ഐ. ഐ. സി. ഹോളി ഖുര്‍ആന്‍ : ബ്രോഷർ പ്രകാശനം ചെയ്തു

March 9th, 2025

islamic-center-ramadan-quran-competition-season-4-brochure-release-ePathramഅബുദാബി : ഇന്ത്യന്‍ ഇസ്‌ലാമിക് സെന്റര്‍ സംഘടിപ്പിക്കുന്ന ഖുർ ആൻ പാരായണ മത്സരം സീസൺ- 4, ബ്രോഷർ പ്രകാശനം ലുലു ഇന്റർ നാഷണൽ എക്സ് ചേഞ്ച് മാനേജിംഗ് ഡയറക്ടർ അദീബ് അഹ്‌മദ്‌, ഇസ്ലാമിക് സെന്റർ പ്രസിഡണ്ട് പി. ബാവ ഹാജി എന്നിവർ ചേർന്ന് നിർവ്വഹിച്ചു.

ജനറൽ സെക്രട്ടറി ടി. ഹിദായത്തുള്ള, വൈസ് പ്രസിഡണ്ട് യു. അബ്ദുള്ള ഫാറൂഖി, വി. പി. കെ. അബ്ദുള്ള, മറ്റു ഭാരവാഹികളായ ഇസ്ഹാഖ് നദ്‌വി കോട്ടയം, ഹുസൈൻ സി. കെ., സുനീർ ബാബു, മൊയ്‌ദീൻ കുട്ടി കയ്യം, അഷ്‌റഫ്‌ പൊന്നാനി തുടങ്ങിയവർ സന്നിഹിതരായി.

മൂന്നു വിഭാഗങ്ങളിലായി സംഘടിപ്പിക്കുന്ന ഖുർആൻ പാരായണ മത്സരങ്ങൾ മാർച്ച് 14, 15, 16 തീയ്യതി കളിൽ സെന്റർ അങ്കണത്തിൽ നടക്കും.

വിവരങ്ങള്‍ക്ക് : 02 642 4488, 050 8138707, 055 824 3574.

- pma

വായിക്കുക: , , , , ,

അഭിപ്രായം എഴുതുക »

ഖുർ ആൻ പാരായണ മത്സരം സീസൺ- 4 മാർച്ച് 14 മുതൽ

February 25th, 2025

holy-quraan-largest-model-in-abudhabi-ePathram
അബുദാബി : ഇന്ത്യൻ ഇസ്‌ലാമിക് സെന്റർ (ഐ. ഐ. സി.) സംഘടിപ്പിക്കുന്ന ഖുർ ആൻ പാരായണ മത്സരം സീസൺ- 4, 2025 മാർച്ച് 14, 15, 16 തീയ്യതികളിൽ ഐ. ഐ. സി. ഓഡിറ്റോറിയത്തിൽ വെച്ച് നടക്കും.

10 വയസ്സ് മുതൽ 18 വയസ്സ് വരെയുള്ള ആൺ കുട്ടികൾ, 19 വയസ്സിനു മുകളിലുള്ള പുരുഷന്മാർ, 15 വയസ്സു വരെ യുള്ള പെൺ കുട്ടികൾ എന്നീ മൂന്നു വിഭാഗങ്ങളിലായി പ്രായത്തിൻ്റെ അടിസ്ഥാനത്തിൽ സംഘടിപ്പിക്കുന്ന ഖുർ ആൻ പാരായണ മത്സരത്തിൽ യു. എ. ഇ. വിസ യുള്ള ഇന്ത്യക്കാർക്ക് പങ്കെടുക്കാം.

ഖുർആൻ പാരമ്പര്യം ഉയർത്തിപ്പിടിക്കുക, ഇന്ത്യൻ സമൂഹത്തിൽ ഖുർആൻ്റെ സവിശേഷ മാതൃക പകർന്നു നൽകുക എന്നീ ലക്ഷ്യങ്ങളോടെ യാണ് മത്സരം സംഘടിപ്പിക്കുന്നത് എന്നും സംഘാടകർ അറിയിച്ചു.  പങ്കെടുക്കുവാൻ താല്പര്യം ഉള്ളവർ ഓൺ ലൈൻ വഴി പേര് രജിസ്റ്റർ ചെയ്യണം.

ഫോൺ: 050 129 5750.

- pma

വായിക്കുക: , , , ,

അഭിപ്രായം എഴുതുക »

മുഗള്‍ ഗഫൂര്‍ അവാര്‍ഡ് പി. ബാവാ ഹാജിക്ക്

February 9th, 2025

p-bava-haji-gets-yuva-kala-sahithy-mugal-gafoor-memorial-award-2025-ePathram

അബുദബി : സാമൂഹ്യ – സാംസ്‌കാരിക – ജീവ കാരുണ്യ രംഗങ്ങളില്‍ നിസ്തുലമായ സംഭാവനകള്‍ നൽകി വരുന്ന വ്യക്തിത്വങ്ങൾക്ക് യുവ കലാ സാഹിതി അബുദാബി നൽകി വരുന്ന മുഗള്‍ ഗഫൂര്‍ സ്മാരക അവാര്‍ഡ് പി. ബാവാ ഹാജിക്ക് സമ്മാനിക്കും. ഫെബ്രുവരി 15  ശനി യാഴ്ച അബുദാബി കേരള സോഷ്യല്‍ സെന്ററില്‍ സംഘടിപ്പിക്കുന്ന ‘യുവ കലാ സന്ധ്യ 2025’ ന്റെ സാംസ്‌കാരിക സമ്മേളനത്തില്‍ കേരള സിവില്‍ സപ്ലൈസ് മന്ത്രി ജി. ആര്‍. അനില്‍ അവാര്‍ഡ് സമ്മാനിക്കും.

പ്രവാസ ഭൂമിയില്‍ നീണ്ട 56 വര്‍ഷത്തെ സേവനവും സാമൂഹ്യ-സാംസ്‌കാരിക മേഖലകളിലെ സംഭാവന കളും പരിഗണിച്ച്‌ കൊണ്ടാണ് പുരസ്കാരം സമ്മാനിക്കുന്നത്. ഭാരത സർക്കാരിന്റെ പ്രവാസി ഭാരതീയ പുരസ്‌കാര ജേതാവായ പി. ബാവാ ഹാജി ദീർഘ കാലമായി പ്രവാസ ലോകത്ത് തന്റെ സാമൂഹ്യ പ്രവർത്തനം തുടരുന്നു. നിലവിൽ ഇന്ത്യന്‍ ഇസ്ലാമിക് സെന്റർ പ്രസിഡണ്ട് കൂടിയാണ്.

അബുദാബി ഇന്ത്യന്‍ സ്‌കൂള്‍, മോഡല്‍ സ്‌കൂള്‍, ഇന്ത്യന്‍ ഇസ്ലാഹി ഇസ്ലാമിക് സ്‌കൂള്‍ തുടങ്ങിയ വിദ്യാഭ്യാസ സ്ഥാപന ങ്ങള്‍ സ്ഥാപിക്കുന്നതില്‍ അദ്ദേഹം  പ്രധാന പങ്ക് വഹിച്ചു. ഐ. ഐ. സി. യുടെ കീഴില്‍ ‘അല്‍ നൂര്‍ ഇന്ത്യന്‍ ഇസ്ലാമിക് സ്‌കൂള്‍’ ആരംഭിച്ചത് അദ്ദേഹ ത്തിന്റെ മികച്ച സേവനങ്ങളില്‍ ഒന്നാണ്.

 

- pma

വായിക്കുക: , , , , , , , , , , , ,

അഭിപ്രായം എഴുതുക »

അറബി ഭാഷ സംരക്ഷിക്കുന്നതില്‍ കേരളം വഹിച്ച പങ്ക് മഹത്തരം : സയ്യിദ് അലി അല്‍ ഹാഷിമി

January 21st, 2025

sayyid-ali-al-hashmi-present-literary-award-to-shihabuddin-poythum-kadavu-ePathram
അബുദാബി : അറബി ഭാഷയുടെ സംരക്ഷണത്തിനും സാഹിത്യ വികാസത്തിനും കേരള ജനത വഹിച്ച പങ്ക് മഹത്തരം ആണെന്ന് യു. എ. ഇ. പ്രസിഡണ്ടിൻ്റെ മത കാര്യ ഉപ ദേഷ്ടാവ് ശൈഖ് അലി ബിൻ അൽ സയിദ് അബ്ദു റഹിമാൻ അൽ ഹാഷ്മി.

ഭാഷ പഠിക്കുന്നതിലും അതിൻ്റെ ഔന്നിത്യം കാത്തു സൂക്ഷിക്കുന്നതിലും മലയാളി സമൂഹം കാണിക്കുന്ന ഉത്സാഹം ശ്രദ്ധേയമാണ്. അറബ് സാഹിത്യ കൃതികള്‍ ഇമാറാ ത്തില്‍ ജനകീയമാക്കുന്നതിലും കേരളീയ സമൂഹം ഏറെ ശ്രമിച്ചതായും അദ്ദേഹം പറഞ്ഞു.

അബുദാബി ഇന്ത്യന്‍ ഇസ്‌ലാമിക് സെന്റര്‍ സംഘടിപ്പിച്ച ലിറ്ററേച്ചര്‍ ഫെസ്റ്റിവലില്‍ ഐ. ഐ. സി. ലിറ്റററി അവാര്‍ഡ് എഴുത്തുകാരന്‍ ശിഹാബുദ്ദീന്‍ പൊയ്ത്തും കടവിന് സമ്മാനിച്ചു കൊണ്ട് സംസാരിക്കുകയായി രുന്നു അലി അൽ ഹാഷ്മി.

അറബ് നാടുകളും ഇന്ത്യയുമായുള്ള പുരാതന വാണിജ്യ ബന്ധത്തിലൂടെ വളര്‍ത്തിയെടുത്ത സാംസ്കാരിക പൈതൃകം ഇന്നും കേരള ജനത കാത്തു സൂക്ഷിക്കുന്നു.

അറബ് ദേശത്തോട് ചേര്‍ന്ന് നിന്നു കൊണ്ട് കേരളം അഭിമാനകരമായ വളര്‍ച്ചയാണ് കൈവരിച്ചത്. നിരവധി തവണ കേരളം സന്ദര്‍ശിക്കാനുള്ള അവസരം ലഭിച്ചു. കേരളം അറബ് സമൂഹത്തോടും അറബി ഭാഷയോടും കാണിക്കുന്ന സ്‌നേഹവും വാത്സല്യവും നേരില്‍ അനുഭവിക്കാന്‍ കഴിഞ്ഞു.

ഇന്ത്യന്‍ സ്വാതന്ത്ര്യത്തിന് വേണ്ടി ഗാന്ധിജിയുടെ നേതൃത്വത്തിലുള്ള സമര പോരാട്ടം അഭിമാനത്തോടെ ഓര്‍ത്തെടുക്കുകയാണ്. യു. എ. ഇ. യുടെ രാഷ്ട്ര പിതാവ് ഇന്ത്യന്‍ ജനതയോട് കാണിച്ചിരുന്ന സ്‌നേഹം ഇവിടെ സ്മരിക്കുകയാണ്.

സയ്യിദ് മുഹമ്മദലി ശിഹാബ് തങ്ങളുമായി അദ്ദേഹം നല്ല ബന്ധം കാത്തു സൂക്ഷിച്ചിരുന്നു. സയ്യിദ് സാദിഖലി ശിഹാബ് തങ്ങള്‍ അടക്കമുള്ള പുതിയ തലമുറയുമായി ആ ബന്ധം തുടരുന്നു. കേരള സമൂഹത്തോട് ഇമാറാത്ത് എല്ലാ കാലത്തും ഊഷ്മളമായ അടുപ്പം കാണിക്കും എന്നും അദ്ദേഹം കൂട്ടിച്ചേര്‍ത്തു.

മാപ്പിള ഹെറിറ്റേജ് ലൈബ്രറി പ്രസിദ്ധീകരിച്ച അറബി മലയാളം ബിബ്ലിയോഗ്രഫി പ്രകാശനം സയ്യിദ് അലി അല്‍ ഹാഷിമി, അബൂബക്കര്‍ കുറ്റിക്കോൽ എന്നിവർ ചേർന്ന് നിർവ്വഹിച്ചു.

ചടങ്ങില്‍ ഇന്ത്യന്‍ ഇസ്‌ലാമിക് സെന്റര്‍ പ്രസിഡണ്ട് പി. ബാവാ ഹാജി അദ്ധ്യക്ഷത വഹിച്ചു. ജനറല്‍ സെക്രട്ടറി ടി. ഹിദായത്തുല്ല പറപ്പൂര്‍ സ്വാഗതം പറഞ്ഞു.

ചന്ദ്രിക മുന്‍ പത്രാധിപര്‍ സി. പി. സൈതലവി, അബ്ദുറഹ്മാന്‍ മങ്ങാട്, അബുദാബി പൊലീസ് പ്രധിനിധി കളായ അലി സബീല്‍ അബ്ദുല്‍ കരീം, ആയിഷ ഷെഹ്ഹി, യു. അബ്ദുല്ല ഫാറൂഖി, അബൂബക്കര്‍ കുറ്റിക്കോല്‍, ബി. സി. അബൂബക്കര്‍, അഷ്‌റഫ് തൂണേരി തുടങ്ങിയവർ സംബന്ധിച്ചു.

- pma

വായിക്കുക: , , , , ,

അഭിപ്രായം എഴുതുക »

ശിഹാബുദ്ദീൻ പൊയ്ത്തും കടവിന് ഇസ്‌ലാമിക് സെൻറർ സാഹിത്യ പുരസ്കാരം

January 6th, 2025

shihabuddin-poithumkadavu-ePathram

അബുദാബി : ഇന്ത്യന്‍ ഇസ്‌ലാമിക് സെന്റര്‍ സാഹിത്യ പുരസ്കാരം എഴുത്തുകാരൻ ശിഹാബുദ്ദീന്‍ പൊയ്ത്തും കടവിനു സമ്മാനിക്കും. 2025 ജനുവരി 18,19 തിയ്യതി കളില്‍ സെന്റർ അങ്കണത്തിൽ സംഘടി പ്പിക്കുന്ന ‘ലിറ്ററേച്ചര്‍ ഫെസ്റ്റ്’ എന്ന പ്രോഗ്രാമിൽ വെച്ച് പുരസ്കാരം സമ്മാനിക്കും.

ശിഹാബുദ്ദീന്‍ പൊയ്ത്തും കടവിന്റെ കഴിഞ്ഞ മുപ്പതു വര്‍ഷങ്ങളിലെ സാഹിത്യ ജീവിതത്തെ ആദരിക്കുകയാണ് ഈ അവാര്‍ഡിലൂടെ ലക്‌ഷ്യം വെക്കുന്നത് എന്ന് ഭാരവാഹികൾ അറിയിച്ചു. നാടിന്റെയും മറുനാടിന്റെയും എഴുത്തുകാരനായ ശിഹാബുദ്ദീന്‍ ഏറെക്കാലം പ്രവാസിയായിരുന്നു.

എഴുത്തിന്റെ വിവിധ മേഖലകളിലൂടെ മലയാളി കളുമായി സംവദിക്കുന്ന അദ്ദേഹം കഥ കളിലൂടെയും ഭാഷാ പോഷിണിയില്‍ പ്രസിദ്ധീകരിച്ച ഗള്‍ഫിലെ കഫ്തീരിയകളുടെ ചരിത്രമെഴുത്ത് ഉള്‍പ്പടെയുള്ള പഠനങ്ങളിലൂടെയും പ്രവാസ ജീവിത ത്തെയും അതിജീവനത്തെയും സൂക്ഷ്മമായി അവലോകനം ചെയ്ത രചയിതാവാണ് എന്നും സംഘാടകർ പറഞ്ഞു.

press-meet-islamic-center-literary-award-ePathram

രണ്ടു ദിവസം വിവിധ സെഷനുകളിലായി കഥാ കവിതാ അരങ്ങുകള്‍, പുസ്തക പ്രകാശനങ്ങള്‍, സാഹിത്യ സാംസ്‌കാരിക സംവാദ ങ്ങള്‍, ഷോര്‍ട്ട് ഫിലിം ഫെസ്റ്റ്, ട്രാവലോഗ്, പ്രവാസ ലോകത്തെ മുതിര്‍ന്ന പൗരന്മാരുടെ കൂടിയിരിപ്പ്, എഴുത്തുകാര്‍ക്ക് ആദരവ് തുടങ്ങി വിവിധങ്ങളായ സെഷനുകളും ഒരുക്കുന്നുണ്ട്.

മാപ്പിള ഹെറിറ്റേജ് ലൈബ്രറി തയ്യാറാക്കിയ അറബി മലയാളം ബിബ്ലിയോഗ്രഫി പ്രകാശനവും ലിറ്ററേച്ചര്‍ ഫെസ്റ്റില്‍ നടക്കും. മാപ്പിള മലയാളം, അറബി മലയാളം എന്നിങ്ങനെ അറിയപ്പെടുന്ന മലയാള ത്തിന്റെ കൈവഴികളിൽ ഒന്നിൻറെ സമഗ്രമായ ചരിത്ര രേഖയായാണ് ഈ ബിബ്ലിയോഗ്രഫി. പ്രകാശന പരിപാടിയില്‍ ചരിത്രകാരനും ഗ്രന്ഥ കാരനുമായ അബ്ദു റഹ്മാന്‍ മങ്ങാട് സംബന്ധിക്കും.

ലിറ്ററേച്ചർ ഫെസ്റ്റിൽ മഹാകവി പുലിക്കോട്ടില്‍ ഹൈദറിന്റെ അമ്പതാം ചരമ വാര്‍ഷിക ആചരണവും നടക്കും. പുലിക്കോട്ടില്‍ ഹൈദര്‍ ജന്മശതാബ്ദി ആഘോഷത്തിനു ശേഷം ഇതാദ്യമായി പ്രവാസ ലോകത്ത് നടക്കുന്ന ഏറ്റവും ഉചിതമായ അനുസ്മരണ പരിപാടി ആയിരിക്കും. മോയിന്‍ കുട്ടി വൈദ്യര്‍ക്കു ശേഷം മലയാള സാഹിത്യത്തിലെ ഒരു സവിശേഷ പാരമ്പര്യത്തെ നയിച്ച ജനകീയനായ കവിയാണ് പുലിക്കോട്ടില്‍ ഹൈദര്‍.

ലിറ്ററേച്ചര്‍ ഫെസ്റ്റിൻറെ സമാപന ദിവസം എം. ടി. വാസുദേവന്‍ നായര്‍ അനുസ്മരണം സംഘടിപ്പിക്കും. യു. എ. ഇ. യിലെയും നാട്ടിലെയും എഴുത്തുകാരും കവികളും സാംസ്‌കാരിക പ്രമുഖരും വിവിധ സെഷനുകളില്‍ പങ്കെടുക്കും എന്നും സംഘാടകർ അറിയിച്ചു.

സെന്റര്‍ ജനറല്‍ സെക്രട്ടറി ടി. ഹിദായത്തുള്ള, വൈസ് പ്രസിഡണ്ട് യു. അബ്ദുള്ള ഫാറൂഖി, ട്രഷറര്‍ ബി. സി. അബൂ ബക്കര്‍, ലിറ്ററേച്ചര്‍ സെക്രട്ടറി ജാഫര്‍ കുറ്റിക്കോട്, പബ്ലിക് റിലേഷന്‍ സെക്രട്ടറി അഡ്വ. ഷറഫുദ്ധീന്‍, അബുദാബി കെ. എം. സി. സി. സെക്രട്ടറി ഷാനവാസ് പുളിക്കല്‍, സാഹിത്യ വിഭാഗം അംഗ ങ്ങളായ ജുബൈര്‍ വെള്ളാടത്ത്, അലി ചിറ്റയില്‍ എന്നിവര്‍ വാർത്താ സമ്മേളനത്തിൽ സംബന്ധിച്ചു.

- pma

വായിക്കുക: , , , ,

അഭിപ്രായം എഴുതുക »

1 of 221231020»|

« Previous « ഓർമ – ബോസ് കുഞ്ചേരി സാഹിത്യ പുരസ്കാരത്തിനു സൃഷ്ടികൾ ക്ഷണിച്ചു
Next Page » പ്രവാസി കലാകാരന്‍ റബീഹ് ആട്ടീരിക്ക് കേരള സര്‍ക്കാര്‍ ഫെല്ലോഷിപ്പ് »



  • ഇമ ഇഫ്‌താർ വിരുന്നും കുടുംബ സംഗമവും
  • ഫാദേഴ്‌സ് എന്‍ഡോവ്‌മെന്റ് പദ്ധതി : ഡോ. ഷംഷീര്‍ വയലില്‍ അഞ്ച് ദശ ലക്ഷം ദിര്‍ഹം നല്‍കി
  • അബുദാബി മലയാളീസ് ഒരുക്കിയ ‘നൂറിഷ് റമദാൻ’ ശ്രദ്ധേയമായി
  • ഭരണാധികാരികൾക്ക് റമദാൻ ആശംസകൾ നേർന്ന് സലാം പാപ്പിനിശ്ശേരി
  • മുഹമ്മദ് ബിൻ സായിദ് ഫൗണ്ടേഷൻ ഫോർ ഹ്യുമാനിറ്റി സ്ഥാപിതമായി
  • ഇ. കെ. നായനാർ മെമ്മോറിയൽ ഫുട് ബോൾ : ഷാബിയ-നാദിസിയ മേഖലകൾ ചാമ്പ്യന്മാർ
  • സൗഹൃദ സ്നേഹ സംഗമമായി സമൂഹ നോമ്പുതുറ
  • ഇഖ്‌വ ഇഫ്‌താർ സൗഹൃദ സംഗമം
  • അനോര ഗ്ലോബൽ പുതിയ ഭരണ സമിതി
  • പത്തനംതിട്ട ജില്ലാ കെ. എം. സി. സി. റമദാൻ റിലീഫിന് തുടക്കമായി
  • ഇ. കെ. നായനാർ സ്മാരക റമദാൻ ഫുട് ബോൾ ടൂർണ്ണ മെന്റ് ശനിയാഴ്ച മുസ്സഫയിൽ
  • അബുദാബി മലയാളീസ് മെഡിക്കൽ ക്യാമ്പ് സംഘടിപ്പിച്ചു
  • ജ്വാല ഉത്സവ് 2025 ബ്രോഷർ പ്രകാശനം ചെയ്തു
  • കേരള സോഷ്യൽ സെന്റർ ഇഫ്‌താർ സംഗമം
  • ഐ. ഐ. സി. ഹോളി ഖുര്‍ആന്‍ : ബ്രോഷർ പ്രകാശനം ചെയ്തു
  • ഉപന്യാസ മത്സരം : സൃഷ്ടികൾ ക്ഷണിച്ചു
  • ഇഫ്താർ സംഗമവും അവാർഡ് ദാനവും സംഘടിപ്പിച്ചു
  • കെ. എസ്‌. സി. ചങ്ങാതിക്കൂട്ടം ശ്രദ്ധേയമായി
  • നമ്മൾ ചാവക്കാട്ടുകാർ സൗദി ചാപ്റ്ററിനു പുതിയ നേതൃത്വം
  • സീതി സാഹിബ് ഫൗണ്ടേഷൻ യു. എ. ഇ. കമ്മിറ്റി



  • കിയാല്‍ മറുപടി പറയണം : വെ...
    എയര്‍ ഇന്ത്യ ബാഗേജ് പത്ത്...
    ഒ.ഐ.സി.സി. ജില്ലാ കൺവെൻഷൻ...
    പ്രവാസി ക്ഷേമനിധി പ്രായ പ...
    സിറിയ : വെടിനിർത്തൽ അടുക്...
    സമാജം യുവജനോത്സവം : ഗോപിക...
    ജലീല്‍ രാമന്തളി യുടെ നേര്...
    ഭൂമിക്കായി ഒരു മണിക്കൂര്‍...
    അബുദാബി പുസ്തക മേളക്ക് തു...
    ജലീല്‍ രാമന്തളി യുടെ നോവല...
    മാധ്യമങ്ങള്‍ സത്യ ത്തിന്റ...
    ഇ. എം. എസ്. ആഗ്രഹിച്ച രീത...
    ഇന്ത്യന്‍ എംബസി യിലെ കമ്യ...
    ഷാര്‍ജയില്‍ തീ : മലയാളിയു...
    ഖത്തര്‍ : ലോകത്തെ ഏറ്റവും...
    യു.എ.ഇ.യില്‍ ആനയുടെ കാല്‍...
    ഏറ്റവും ആദരിക്കുന്ന നേതാവ...
    ഇന്ത്യന്‍ സിനിമകള്‍ ജീവിത...
    ബഷീര്‍ അനുസ്മരണവും സാഹിത്...
    സൌദിയില്‍ അറസ്റ്റിലായ ഗായ...

    Click here to download Malayalam fonts
    Click here to download Malayalam fonts
    Your Ad Here
    Club Penguin


    ePathram Magazine