താര സംഘടനയിൽ നിന്നും ഷമ്മി തിലകനെ പുറത്താക്കിയിട്ടില്ല : വാർത്ത നിഷേധിച്ച് നേതൃത്വം

June 26th, 2022

logo-amma-association-of-malayalam-movie-artists-ePathram

കൊച്ചി : നടൻ ഷമ്മി തിലകനെ താര സംഘടനയിൽ നിന്നും പുറത്താക്കി എന്ന വാര്‍ത്ത നിഷേധിച്ച് A M M A നേതൃത്വം. ഷമ്മി ഇപ്പോഴും താര സംഘടനയിലെ അംഗമാണ്. ജനറൽ ബോഡിക്ക് പുറത്താക്കുവാന്‍ അധികാരമില്ല.

ഇന്നത്തെ ജനറല്‍ ബോഡിയില്‍ ഷമ്മി തിലകന്‍ പങ്കെടുത്തിട്ടില്ല. അദ്ദേഹത്തിനു പറയാനുള്ളത് എന്താണ് എന്ന് കേട്ടിരുന്നില്ല. ഷമ്മി യുടെ വിശദീകരണം കൂടി കിട്ടിയതിനു ശേഷം എക്സിക്യൂട്ടീവ് കമ്മിറ്റിയില്‍ മാത്രമേ തീരുമാനം എടുക്കുകയുള്ളൂ എന്നും A M M A ഭാര വാഹികള്‍ വാര്‍ത്താ സമ്മേളനത്തില്‍ അറിയിച്ചു.

2021 ഡിസംബറിൽ കൊച്ചിയിൽ നടന്ന A M M A യുടെ യോഗം ഷമ്മി തിലകൻ ഫോണില്‍ ചിത്രീകരിച്ചു എന്നതാണ് ഷമ്മിക്ക് എതിരെ ചാര്‍ത്തിയ കുറ്റം. ഭൂരിഭാഗം പേരുടേയും അഭിപ്രായം ഷമ്മി തിലകനെ കമ്മിറ്റിയില്‍ നിന്ന് പുറത്താക്കണം എന്നു തന്നെയാണ് എന്നും ഭാരവാഹികള്‍ അറിയിച്ചു.

2022 ജൂൺ 26 ഞായറാഴ്ച കൊച്ചിയിൽ ചേർന്ന ജനറൽ ബോഡി യോഗത്തിൽ ഷമ്മി തിലകനെ സംഘടന യില്‍ നിന്നും പുറത്താക്കുവാന്‍ തീരുമാനിച്ചു എന്നു റിപ്പോര്‍ട്ട് ചെയ്തിരുന്നു. തുടര്‍ന്ന് സംഘടനാ ഭാരവാഹികൾ തന്നെ വാർത്താ സമ്മേളനം വിളിച്ച് പുറത്താക്കല്‍ വാര്‍ത്ത നിഷേധിക്കുകയായിരുന്നു.

- pma

വായിക്കുക: , , ,

അഭിപ്രായം എഴുതുക »

ഷമ്മി തിലകനെ A M M A യില്‍ നിന്നും പുറത്താക്കി

June 26th, 2022

actor-shammy-thilakan-ePathram

കൊച്ചി : അച്ചടക്ക ലംഘനത്തിന്‍റെ പേരില്‍ താര സംഘടന A M M A യില്‍ നിന്നും നടന്‍ ഷമ്മി തിലകനെ പുറത്താക്കി. A M M A യുടെ യോഗം മൊബൈല്‍ ഫോണില്‍ ചിത്രീകരിച്ചു എന്നതാണ് ഷമ്മിക്ക് എതിരെ ചാര്‍ത്തിയ കുറ്റം. ഇന്നു നടന്ന A M M A യുടെ വാര്‍ഷിക ജനറല്‍ ബോഡി യോഗത്തിലാണ് തീരുമാനം. A M M A യോഗം ചിത്രീകരിച്ചത് തെറ്റാണ് എന്നായിരുന്നു യോഗത്തിലെ പൊതു വികാരം.

2021 ഡിസംബറിൽ കൊച്ചിയിൽ നടന്ന ജനറൽ ബോഡി യോഗം ഷമ്മി തിലകൻ ഫോണില്‍ ചിത്രീകരിച്ചതാണ് വിവാദമായത്. യോഗത്തിൽ പങ്കെടുത്ത ഒരംഗം അന്നു തന്നെ സംഘടനാ നേതൃത്വത്തിന്‍റെ ശ്രദ്ധയിൽ പ്പെടുത്തി യിരുന്നു. തുടർന്ന് ഷമ്മി തിലകന് എതിരേ നടപടി വേണം എന്ന ആവശ്യവുമായി മറ്റു അംഗങ്ങൾ രംഗത്തു വരികയും ചെയ്തു.

A M M A ഭാരവാഹികൾക്ക് എതിരെ ഫേയ്സ് ബുക്കില്‍ പോസ്റ്റ് ഇട്ടതും നടപടിക്ക് കാരണമായി എന്നും റിപ്പോര്‍ട്ടുണ്ട്. അനശ്വര നടന്‍ ജയന്‍റെ നാല്പതാം ചരമ വാര്‍ഷികത്തില്‍ യഥാര്‍ത്ഥ സൂപ്പര്‍ സ്റ്റാറിന് പ്രണാമം എന്ന എഫ്. ബി. പോസ്റ്റ്, മറ്റു താരങ്ങളുടെ ആരാധകരെ ഏറെ പ്രകോപിപ്പിച്ചിരുന്നു.

 

- pma

വായിക്കുക: , , ,

അഭിപ്രായം എഴുതുക »

പുതു മുഖങ്ങള്‍ക്ക് പ്രാധാന്യമുള്ള ‘ഒന്ന്’ തിയ്യേറ്ററുകളിലേക്ക്

June 3rd, 2022

1-amen-kareem-first-movie-onnu-ePathram
പ്രവാസി മലയാളികൾക്ക് ഏറെ പരിചിതനായ നടനും ഗായകനുമായ അമൻ മുഖ്യവേഷത്തിൽ എത്തുന്ന ‘ഒന്ന്’എന്ന സിനിമ ജൂൺ മൂന്നിന് തിയ്യേറ്ററുകളിലേക്ക് എത്തുന്നു. പുതുമുഖങ്ങൾക്ക് പ്രാധാന്യം നൽകി വനിതാ സംവിധായിക അനുപമ മേനോൻ ഒരുക്കുന്ന ‘ഒന്ന്’ സസ്പെൻസ് നിറഞ്ഞ ഒരു ത്രില്ലർ കഥയാണ് പറയുന്നത്. കേരള വിഷ്വൽ സൈൻ ബാനറിൽ ‘ഒന്ന്’ നിർമ്മിക്കുന്നത് ഹിമി. കെ. ജി.

ക്യാമറക്ക് മുന്നിലും പിന്നിലുമായി നിരവധി പുതിയ പ്രതിഭകൾ ‘ഒന്ന്’ സിനിമയിലൂടെ മലയാള ചലച്ചിത്ര രംഗ ത്തേക്ക് ചുവടു വെക്കുന്നു എന്നത് ഏറെ ശ്രദ്ധേയമാണ്. മാത്രമല്ല ഈ സിനിമയിൽ നിരവധി പ്രവാസി കലാ കാരന്മാർക്ക് അവസരം നൽകിയതിൽ ചിത്രത്തിന്‍റെ നിർമ്മാതാക്കളും സംവിധായികയും അഭിനന്ദനം അർഹിക്കുന്നു.

singer-amen-kareem-onnu-movie-poster-ePathram

പാട്ടുകള്‍ക്ക് ഏറെ പ്രാധാന്യം നല്‍കിയിരിക്കുന്ന ചിത്രത്തിലെ ‘അരികെ വരുമോ… ഇതു വഴി നീ…’ എന്ന് തുടങ്ങുന്ന ഗാനം രചിച്ചതും പാടിയതും പ്രവാസി കലാകാരന്മാരാണ്.

ഗാന രചയിതാവ് ഫിറോസ് വെളിയങ്കോട്, ഗായിക പ്രസീത മനോജ് എന്നിവർ ബഹറൈനില്‍ നിന്നുള്ള പ്രവാസികളാണ്. പ്രസീതയോടൊപ്പം നിസാം അലി എന്ന ഗായകനും ഈ ഗാനം ആലപിച്ചിരിക്കുന്നു. ഖത്തർ പ്രവാസിയായ ഹാഷിം ഹസൻ ഈ സിനിമയിൽ അഭിനയിച്ചിട്ടുണ്ട്.

1-actors-amen-s-onnu-movie-ePathram

കഥ : കപിൽ. തിരക്കഥ, സംഭാഷണം : ഗോപു പരമശിവൻ, ക്യാമറ : ഷാജി അന്നകര, എഡിറ്റിങ് : ജയചന്ദ്രൻ, കലാ സംവിധാനം : കിഷോർ കുമാർ, പ്രൊഡക്ഷൻ കൺട്രോളർ : സന്തോഷ് ആലഞ്ചേരി, പ്രൊഡക്ഷൻ എക്സിക്യൂട്ടീവ് : പ്രവീൺ ചേലക്കോട്.

ഗാന രചന : ശങ്കരൻ തിരുമേനി, ഫിറോസ് വെളിയങ്കോട്, അക്ബർ കുഞ്ഞുമോൻ. സംഗീതം : ഷിബു ആന്‍റണി & നൗഫൽ നാസർ. അസ്സോസിയേറ്റ് പ്രൊഡ്യൂസർ : പ്രലീൻ പ്രഭാകരൻ, അസ്സോസിയേറ്റ് ഡയറക്ടർ : സൈലു ചാപ്പി.

അമൻ കൂടാതെ ജോജൻ കാഞ്ഞാണി, ടി. ആർ. രതികുമാർ, ഗിരീഷ് പെരിഞ്ചേരി, സജീവ്, അജീഷ്, ജോബിൻ, ജെയ്‌സർ, ഷക്കീർ, കല്യാണി, സാന്ദ്ര, ഐശ്വര്യ തുടങ്ങി നിരവധി അഭിനേതാക്കൾ കഥാപാത്രങ്ങളായി വേഷമിടുന്നു.

ഗൾഫിലെ സംഗീത വേദികളിൽ ഗായകനായി തിളങ്ങിയ അമൻ തൻ്റെ മാസ്മരിക പ്രകടനത്തിലൂടെ വെള്ളിത്തിര യിൽ കൂടുതൽ പ്രശോഭിക്കും എന്നു പ്രതീക്ഷിക്കാം.

- pma

വായിക്കുക: , ,

അഭിപ്രായം എഴുതുക »

ഗായകന്‍ ഇടവ ബഷീര്‍ അന്തരിച്ചു

May 29th, 2022

singer-edava-basheer-ePathram
ആലപ്പുഴ : ഗാനമേള വേദിയില്‍ പാടുമ്പോള്‍ പ്രശസ്ത ഗായകന്‍ ഇടവ ബഷീര്‍ (78) കുഴഞ്ഞു വീണു മരിച്ചു. ആലപ്പുഴയില്‍ ബ്ലൂ ഡയമണ്ട്സ് ഓര്‍ക്കസ്ട്ര യുടെ സുവര്‍ണ്ണ ജുബിലി ആഘോഷത്തില്‍ പാടുന്നതിനിടെ കുഴഞ്ഞു വീഴുകയായിരുന്നു. ആശുപത്രിയില്‍ എത്തിച്ചു എങ്കിലും അദ്ദേഹം മരണത്തിനു കീഴടങ്ങി.

ആലപ്പുഴ ബ്‌ളൂ ഡയമണ്ട്‌സ് ഓര്‍ക്കസ്ട്രയുടെ ആദ്യ കാല ഗായകന്‍ കൂടിയായ ഇടവ ബഷീര്‍, അതേ ട്രൂപ്പിന്‍റെ സുവര്‍ണ്ണ ജൂബിലി ആഘോഷ പരിപാടികള്‍ നടക്കുന്ന വേദിയില്‍, യേശുദാസിന്‍റെ ‘മാനാ ഹോ തും…’ എന്ന ഹിന്ദി ഗാനത്തിന്‍റെ അവസാനത്തെ പല്ലവി പാടിത്തീരാന്‍ രണ്ടു വരി ബാക്കി നില്‍ക്കെ യാണ് കുഴഞ്ഞു വീണു മരിച്ചത്.

ഒരു കലാകാരനെ സംബന്ധിച്ച് ഇതൊരു അപൂര്‍വ്വ ഭാഗ്യം ആണെങ്കിലും ഗാനമേള വേദികളെ കൂടുതല്‍ ജനകീയമാക്കിയ ഈ പ്രതിഭ യുടെ വേര്‍പാട് സംഗീത ലോകത്തെ ശോകമൂകമാക്കി.

ഏതാനും സിനിമകളിലും ഇടവാ ബഷീറിന്‍റെ ശബ്ദ സാന്നിദ്ധ്യം ഉണ്ടായിട്ടുണ്ട്. അടൂര്‍ ഭാസി സംവിധാനം ചെയ്ത രഘുവംശം (1978) എന്ന സിനിമയിലെ ‘വീണ വായിക്കുമെന്‍ വിരല്‍ത്തുമ്പിലെ…’ എന്ന ഈ ഗാനം എസ്. ജാനകി ക്കൊപ്പം പാടിക്കൊണ്ടായിരുന്നു സനിമാ പ്രവേശം. സംഗീതം നല്‍കിയത് എ. ടി. ഉമ്മര്‍.

പിന്നീട് ‘മുക്കുവനെ സ്നേഹിച്ച ഭൂതം’ എന്ന സിനിമ യിലെ ‘ആഴിത്തിരമാലകള്‍…’ എന്ന ഗാനം വാണി ജയറാമിനൊപ്പം പാടി. സംഗീതം നൽകിയത് കെ. ജെ. ജോയ്.

മാപ്പിളപ്പാട്ടു ഗാന ശാഖയിലും അദ്ദേഹം പാടിയ ഹിറ്റ് ഗാനങ്ങള്‍ ഇന്നും ആസ്വാദകര്‍ ഏറ്റു പാടുന്നു. ഈദുല്‍ ഫിത്വറിന്‍ തക്ബീര്‍ നാദം.. പെരുന്നാള്‍ കുരുവീ…, കുളിര്‍ കോരി പൂ നിലാവില്‍… എന്നിവ അവയില്‍ ചിലതു മാത്രം.

- pma

വായിക്കുക: , , ,

അഭിപ്രായം എഴുതുക »

ഹേമ കമ്മിറ്റി റിപ്പോർട്ട് പുറത്തു വന്നാൽ പല വിഗ്രഹങ്ങളും ഉടയും

March 29th, 2022

actress-parvathy-thiruvothu-ePathram
സിനിമയിലെ സ്ത്രീകള്‍ അനുഭവിക്കുന്ന പ്രശ്‌നങ്ങള്‍ പഠിച്ച ജസ്റ്റിസ് ഹേമ കമ്മിറ്റി റിപ്പോര്‍ട്ട് പുറത്തു വരാത്തതില്‍ രൂക്ഷ വിമര്‍ശനവു മായി പ്രമുഖ നടി പാര്‍വ്വതി തിരുവോത്ത്. ഹേമ കമ്മിറ്റി റിപ്പോർട്ട് പുറത്തു വന്നാൽ നാം ആരാധിക്കുന്ന പല വിഗ്രഹ ങ്ങളും ഉടയും. സിനിമയിലെ പ്രമുഖരായ പല വ്യക്തികളുടെയും യഥാര്‍ത്ഥ ചിത്രം പുറത്തു വരും. സൂര്യ ഫെസ്റ്റിവലില്‍ സംസാരിക്കുകയായിരുന്നു പാര്‍വ്വതി. പല പ്രബലരും റിപ്പോര്‍ട്ടിനെ ഭയക്കുന്നു. ഇത് പുറത്തു വരാതിരിക്കാന്‍ ശ്രമിക്കുന്നു. പരാതി പരിഹാര സെല്‍ വരുന്നതിനെ ഇവര്‍ എതിര്‍ക്കുന്നു.

ഞാന്‍ ജോലി ചെയ്യുന്ന തൊഴിലിടത്തെ പ്രശ്‌നങ്ങള്‍ തുറന്നു പറഞ്ഞപ്പോള്‍ അവസരങ്ങള്‍ നഷ്ടപ്പെടും എന്ന് ഭീഷണി യുണ്ടായി. ആദ്യ കാലത്ത് ചിലരുടെ മോശം പെരുമാറ്റത്തെ പറ്റി പരാതിപ്പെട്ടപ്പോള്‍ ‘അത് കുഴപ്പമില്ല അവര്‍ അങ്ങിനെയായിപ്പോയി… വിട്ടേക്ക്’ എന്ന തരത്തില്‍ ഉള്ള മറുപടിയാണ് ലഭിച്ചത്. ആദ്യ കാലങ്ങളില്‍ ഞാനങ്ങനെ ചെയ്തു.

പിന്നീട് സഹ പ്രവര്‍ത്തകരായ പലരും ഇത്തരം അനുഭവങ്ങൾ നേരിടുന്നുണ്ട് എന്ന് മനസ്സിലായി. ഹേമ കമ്മിറ്റി റിപ്പോർട്ട് നടപ്പാക്കുന്നത് നീട്ടി ക്കൊണ്ടു പോകുവാനാണ് സര്‍ക്കാര്‍ ശ്രമിക്കുന്നത്.

കമ്മിറ്റികള്‍ക്ക് ശേഷം കമ്മിറ്റി. മൂന്ന് വര്‍ഷം നമ്മള്‍ കാത്തിരുന്നു. അതിനു ശേഷം അവര്‍ മറ്റൊരു കമ്മിറ്റി വെക്കുന്നു. അത് കഴിഞ്ഞ് അഞ്ച് വര്‍ഷത്തിനു ശേഷം, ഈ കമ്മിറ്റി പഠിച്ചത് പഠിക്കാന്‍ വേറൊരു കമ്മിറ്റി വേണം എന്ന് പറയും. നമുക്ക് അടുത്ത തെരഞ്ഞെടുപ്പ് വരെ കാത്തിരിക്കാം. പെട്ടന്ന് ആ റിപ്പോര്‍ട്ട് പുറത്തു വരും. പെട്ടന്നവര്‍ സ്ത്രീ സൗഹൃദ സര്‍ക്കാര്‍ ആവുകയും ചെയ്യും.

- pma

വായിക്കുക: , , ,

അഭിപ്രായം എഴുതുക »

1 of 165123...1020...Last »

« Previous « നയന്‍താര ചക്രവര്‍ത്തി ജെന്‍റില്‍ മാന്‍ 2- ല്‍ നായിക
Next Page » ഗായകന്‍ ഇടവ ബഷീര്‍ അന്തരിച്ചു »



ജോണ്‍ എബ്രഹാം സ്മാരക ഹ്രസ...
രജനികാന്ത് ചിത്രത്തിൽ മഞ്...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...
എവിടെ ജോണ്‍?...
ജോസ് പ്രകാശിന് ജെ. സി ഡാ...
നടന്‍ ജഗതിശ്രീകുമാറിനു കാ...
ബാരി മികച്ച ചിത്രം; വിദ്യ...
ജോണ്‍ അബ്രഹാം പ്രത്യേക പു...
പത്മശ്രീ ഭരത് ഡോക്ടര്‍ സര...
പ്രണയം : മലയാളിയുടെ ലൈംഗി...
ബ്ലെസിയുടെ ‘പ്രണയം’ കോപ്...
കോളിളക്കം വീണ്ടും വരുന്നു...
എം. ജി. ശ്രീകുമാറും പാട്ട...
പ്രാഞ്ചിയേട്ടന്‍റെ ഒന്നാം...
ആദാമിന്റെ മകന്‍ അബുവിനു വ...
നടി ശ്വേതാ മേനോന്‍ വിവാഹി...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine