മമ്മൂട്ടിയെ നായകനാക്കി രഞ്ജിത്ത് സംവിധാനം ചെയ്യുന്ന പ്രാഞ്ചിയേട്ടന്‍ ആന്റ് സണ്‍സ് എന്ന ചിത്രത്തില്‍ നടി പ്രിയാമണി അഭിനയിക്കുന്നു. തൃശ്ശൂര്‍ അരിയങ്ങാടിയിലെ കച്ചവടക്കാരനായ പ്രാഞ്ചിയേട്ട നായിട്ടാണ് മമ്മൂട്ടി ഈ ചിത്രത്തില്‍ എത്തുന്നത്. ഒരു ഇന്റീരിയര്‍ ഡിസൈനറുടെ വേഷമാണ് പ്രാഞ്ചിയേട്ടനില്‍ പ്രിയാമണി അവതരിപ്പിക്കുന്നത്. പ്രിയാമണിക്ക് പുറമെ ഖുശ്ബുവും ഈ ചിത്രത്തില്‍ അഭിനയിക്കുന്നുണ്ട്.
തെന്നിന്ത്യയില്‍ ഏറെ തിരക്കുള്ള നടിയായ പ്രിയാമണി രഞ്ജിത്ത് തിരക്കഥ എഴുതി സംവിധാനം ചെയ്ത “തിരക്കഥ” എന്ന ചിത്രത്തിലെ മാളവിക എന്ന കഥാപാത്രത്തെ അവതരിപ്പിച്ച് ഏറെ ശ്രദ്ധ നേടിയിരുന്നു. തിരക്കഥയിലെ അഭിനയത്തിനു നിരവധി അവാര്‍ഡുകളും ധാരാളം നിരൂപക പ്രശംസയും പ്രിയാമണിയെ തേടിയെത്തി. അടുത്തയിടെ മണിരത്നം സംവിധാനം ചെയ്ത് വിക്രം, പൃഥ്വിരാജ്, ഐശ്വര്യാ റായ് എന്നിവര്‍ അഭിനയിച്ച രാവണനിലും പ്രിയാമണിക്ക് ശ്രദ്ധേയമായ ഭാഗം ഉണ്ടായിരുന്നു.
ചിത്രത്തില്‍ ക്ലിക്ക്‌ ചെയ്‌താല്‍ കൂടുതല്‍ ചിത്രങ്ങള്‍ കാണാം
- എസ്. കുമാര്‍
