഇന്ത്യന്‍ സിനിമകള്‍ ജീവിത...
    ബഷീര്‍ അനുസ്മരണവും സാഹിത്...
    സൌദിയില്‍ അറസ്റ്റിലായ ഗായ...

    Click here to download Malayalam fonts
    Click here to download Malayalam fonts
    Your Ad Here
    Club Penguin


    ePathram Magazine