ബാഫഖി തങ്ങളുടെ സംഭാവന പുതു തലമുറ പഠന വിഷയം ആക്കണം : എം. എ. റസാഖ് മാസ്റ്റർ

May 16th, 2024

അബുദാബി : സ്വാതന്ത്രത്തിനു മുൻപും ശേഷവും പീഡനങ്ങളും യാതന കളും അനുഭവിച്ചു കഴിയുന്ന ഒരു സമൂഹത്തെ വിദ്യാ സമ്പന്ന രും കെല്പും ശേഷിയും ഒപ്പം ഭരണ പങ്കാളിത്തവും നൽകി ഉദ്ധരിക്കുന്ന തിൽ സയ്യിദ് അബ്‌ദു റഹിമാൻ ബാഫഖി തങ്ങൾ വഹിച്ച പങ്ക് വലുതാണ് എന്ന് കോഴിക്കോട് ജില്ലാ മുസ്ലിം ലീഗ് പ്രസിഡണ്ട് എം. എ. റസാഖ് മാസ്റ്റർ. അബുദാബി കോഴിക്കോട് ജില്ലാ കെ. എം. സി. സി. സംഘടിപ്പിച്ച കൺ വെൻഷനിൽ സംസാരിക്കുകയായിരുന്നു അദ്ദേഹം.

kozhikkode-abudhabi-kmcc-convension-2024-ePathram

തികഞ്ഞ ആത്മീയ നേതാവും മികച്ച രാഷ്രീയ തന്ത്ര ശാലിയും അറിയപ്പെടുന്ന കച്ചവടക്കാരനും ആയിരുന്ന സയ്യിദ് അബ്‌ദു റഹിമാൻ ബാഫഖി തങ്ങൾ കേരള ത്തിന് നൽകിയ സംഭാവനകൾ പഠന വിഷയം ആക്കണം.

സ്വാതന്ത്ര്യ സമര പോരാട്ടത്തിൻ്റെ ഭാഗമായി ഇഗ്ലീഷ് ഉൾപ്പെടെ ബൗദ്ധിക വിദ്യാഭ്യാസത്തോട് മുഖം തിരിച്ച ഒരു സമുദായത്തിൽ നിന്നും വലിയ വിദ്യാഭ്യാസ യോഗ്യത ഇല്ലാതെ തന്നെ ഇന്ത്യയിലെ അറിയപ്പെടുന്ന സർവ്വ കലാ ശാല സ്ഥാപിക്കുന്നതിൽ മുന്നിൽ നയിച്ച തങ്ങൾ അറിയപ്പെടുന്ന മത പഠന കലാലയമായ പട്ടിക്കാട് ജാമിയ നൂരിയ സ്ഥാപിക്കുന്നതിലും മുന്നിൽ നിന്ന് നയിച്ചു എന്നതാണ് ചരിത്രം എന്നും റസാഖ് മാസ്റ്റർ സ്മരിച്ചു.

നവോത്ഥാനത്തിനു നേതൃ പരമായ പങ്കു വഹിച്ച തങ്ങളെ കുറിച്ച് പുതു തല മുറക്ക് പഠിക്കാനും ഗവേഷണം ചെയ്യാനുമായി കോഴിക്കോട് ജില്ലാ മുസ്ലിം ലീഗ് കമ്മറ്റി മുൻകൈ എടുത്ത് കോഴിക്കോട് ടൗണിൽ തങ്ങളുടെ സ്മരണ നില നിർത്താനായി ബാഫഖി തങ്ങൾ കമ്മ്യൂണിറ്റി ഡെവലപ്പ് മെൻറ് സെന്റർ നിർമ്മിക്കും എന്ന് ജില്ലാ മുസ്ലിം ലീഗ് ഭാരവാഹികൾ അറിയിച്ചു.

അബുദാബി കോഴിക്കോട് ജില്ലാ കെ. എം. സി. സി. പ്രസിഡണ്ട് സി. എച്ച്. ജാഫർ തങ്ങൾ അദ്ധ്യക്ഷത വഹിച്ചു. സംസ്ഥാന കെ. എം. സി. സി. ജനറൽ സെക്രട്ടറി യൂസുഫ് മാട്ടൂൽ ഉദ്‌ഘാടനം ചെയ്തു.

ഇസ്ലാമിക് സെൻ്റർ വൈസ് പ്രസിഡണ്ട് ഇബ്രാഹിം ബഷീർ, ജില്ലാ മുസ്ലിം ലീഗ് ജനറൽ സെക്രട്ടറി ടി. ടി. ഇസ്മായിൽ, ട്രഷറർ സൂപ്പി നരിക്കാട്ടേരി, കെ. എം. സി. സി. ഭാരവാഹികളായ അഷ്‌റഫ് പൊന്നാനി, അബ്ദുൽ ബാസിത് കായക്കണ്ടി, റസാഖ് അബ്ദുല്ല അത്തോളി, ശറഫുദ്ധീൻ മംഗലാട്, ബഷീർ ഹാജി ഓമശ്ശേരി, അഷ്‌റഫ് നജാത്, സിറാജ് ദേവർ കോവിൽ, അലി വടകര, ഷമീക് കാസിം തുടങ്ങിയവർ സംസാരിച്ചു. നൗഷാദ് കൊയിലാണ്ടി സ്വാഗതവും മെഹ്ബൂബ് തച്ചംപൊയിൽ നന്ദിയും പറഞ്ഞു.

- pma

വായിക്കുക: , ,

അഭിപ്രായം എഴുതുക »

ജിമ്മി ജോർജ്ജ് വോളി : ലൈഫ് ടൈം അച്ചീവ് മെന്റ് അവാർഡ് മാണി സി. കാപ്പന്

March 25th, 2024

mani-c-kappan-get-ksc-jimmy-george-life-time-achivemnt-award-ePathram
അബുദാബി : വോളിബോളിലെ ഇതിഹാസ താരം ജിമ്മി ജോർജ്ജിൻ്റെ സ്മരണാർത്ഥം അബുദാബി കേരള സോഷ്യൽ സെൻ്റർ ഏർപ്പെടുത്തിയ ലൈഫ് ടൈം അച്ചീവ് മെന്റ് അവാർഡ് മുൻ വോളിബോൾ താരവും എം. എൽ.എ. യുമായ മാണി സി. കാപ്പനു സമ്മാനിക്കും എന്ന് സംഘാടകർ അറിയിച്ചു. വോളി ബോളിന്‌ നൽകിയ സമഗ്ര സംഭാവനകൾ മാനിച്ചാണ് ലൈഫ് ടൈം അച്ചീവ് മെന്റ് അവാർഡ് സമ്മാനിക്കുന്നത്.

മാർച്ച് 27 മുതൽ 31 വരെ നടക്കുന്ന ഇരുപത്തി നാലാമത് ജിമ്മി ജോർജ്ജ് സ്മാരക അന്താരാഷ്ട്ര റമദാൻ വോളി ബോൾ ടൂർണ്ണമെൻ്റ് സമാപന സമ്മേളനത്തിൽ അവാർഡ് സമ്മാനിക്കും. ജിമ്മി ജോർജ്ജിനു കൂടെ അബുദാബി ക്ലബ്ബിൽ വോളി ബോൾ കളിച്ചയാളാണ് മാണി സി. കാപ്പൻ.

വോളിബോൾ ഇതിഹാസം ജിമ്മി ജോർജ്ജിൻ്റെ സ്മരണാർത്ഥം 1988 മുതലാണ് അബുദാബി കേരള സോഷ്യൽ സെൻ്റർ ജിമ്മി ജോർജ്ജ് മെമ്മോറിയൽ വോളിബോൾ ടൂർണ്ണമെൻ്റ് ആരംഭിച്ചത്. ഓരോ വർഷം കഴിയുന്തോറും ഈ ടൂർണ്ണമെന്റിൻ്റെ പ്രശസ്തി വർദ്ധിച്ചു കൊണ്ടിരിക്കുകയാണ് എന്നും സംഘാടകർ പറഞ്ഞു.

ഇൻഡോ അറബ് ബന്ധത്തിൻ്റെ കൂടി അടയാളം ആയി മാറിയ ഈ മേളക്ക് യു. എ. ഇ. യിലെ വിവിധ മന്ത്രാലയ ങ്ങളും കായിക സംഘടനകളും വലിയ പിന്തുണയാണ് നൽകി വരുന്നത്.

ദുബായ് ശൈഖ്‌ റാഷിദ് വോളിബോൾ ടൂർണ്ണമെന്റ് കഴിഞ്ഞാൽ ഗൾഫ് മേഖലയിലെ തന്നെ ഏറ്റവും വലിയ അന്താരാഷ്‌ട്ര ടൂർണ്ണ മെന്റായി ജിമ്മി ജോർജ്ജ് സ്മാരക വോളിബോള്‍ ടൂർണ്ണമെന്റ് അറിയപ്പെടുന്നു എന്നും കെ. എസ്. സി. ഭാരവാഹികൾ പറഞ്ഞു.

- pma

വായിക്കുക: , , ,

അഭിപ്രായം എഴുതുക »

മലപ്പുറം ജില്ലാ കെ. എം. സി. സി. യുടെ TASKCON പ്രഖ്യാപനം

March 1st, 2024

malappuram-kmcc-taskcon-ePathram

അബുദാബി : മലപ്പുറം ജില്ലാ കെ. എം. സി. സി taskcon എന്ന പേരിൽ നടത്താൻ ഉദ്ദേശിക്കുന്ന വിവിധ പദ്ധതി കളുടെ പ്രഖ്യാപനം ഇന്ത്യൻ ഇസ്ലാമിക് സെൻ്ററിൽ നടന്നു.

മലപ്പുറം ജില്ലാ കെ. എം. സി. സി. കമ്മിറ്റി പ്രസിഡണ്ട് അസീസ് കാളിയാടൻ അദ്ധ്യക്ഷത വഹിച്ചു. സെക്രട്ടറി ഷാഹിർ പൊന്നാനി സ്വാഗതം പറഞ്ഞു. സംസ്ഥാന കെ. എം. സി. സി. പ്രസിഡണ്ട് ശുക്കൂറലി കല്ലുങ്ങൽ ഉദ്ഘാടനം ചെയ്‌തു.

മുസ്‌ലിം ലീഗ് എന്ന പ്രസ്ഥാനത്തിനായ് ജീവിതം സമർപ്പിച്ച ഇ. സാദിഖ് സാഹിബിന് വേണ്ടിയുള്ള പ്രാർത്ഥനക്ക് സയ്യിദ് അബ്ദു റഹിമാൻ തങ്ങൾ നേതൃത്വം നൽകി. വൈസ് പ്രസിഡണ്ട് അഷ്‌റഫ് പൊന്നാനി അനുസ്‌മരണ പ്രഭാഷണം നടത്തി.

ജില്ലാ കമ്മറ്റി പുറത്തിക്കുന്ന ‘ഭാഷാ സമരം’ എന്ന പുസ്തകത്തെ കുറിച്ച് ട്രഷറർ അഷ്‌റഫ്‌ അലി വിശദീകരിച്ചു. കമ്മിറ്റിയുടെ സ്വപ്ന പദ്ധതിയായ ഫാമിലി വെൽഫെയർ സ്‌കീം ‘റഹ്‌മ’പദ്ധതിയെ കുറിച്ച് വൈസ് പ്രസിഡണ്ട് സി. കെ. ഹുസൈൻ വിശദീകരിച്ചു.

ചെറിയ പെരുന്നാൾ മൂന്നാം ദിവസം നടക്കുന്ന ‘ശവ്വാൽ പൊലിമ’ എന്ന പ്രോഗ്രാമിനെ കുറിച്ച് വൈസ് പ്രസിഡണ്ട് നൗഷാദ് തൃപ്പങ്ങോട് വിശദീകരിച്ചു.

എജുക്കേഷൻ വിംഗ് സംഘടിപ്പിക്കുന്ന ‘ഉജ്ജൽ നേതാ’ ലീഡേഴ്‌സ് മീറ്റ്എന്ന പ്രോഗ്രാമിനെ കുറിച്ച് സാൽമി പരപ്പനങ്ങാടി വിശദീകരിച്ചു. ജില്ലാ കമ്മിറ്റിയുടെ കീഴിലുള്ള വിവിധ മണ്ഡലങ്ങളെ പങ്കെടുപ്പിച്ചു കൊണ്ട് കൾച്ചറൽ വിംഗ് സംഘടിപ്പിക്കുന്ന ‘കലോത്സവ്-24’ എന്ന പ്രോഗ്രാം സമീർ പുറത്തൂർ വിശദീകരിച്ചു.

സംസ്ഥാന – ജില്ലാ കെ. എം. സി. സി നേതാക്കളും ഇസ്ലാമിക് സെൻ്റർ ഭാരവാഹികളും സംബന്ധിച്ചു. taskon

- pma

വായിക്കുക: , , ,

അഭിപ്രായം എഴുതുക »

ടി. എച്ച്. മുസ്തഫയുടെ നിര്യാണം : ഗ്ലോബൽ പ്രവാസി അസോസ്സിയേഷൻ അനുശോചിച്ചു

January 17th, 2024

global-ravasi-association-condolence-meet-for-t-h-musthafa-ePathram
ഷാർജ : മുതിർന്ന കോൺഗ്രസ്സ് നേതാവും മുൻ ഭക്ഷ്യ മന്ത്രിയുമായ ടി. എച്ച്. മുസ്തഫയുടെ നിര്യാണത്തിൽ ഗ്ലോബൽ പ്രവാസി അസോസ്സിയേഷൻ അനുശോചന യോഗവും പ്രാർത്ഥനാ സദസ്സും സംഘടിപ്പിച്ചു.

ഭക്ഷ്യ മന്ത്രിയായിരുന്ന കാലത്ത് അദ്ദേഹം പൊതു വിതരണ സമ്പ്രദായം ശക്തിപ്പെടുത്തുന്നതിനും കേരളത്തിലെ ജനങ്ങൾക്ക് പോഷകാഹാരം ലഭ്യമാക്കി ആരോഗ്യമുള്ള തലമുറയെ വാർത്തെടുക്കുവാനും വേണ്ടി നിരവധി നടപടികൾ സ്വീകരിച്ചിരുന്നു എന്ന് ഗ്ലോബൽ പ്രവാസി അസോസ്സിയേഷൻ ചെയർമാൻ സലാം പാപ്പിനിശ്ശേരി അനുസ്മരിച്ചു.

global-pravasi-association-organize-condolence-meet-and-prayer-for-t-h-musthafa-ePathram

ഷാർജയിലുലെ ദമാസ് 2000ൽ സംഘടിപ്പിച്ച ചടങ്ങിൽ അഡ്വ.യാസിർ സഖാഫി പ്രാർത്ഥനക്കു നേതൃത്വം നൽകി. അഡ്വ. മുഹമ്മദ് അബ്ദുല്‍ റഹ്മാന്‍ അല്‍ സുവൈദി, ലുഅയ് അബൂ അംറ, ഫർസാന അബ്ദുൽ ജബ്ബാർ, നിഹാസ് ഹാഷിം തുടങ്ങിയവർ സംബന്ധിച്ചു.

 

- pma

വായിക്കുക: , ,

അഭിപ്രായം എഴുതുക »

കാനം രാജേന്ദ്രൻ്റെ നിര്യാണത്തിൽ അനുശോചിച്ചു

December 12th, 2023

cpi-leader-kanam-rajendran-ePathram
അബുദാബി : സി. പി. ഐ. സംസ്ഥാന ജനറൽ സെക്രട്ടറിയും മുതിർന്ന ഇടതു പക്ഷ നേതാവുമായ കാനം രാജേന്ദ്രൻ്റെ നിര്യാണത്തിൽ അനുശോചന യോഗം സംഘടിപ്പിച്ചു. അബുദാബി കേരള സോഷ്യൽ സെൻറർ, യുവ കലാ സാഹിതിയും സംയുക്തമായി നടത്തിയ അനുശോചന യോഗത്തിൽ കെ. എസ്. സി. പ്രസിഡണ്ട് എ. കെ. ബീരാൻ കുട്ടി അദ്ധ്യക്ഷത വഹിച്ചു.

ksc-yks-remembering-cpi-leader-kanam-rajendran-ePathram

ചന്ദ്രശേഖരൻ അനുശോചന പ്രമേയം അവതരിപ്പിച്ചു. ഐ. എസ്. സി. ആക്ടിംഗ് പ്രസിഡണ്ട് റജി ഉലഹന്നാൻ, കെ. എസ്. സി. വൈസ് പ്രസിഡണ്ട് റോയ് ഐ. വർഗീസ്, ആക്ടിംഗ് ജനറൽ സെക്രട്ടറി അഭിലാഷ് തറയിൽ, ശക്തി തിയ്യറ്റേഴ്‌സ് പ്രസിഡണ്ട് ടി. കെ. മനോജ്, നാടക സംവിധായകൻ വൈശാഖ് അന്തിക്കാട്, സുനിൽ ബാഹുലേയൻ, യുവ കലാ സാഹിതി പ്രസിഡണ്ട് ആർ. ശങ്കർ, സെക്രട്ടറി രഞ്ജിത്ത് പരിയാരം തുടങ്ങി അബുദാബിയിലെ വിവിധ സംഘടനാ നേതാക്കൾ ഉൾപ്പെടെ ഒട്ടേറെ പേർ അനുശോചന യോഗത്തിൽ പങ്കെടുത്തു സംസാരിച്ചു.

- pma

വായിക്കുക: , , , ,

അഭിപ്രായം എഴുതുക »

1 of 541231020»|

« Previous « ജ്യോതി ശാസ്ത്ര ക്ലാസ്സ് ‘ശാസ്ത്ര നിലാവ്’ ശ്രദ്ധേയമായി
Next Page » വിദ്യാർത്ഥികൾക്കായി വിൻ്റർ ക്യാമ്പ് ഡിസംബർ 27 മുതൽ »



  • മെഹ്ഫിൽ ഹ്രസ്വ ചിത്ര-മാധ്യമ പുരസ്കാരങ്ങൾ സമ്മാനിച്ചു
  • ബാഫഖി തങ്ങളുടെ സംഭാവന പുതു തലമുറ പഠന വിഷയം ആക്കണം : എം. എ. റസാഖ് മാസ്റ്റർ
  • ഹെൽത്ത് കെയർ വീഡിയോ സീരിസ് എച്ച് ഫോർ ഹോപ്പ് പുറത്തിറങ്ങി
  • കെ. എം. സി. സി. ഇവന്റസ്‌ ഓഫീസ് തുറന്നു പ്രവർത്തനം ആരംഭിച്ചു
  • സിഗ്നലിൽ ചുവപ്പ് ലൈറ്റ് മറി കടന്നാൽ 1000 ദിർഹം പിഴ
  • ഡോ. ഷംഷീർ വയലിൽ അനുശോചനം അറിയിച്ചു.
  • എയർ പോർട്ട് സിറ്റി ചെക്ക്-ഇന്‍ സേവനം മുസ്സഫ ഷാബിയയിലും
  • ശൈ​ഖ് ത​ഹ്‍​നൂ​ൻ ബി​ൻ മുഹമ്മദ് അല്‍ നഹ്യാന്‍ അന്തരിച്ചു
  • വീണ്ടും മഴ മുന്നറിയിപ്പ് : മുന്നോടിയായി പൊടിക്കാറ്റ് വീശുന്നു
  • മെഹ്ഫിൽ അവാർഡ് നിശ മെയ്‌ 12 ഞായറാഴ്ച ഷാർജയിൽ
  • മഠത്തിൽ മുസ്തഫയുടെ ചിത്രം ലൈബ്രറിയിൽ സ്ഥാപിച്ചു
  • ദുബായ് വിമാനത്താവളം സാധാരണ നിലയിലേക്ക്
  • ഈദ് പ്രോഗ്രാം ‘ശവ്വാൽ നിലാവ്’ ശ്രദ്ധേയമായി
  • വിഷു – ഈദ് – ഈസ്റ്റർ ആഘോഷങ്ങൾ സംഘടിപ്പിച്ചു
  • കെ. എസ്. സി. സംഘടിപ്പിച്ച ഈദ് വിഷു ഈസ്റ്റർ ആഘോഷം വേറിട്ടതായി
  • യൂസഫലിയുടെ പ്രവാസത്തിൻ്റെ അര നൂറ്റാണ്ട് : 50 കുട്ടികൾക്ക് പുതു ജീവൻ പകർന്ന് ഗോൾഡൻ ഹാർട്ട് ഇനിഷ്യേറ്റീവ്
  • ക്രിക്കറ്റ് ടൂർണ്ണമെൻ്റ് : മാർത്തോമാ യുവജന സഖ്യം ജേതാക്കൾ
  • സസ്നേഹം സമസ്യ : സാഹിത്യ സദസ്സും ആദരിക്കലും
  • ഈദുൽ ഫിത്വർ അവധി ദിനങ്ങൾ
  • ജിമ്മിജോർജ്ജ് സ്മാരക വോളി : എൽ. എൽ. എച്ച്. ഹോസ്പിറ്റൽ ജേതാക്കൾ



  • കിയാല്‍ മറുപടി പറയണം : വെ...
    എയര്‍ ഇന്ത്യ ബാഗേജ് പത്ത്...
    ഒ.ഐ.സി.സി. ജില്ലാ കൺവെൻഷൻ...
    പ്രവാസി ക്ഷേമനിധി പ്രായ പ...
    സിറിയ : വെടിനിർത്തൽ അടുക്...
    സമാജം യുവജനോത്സവം : ഗോപിക...
    ജലീല്‍ രാമന്തളി യുടെ നേര്...
    ഭൂമിക്കായി ഒരു മണിക്കൂര്‍...
    അബുദാബി പുസ്തക മേളക്ക് തു...
    ജലീല്‍ രാമന്തളി യുടെ നോവല...
    മാധ്യമങ്ങള്‍ സത്യ ത്തിന്റ...
    ഇ. എം. എസ്. ആഗ്രഹിച്ച രീത...
    ഇന്ത്യന്‍ എംബസി യിലെ കമ്യ...
    ഷാര്‍ജയില്‍ തീ : മലയാളിയു...
    ഖത്തര്‍ : ലോകത്തെ ഏറ്റവും...
    യു.എ.ഇ.യില്‍ ആനയുടെ കാല്‍...
    ഏറ്റവും ആദരിക്കുന്ന നേതാവ...
    ഇന്ത്യന്‍ സിനിമകള്‍ ജീവിത...
    ബഷീര്‍ അനുസ്മരണവും സാഹിത്...
    സൌദിയില്‍ അറസ്റ്റിലായ ഗായ...

    Click here to download Malayalam fonts
    Click here to download Malayalam fonts
    Your Ad Here
    Club Penguin


    ePathram Magazine