ദുബായ് : മമ്മൂട്ടി ഫാൻസ് ഇന്‍റർ നാഷണൽ യു. എ. ഇ. ചാപ്റ്റർ സംഘടിപ്പിക്കുന്ന സെവൻസ് ഫുട്ബോൾ ടൂർണ്ണ മെന്‍റിന്‍റെ പ്രോമോ വീഡിയോ പ്രകാശനം ചെയ്തു. നടനും സംവിധായകനുമായ അജയ് വാസു ദേവ് പ്രോഗ്രാം പ്രോമോ വീഡിയോ പ്രകാശന കർമ്മം നിർവ്വഹിച്ചു.
മമ്മൂട്ടി ഫാൻസ് യു. എ. ഇ. ചാപ്റ്റർ സെക്രട്ടറി ഫിറോസ് ഷാ അദ്ധ്യക്ഷത വഹിച്ചു. മമ്മൂട്ടി ഫാൻസ് ഇന്‍റർനാഷണൽ സെക്രട്ടറി സഫീദ് കുമ്മനം, യു. എ. ഇ. ചാപ്റ്റർ രക്ഷാധികാരി ശിഹാബ് തൃശൂർ എന്നിവർ പരിപാടിയെ കുറിച്ചു വിശദീകരിച്ചു. റാഷിദ്, മിൽഡോ, ജംഷിദ്, ജോസ്ഫിൻ, ശബീക്, സുൽഫികർ, ഫൈസൽ, സനിൽ തുടങ്ങിയവര്‍ സംബന്ധിച്ചു.
സോക്കർ 2022 സീസൺ-1 എന്ന പേരിൽ ആഗസ്റ്റ് 21 ഞായറാഴ്ച വൈകുന്നേരം 4 മണി മുതല്‍ ദുബായ് അബു ഹൈലിലെ പേൾ വിസ്‌ഡം സ്‌കൂള്‍ ഗ്രൗണ്ടിലാണ് സെവൻസ് ഫുട് ബോൾ ടൂർണ്ണമെന്‍റ് നടക്കുക. പ്രശസ്ത ഫുട്ബോള്‍ താരം ഐ. എം. വിജയൻ മത്സരം ഉത്‌ഘാടനം ചെയ്യും.
