സുരാജ് വെഞ്ഞാറമ്മൂട് നായകനാകുന്ന എന്റെ സത്യാന്വേഷണ പരീക്ഷണങ്ങള്‍ എന്ന ചിത്രത്തില്‍ നായികയാകാന്‍ ഇല്ലെന്ന് പ്രിയാമണി. സുരാജിനെ നായകനാക്കി ശങ്കര്‍ രാമകൃഷ്ണന്‍ തിരക്കഥയെഴുതി സുബിന്‍ സുരേന്ദ്രന്‍ സംവിധാനം ചെയ്യുന്ന ചിത്രത്തില്‍ പ്രിയാമണി ഉണ്ടാകും എന്ന വാര്‍ത്തകള്‍ വന്നിരുന്നു. കഴിഞ്ഞ ദിവസം ചിത്രത്തിന്റെ പൂജയും നടന്നിരുന്നു. സൂപ്പര്‍ താരങ്ങള്‍ക്കൊപ്പവും യൂത്ത് ഐക്കണ്‍ പൃഥ്‌വി രാജിനൊപ്പവുമെല്ലാം മലയാളത്തില്‍ അഭിനയിച്ചിട്ടുള്ള പ്രിയാമണി സുരാജിനൊപ്പം അഭിനയിക്കുന്നു എന്നത് വലിയ വാര്‍ത്തയായിരുന്നു. സോഷ്യല്‍ നെറ്റ്‌വര്‍ക്കുകളിലും ഇത് വലിയ ചര്‍ച്ചയായിരുന്നു. എന്നാല്‍ ഇത് ശ്രദ്ധയില്‍ പെടുത്തിയപ്പോഴാണ് താന്‍ സുരാജിനൊപ്പം സത്യാന്വേഷണ പരീക്ഷണങ്ങളില്‍ അഭിനയിക്കുന്നില്ല എന്ന് തെന്നിന്ത്യയിലെ മികച്ച നടിമാരില്‍ ഒരാളായ പ്രിയാമണി വ്യക്തമാക്കിയത്. രണ്‍ജിത്ത് സംവിധാനം ചെയ്ത മമ്മൂട്ടി ചിത്രമായ പ്രാഞ്ചിയേട്ടനു ശേഷം മോഹന്‍ ലാലിന്റെ ഗ്രാന്റ് മാസ്റ്റര്‍ എന്ന ചിത്രത്തിലാണ് ഏറ്റവും ഒടുവില്‍ മലയാളസിനിമയില്‍ അഭിനയച്ചത്
മമ്മൂട്ടിയെ നായകനാക്കി രഞ്ജിത്ത് സംവിധാനം ചെയ്യുന്ന പ്രാഞ്ചിയേട്ടന്‍ ആന്റ് സണ്‍സ് എന്ന ചിത്രത്തില്‍ നടി പ്രിയാമണി അഭിനയിക്കുന്നു. തൃശ്ശൂര്‍ അരിയങ്ങാടിയിലെ കച്ചവടക്കാരനായ പ്രാഞ്ചിയേട്ട നായിട്ടാണ് മമ്മൂട്ടി ഈ ചിത്രത്തില്‍ എത്തുന്നത്. ഒരു ഇന്റീരിയര്‍ ഡിസൈനറുടെ വേഷമാണ് പ്രാഞ്ചിയേട്ടനില്‍ പ്രിയാമണി അവതരിപ്പിക്കുന്നത്. പ്രിയാമണിക്ക് പുറമെ ഖുശ്ബുവും ഈ ചിത്രത്തില്‍ അഭിനയിക്കുന്നുണ്ട്.
ന്യൂ ഡല്‍ഹി : 56-ാമത് ദേശീയ ചലച്ചിത്ര പുരസ്കാരങ്ങള്‍ പ്രഖ്യാപിച്ചു. ബംഗാളി ചലച്ചിത്രമായ “അന്താഹീന്‍” ആണ് മികച്ച ചിത്രം. അനിരുദ്ധ റോയ് ചൌധരി സംവിധാനം ചെയ്ത ഈ ചിത്രത്തില്‍ രാഹുല്‍ ബോസ് നായകനായും അപര്‍ണ സെന്‍ നായികയായും അഭിനയിച്ചിരിക്കുന്നു. ഇവര്‍ക്ക് പുറമെ ഷര്‍മിള ടാഗോര്‍, മീത വസിഷ്ഠ് എന്നിവരും ഈ ചിത്രത്തില്‍ പ്രധാന കഥാപാത്രങ്ങള്‍ കൈകാര്യം ചെയ്തിരിക്കുന്നു. 
