കുട്ടികൾക്കുള്ള സൗജന്യ ഹൃദയ ശസ്ത്ര ക്രിയക്ക് അപേക്ഷ ക്ഷണിച്ചു

January 12th, 2024

vps-group-dr-shamsheer-vayalil-with-lulu-group-m-a-yusuf-ali-ePathram
അബുദാബി : എം. എ. യൂസഫലിയുടെ യു. എ. ഇ. യിലെ 50 വർഷങ്ങൾക്ക് ആദരവായി ഡോ. ഷംഷീർ വയലിൽ പ്രഖ്യാപിച്ച കുട്ടികൾക്കുള്ള സൗജന്യ ഹൃദയ ശസ്ത്ര ക്രിയകൾക്ക് അപേക്ഷ ക്ഷണിച്ചു.

ജന്മനാ ഹൃദ്രോഗമുള്ള 50 കുട്ടികൾക്ക് ശസ്ത്ര ക്രിയ നടത്താനുള്ള ഗോൾഡൻ ഹാർട്ട് ഇനീഷ്യേറ്റീവിലേക്ക് ഡോ. ഷംഷീറിൻ്റെ ഉടമസ്ഥതയിൽ ഉള്ള വി. പി. എസ്. ഹെൽത്ത് കെയറാണ് അപേക്ഷ ക്ഷണിച്ചത്.

അർഹരായ കുട്ടികളുടെ രക്ഷിതാക്കൾക്ക് hope @ vpshealth. com എന്ന ഇ-മെയിലിൽ ആവശ്യമായ മെഡിക്കൽ റിപ്പോർട്ടും അനുബന്ധ രേഖകളും സഹിതം അപേക്ഷിക്കാം. ഇന്ത്യയിലെയും യു. എ. ഇ. യിലെയും ഒമാനിലെയും ആശുപത്രികളിലൂടെയാണ് പദ്ധതി നടപ്പാക്കുക.

എം. എ. യൂസഫലിയുടെ യു. എ. ഇ. യിലെ ശ്രദ്ധേയമായ 50 വർഷത്തെ സാന്നിദ്ധ്യത്തിൽ നിന്ന് പ്രചോദനം ഉൾക്കൊണ്ടാണ് ഡോ. ഷംഷീർ ഗോൾഡൻ ഹാർട്ട് ഉദ്യമം പ്രഖ്യാപിച്ചിരുന്നത്. കുട്ടികളിലെ ജന്മനാലുള്ള ഹൃദ്രോഗത്തിന് ശസ്ത്രക്രിയ നടത്താൻ ഭാരിച്ച ചെലവ് വരും എന്നതിനാൽ സാമ്പത്തിക പ്രതിസന്ധി നേരിടുന്ന നിർദ്ധന കുടുംബങ്ങൾക്ക് പ്രതീക്ഷയും കൈത്താങ്ങുമാകും പുതിയ സംരംഭം.

- pma

വായിക്കുക: , , , , ,

അഭിപ്രായം എഴുതുക »

50 കുട്ടികൾക്ക് സൗജന്യ ഹൃദയ സർജറികൾ പ്രഖ്യാപിച്ച് ഡോക്ടർ ഷംഷീർ വയലിൽ

January 5th, 2024

vps-group-dr-shamsheer-vayalil-with-lulu-group-m-a-yusuf-ali-ePathram
അബുദാബി : പ്രവാസ ജീവിതത്തിൽ 50 വർഷം പിന്നിട്ട എം. എ. യൂസഫലിയുടെ സമാനതകൾ ഇല്ലാത്ത പ്രവർത്തനങ്ങൾക്ക്‌ ആദരവുമായി നിർദ്ധനരായ 50 കുട്ടികൾക്ക് സൗജന്യ ഹൃദയ സർജറികൾ പ്രഖ്യാപിച്ച് പ്രവാസി സംരംഭകൻ ഡോക്ടർ ഷംഷീർ വയലിൽ.

സ്വന്തം ജീവിതത്തിലൂടെ സമൂഹത്തിന് മാതൃകയായി മാനവികമായ ജീവ കാരുണ്യ പ്രവർത്തനങ്ങളിൽ ഏർപ്പെടുകയും ചെയ്ത എം. എ. യൂസഫലിയിൽ നിന്നുള്ള പ്രചോദനമായാണ് കുട്ടികൾക്കും കുടുംബ ങ്ങൾക്കും ആശ്വാസകരമാകുന്ന പദ്ധതി പ്രഖ്യാപിച്ചത്.

ജന്മനാലുള്ള ഹൃദയ രോഗങ്ങൾ അനുഭവിക്കുന്ന 50 കുട്ടികൾക്കാണ് സൗജന്യമായി സർജറികൾ നൽകുക. ഇത്തരം കേസുകളിൽ ശസ്ത്ര ക്രിയക്ക് ഭാരിച്ച ചെലവ് വരുന്നതിനാൽ പ്രതിസന്ധിയിൽ ആവുന്ന നിർദ്ധന കുടുംബങ്ങൾക്ക് പ്രതീക്ഷയും കൈത്താങ്ങും ആയി തീരും പുതിയ സംരംഭം.

എം. എ. യൂസഫലിയുടെ മൂത്ത മകളും വി. പി. എസ്. ഹെൽത്ത് കെയർ വൈസ് ചെയർ പേഴ്സണുമായ ഡോ. ഷബീന യൂസഫലി യുടെ ഭർത്താവായ ഡോ. ഷംഷീർ വയലിൽ മിഡിൽ ഈസ്റ്റിലെ പ്രമുഖ ഹെൽത്ത് കെയർ ഗ്രൂപ്പ് ബുർജീൽ ഹോൾഡിംഗ്‌സ് സ്ഥാപകനും ചെയർമാനുമാണ്.

കുരുന്നുകൾക്ക് വേണ്ടിയുള്ള കാരുണ്യ പദ്ധതി, ആയിരങ്ങൾക്ക് സ്നേഹ സ്പർശമേകുന്ന ലുലു ഗ്രൂപ്പ് ചെയർമാൻ എം. എ. യൂസഫലി യുടെ സേവന നിരതമായ ജീവിതത്തിൻ്റെ സന്ദേശം പുതു തലമുറ യിലേക്ക് പകരാൻ വഴിയൊരുക്കും.

വി. പി. എസ്. ഹെൽത്ത് കെയർ ഗ്രൂപ്പിൻ്റെ യു. എ. ഇ. യി ലെയും ഇന്ത്യയിലെയും ഒമാനിലെയും ആശുപത്രി കളിലൂടെയാണ് പദ്ധതി നടപ്പാക്കുക.

dr-shamsheer-dr-shabeena-yusuffali-with-m-a-yusuffali-and- wife-shabira-yusuffali-ePathram

മനുഷ്യത്വ പരമായ ഇടപെടലുകൾ കുടുംബത്തിൻ്റെ തന്നെ ഭാഗമാണ് അതേ പാതയിലൂടെ എം. എ. യൂസഫലിയുടെ യു. എ. ഇ. യിലെ അര നൂറ്റാണ്ട് അടയാളപ്പെടുത്താനാണ് ശ്രമം എന്നും ഡോ. ഷംഷീർ പറഞ്ഞു. വെല്ലുവിളികൾ നേരിടുന്ന കുട്ടികളോടും കുടുംബങ്ങളോടും ഉള്ള സ്നേഹത്തിൻ്റെയും കരുതലിൻ്റെയും ഭാഗമായി പദ്ധതി മാറട്ടെ.

കുട്ടികളുടെ സർജറിയും ചികിത്സയും ഏറ്റെടുക്കുന്നതിലൂടെ അതിരുകൾ ഇല്ലാതെ സ്വപ്നം കാണാനും വളരാനും അവർക്ക് അവസരം ലഭിക്കട്ടെ എന്നും അദ്ദേഹം പ്രതീക്ഷ പങ്കു വച്ചു.

ആഗോള സംരംഭകനായ എം. എ. യൂസഫലി യുടെ ജൈത്ര യാത്രയുടെ തുടക്കം 1973 ഡിസംബർ 31 ന് ദുബായിലെ റാഷിദ് പോർട്ടിൽ ഇറങ്ങിയതോടെയാണ്. ചെറിയ തുടക്കത്തിലൂടെ വളർച്ചയിലേക്ക് നടന്നു കയറിയ അദ്ദേഹത്തിൻ്റെ യു. എ. ഇ. യിലെ അര നൂറ്റാണ്ട് കാലത്തെ പ്രവാസ ലോകവും ഭരണാധി കാരികളും ഏറെ ആദരവോടെയാണ് കാണുന്നത്.

ജീവ കാരുണ്യ പ്രവർത്തനങ്ങളിലൂടെ നിരവധി പേർക്ക് ആശ്വാസമായ യൂസഫലിയോടുള്ള ആദരവായി കുടുംബത്തിൽ നിന്ന് തന്നെയുള്ള പുതിയ പദ്ധതി വിവിധ രാജ്യങ്ങളിലെ കുട്ടികൾക്ക് സഹായ ഹസ്തമേകും.

- pma

വായിക്കുക: , , , , , ,

അഭിപ്രായം എഴുതുക »

ഫോബ്‌സ് ആഗോള സമ്പന്ന പട്ടികയിൽ എം. എ. യൂസഫലിയും ഡോ. ഷംഷീർ വയലിലും മുൻ നിരയിൽ

April 8th, 2023

world-richest-people-as-per-forbes-list-nine-richest-malayalees-ePathram
അബുദാബി : ലോകത്തെ ഏറ്റവും സമ്പന്നരുടെ റാങ്കിംഗുമായി ഈ വർഷത്തെ ഫോബ്‌സ് ആഗോള പട്ടിക പ്രസിദ്ധീകരിച്ചു. ലോകത്തെ ഏറ്റവും വലിയ കോടീശ്വരന്മാരുടെ പട്ടികയിൽ 9 മലയാളികള്‍ ഇടം നേടി.

ലുലു ഗ്രൂപ്പ് ചെയർമാൻ എം. എ. യൂസഫലിയാണ് ഏറ്റവും സമ്പന്നനായ ലോക മലയാളി. 5.3 ബില്യൺ ഡോളർ സമ്പത്തുള്ള അദ്ദേഹം ലോക റാങ്കിംഗിൽ 497 ആം സ്ഥാനത്താണ്.

ഇൻഫോസിസ് സഹ സ്ഥാപകൻ ക്രിസ് ഗോപാല കൃഷ്ണൻ (3.2 ബില്യൺ), ആർ. പി. ഗ്രൂപ്പ് സ്ഥാപകൻ രവി പിള്ള (3.2 ബില്യൺ), ജെംസ് എഡ്യൂക്കേഷൻ മേധാവി സണ്ണി വർക്കി (3 ബില്യൺ), ജോയ് ആലുക്കാസ് ഗ്രൂപ്പ് ഉടമ ജോയ് ആലുക്കാസ് (2.8 ബില്യൺ), ബുർജീൽ ഹോൾ ഡിംഗ്‌സ് ചെയർമാൻ ഡോ. ഷംഷീർ വയലിൽ, ബൈജൂസ്‌ സ്ഥാപകൻ ബൈജു രവീന്ദ്രൻ എന്നിവരാണ് സമ്പന്ന മലയാളി കളിൽ മുൻ നിരയിൽ.

2.2 ബില്യൺ സമ്പത്തുള്ള ഡോ. ഷംഷീറാണ്‌ ഏറ്റവും സമ്പന്നനായ യുവ മലയാളി. ബൈജു രവീന്ദ്രൻ (2.1 ബില്യൺ)  രണ്ടാം സ്ഥാനത്തും. ഇൻഫോസിസ് സഹ സ്ഥാപകൻ എസ്. ഡി. ഷിബു ലാൽ (1.8 ബില്യൺ), വി- ഗാർഡ് ഗ്രൂപ്പ് സ്ഥാപകൻ കൊച്ചൗസേപ്പ് ചിറ്റിലപ്പിള്ളി (1 ബില്യൺ) എന്നിവരാണ് പട്ടികയിൽ ഇടം നേടിയ മറ്റു മലയാളികൾ.

169 ഇന്ത്യക്കാർ ഇടം നേടിയ ശത കോടീശ്വര പട്ടിക യിൽ റിലയൻസ് ഇൻഡസ്ട്രീസ് ചെയർമാൻ മുകേഷ് അംബാനി (83.4 ബില്യൺ), അദാനി ഗ്രൂപ്പ് ചെയർമാൻ ഗൗതം അദാനി (47.2 ബില്യൺ) എച്ച്. സി. എൽ. സഹ സ്ഥാപകൻ ശിവ് നാടാർ (25.6 ബില്യൺ) എന്നിവ രാണ് ആദ്യ മൂന്നു സ്ഥാനങ്ങളിൽ.

2,640 ലോക സമ്പന്നരെ ഉൾപ്പെടുത്തിക്കൊണ്ടുള്ള പട്ടിക യിൽ ഒന്നാമത് 211 ബില്യൺ ഡോളർ ആസ്തി യുമായി ലൂയി വിറ്റൻ, സെഫോറ ഫാഷൻ ആഡംബര ബ്രാൻഡു കളുടെ ഉടമ ബെർണാഡ് അർനോൾഡ്. ടെസ്‌ല, സ്‌പേസ് എക്സ്, സഹ സ്ഥാപകൻ ഇലോൺ മസ്‌ക് (180 ബില്യൺ), ആമസോൺ സ്ഥാപകൻ ജെഫ് ബെസോസ് (114 ബില്യൺ) എന്നിവരാണ് രണ്ടും മൂന്നും സ്ഥാനങ്ങളിൽ.

ലോകത്തെ പകുതിയോളം കോടീശ്വരന്മാരുടെ സമ്പത്തിൽ കഴിഞ്ഞ വർഷത്തെ അപേക്ഷിച്ച് ഇടിവു വന്നിട്ടുണ്ട് എന്നാണ് ഫോബ്‌സ് അധികൃതരുടെ വിലയിരുത്തൽ. 254 പേർ പട്ടികയിൽ നിന്ന് പുറത്തു പോയപ്പോൾ 150 സമ്പന്നർ പട്ടികയിൽ ആദ്യമായി ഇടം നേടി. Forbes : Billionaires List

- pma

വായിക്കുക: , , , , , ,

അഭിപ്രായം എഴുതുക »

റെഡ് എക്സ് മീഡിയ ദുബായില്‍ എം. എ. യൂസഫലി ഉത്‌ഘാടനം ചെയ്തു

April 2nd, 2023

ma-yousuf-ali-haneef-kumaranellur-dubai-redex-media-inauguration-ePathram

ദുബായ് : യു. എ. ഇ. യിലും കേരളത്തിലുമായി പ്രവര്‍ത്തിക്കുന്ന പ്രമുഖ മീഡിയ പ്രൊഡക്ഷൻ കമ്പനിയായ റെഡ്‌ എക്സ് മീഡിയ യുടെ മൂന്നാമത്തെ ബ്രാഞ്ച് ദുബായിൽ പ്രവർത്തനം ആരംഭിച്ചു. അബുദാബി ചേംബർ വൈസ് ചെയർമാനും ലുലു ഗ്രൂപ്പ്‌ ചെയർമാനും എം. ഡി. യുമായ എം. എ. യൂസഫലി പുതിയ ബ്രാഞ്ചിന്‍റെ ഉത്‌ഘാടനം നിർവ്വഹിച്ചു.

റെഡ് എക്സ് മീഡിയ സ്ഥാപകനും എം. ഡി. യുമായ ഹനീഫ് കുമരനെല്ലൂർ, ഫാത്തിമ ഗ്രൂപ്പ് ചെയർമാൻ ഡോക്ടർ കെ. പി. ഹുസൈൻ, സായിദ് തീയ്യേറ്റർ ഫോർ ടാലെന്‍റ് ഡയറക്ടർ ഫദിൽ സലേഹ് അൽ തമീമി, കമ്യൂണിറ്റി പോലീസ് പ്രതിനിധികളായ ഐഷ അലി അൽ ഷെഹ്‌ഹി, അബ്‌ദുൾ ജമാൽ, ലൈത്ത് ഇലക്ട്രോ മെക്കാനിക്കൽ ചെയർമാൻ ഫ്രാൻസിസ് ആന്‍റണി, അബുദാബി ഐ. എസ്. സി. പ്രസിഡണ്ട് ഡി. നടരാജൻ, അബുദാബി മലയാളീ സമാജം പ്രസിഡണ്ട് റഫീഖ് കയനയിൽ, റെഡ് എക്സ് മീഡിയ ഇവന്‍റ്സ്‌ ഓപ്പറേഷൻ മാനേജർ സുബിൻ സോജൻ, ജനറൽ മാനേജർ അജു സെൽ, മീഡിയ മാനേജർ സമീർ കല്ലറ, ചാക്കോ ഊളക്കാടൻ തുടങ്ങിയവർ സംബന്ധിച്ചു.

redex-news-channel-abudhabi-24-seven-dubai-bureau-opening-ePathram

റെഡ് എക്സ് മീഡിയ പ്രൊഡക്ഷനും ഒപ്പം അബുദാബി 24 സെവൻ ചാനല്‍ ദുബായ് ബ്യുറോയുടെ പ്രകാശനം കർമ്മവും എം. എ. യൂസഫലി നിർവ്വഹിച്ചു. ദുബായ് ദേര അൽ മുത്തീനയിലാണ് അത്യാധുനിക സാങ്കേതിക സൗകര്യങ്ങളോടെ റെഡ്‌ എക്സ് മീഡിയ മൂന്നാമത് ബ്രാഞ്ച് പ്രവർത്തനം ആരംഭിച്ചത്.

മീഡിയ പ്രൊഡക്ഷൻ മേഖല യിൽ ഒരു പതിറ്റാണ്ടില്‍ ഏറെ പ്രവർത്തന പാരമ്പര്യമുള്ള റെഡ് എക്സ് മീഡിയ മറ്റു എമിറേറ്റുകളിലും നവീന പദ്ധതികളുമായി പ്രവർത്തനം വ്യാപിപ്പിക്കും എന്ന് എം. ഡി. ഹനീഫ് കുമരനെല്ലൂർ പറഞ്ഞു.

- pma

വായിക്കുക: , , , , , ,

അഭിപ്രായം എഴുതുക »

പുതിയ ഭരണാധികാരികള്‍ക്ക് അഭിനന്ദനങ്ങള്‍ : എം. എ. യൂസഫലി

April 2nd, 2023

lulu-group-m-a-yousafali-with-abu-dhabi-crown-prince-sheikh-khalid-bin-mohammed-bin-zayed-al-nahyan-ePathram
അബുദാബി : യു. എ. ഇ. യുടെ ഭരണ നേതൃത്വത്തിന്‍റെ പുതിയ സ്ഥാനാരോഹണത്തിന് അഭിനന്ദന ങ്ങളുമായി ലുലു ഗ്രൂപ്പ് ചെയര്‍മാന്‍ എം. എ. യൂസഫലി. പുതുതായി നിയമിതരായ ഭരണാധികാരികള്‍ യു. എ. ഇ. ക്ക് മുതല്‍ ക്കൂട്ടാകും എന്നും രാജ്യത്തിന്‍റെ മുന്നോട്ടുള്ള പ്രയാണത്തെ പുതിയ തലങ്ങളിലേക്ക് എത്തിക്കും എന്നും യൂസഫലി പറഞ്ഞു.

യു. എ. ഇ. വൈസ് പ്രസിഡണ്ടായി നിയമിതനായ ശൈഖ് മന്‍സൂര്‍ ബിന്‍ സായിദ് അല്‍ നഹ്യാന്‍, അബുദാബി കിരീട അവകാശിയായി നിയമിതനായ ശൈഖ് ഖാലിദ് ബിന്‍ മുഹമ്മദ് ബിന്‍ സായിദ് അല്‍ നഹ്യാന്‍, ഉപ ഭരണാധികാരി കളായി നിയമിതരായ ശൈഖ് ഹസ്സ ബിന്‍ സായിദ് അല്‍ നഹ്യാന്‍, ശൈഖ് തഹ്നൂന്‍ ബിന്‍ സായിദ് അല്‍ നഹ്യാന്‍ എന്നിവരെയാണ് യൂസഫലി അഭിനന്ദിച്ചത്.

പ്രസിഡണ്ട് ശൈഖ് മുഹമ്മദ് ബിന്‍ സായിദ് അല്‍ നഹ്യാന്‍റെ ദീര്‍ഘ വീക്ഷണത്തോടെ യുള്ള നടപടികള്‍ രാജ്യത്തെ പുരോഗതി യിലേക്കാണ് നയിക്കുന്നത് എന്നും അദ്ദേഹം കൂട്ടിച്ചേര്‍ത്തു. Image Credit : Twitter

- pma

വായിക്കുക: , , ,

അഭിപ്രായം എഴുതുക »

1 of 1612310»|

« Previous « വൺ ബില്യൺ മീൽസ് : ഒരു കോടി ദിർഹം സംഭാവന പ്രഖ്യാപിച്ച് ഡോ. ഷംഷീർ വയലിൽ
Next Page » റെഡ് എക്സ് മീഡിയ ദുബായില്‍ എം. എ. യൂസഫലി ഉത്‌ഘാടനം ചെയ്തു »



  • പ്രവാസികൾക്ക് സിവിൽ സർവ്വീസ് പരിശീലനം യു. എ. ഇ. യിൽ
  • റോഡ് ചാടിക്കടക്കുന്നവർക്ക് മുന്നറിയിപ്പ്
  • നൈബേഴ്‌സ് പ്രീമിയർ ലീഗ് : ഗ്രീൻ സ്റ്റാർ ജേതാക്കളായി
  • ബി. ആർ. ഷെട്ടി യു. എ. ഇ. യിൽ തിരിച്ചെത്തി
  • ബാപ്സ് മന്ദിർ : അബുദാബിയിലെ ആദ്യ ഹൈന്ദവ ക്ഷേത്രം തുറന്നു
  • വാഹനത്തിൻ്റെ സൺ റൂഫിൽ തല പുറത്തിട്ടാൽ 2000 ദിർഹം പിഴ
  • ഗോൾഡൻ ഹാർട്ട് ഉദ്യമത്തിലൂടെ പത്ത് ഹൃദയ ശസ്ത്ര ക്രിയകൾ പൂർത്തിയായി
  • ഇസ്‌ലാമിക് സെൻററിൽ ‘ദി കേരള ഫെസ്റ്റ്’ വെള്ളി, ശനി, ഞായർ ദിവസങ്ങളിൽ
  • മാമുക്കോയ : കളങ്കമില്ലാത്ത മനുഷ്യൻ
  • കെ. എസ്. സി. യുവജനോത്സവം സമാപിച്ചു
  • നോൽ കാർഡുകൾ​ ഡിജിറ്റൽ വാലറ്റ് ആക്കുന്നു
  • ഭരത് മുരളി നാടകോത്സവം: ഭൂതങ്ങൾ മികച്ച നാടകം – ഒ. ടി. ഷാജഹാൻ മികച്ച സംവിധായകൻ
  • ആരോഗ്യ പരിശീലന – കൺസൾട്ടൻസി മേഖലയിലെ വൻ മുന്നേറ്റവുമായി ആർ. പി. എം.
  • എൻജിൻ ഓഫ് ചെയ്യാതെ പുറത്തു പോയാൽ 500 ദിർഹം പിഴ
  • കെ. എസ്. സി. യുവജനോത്സവം : ജനുവരി 21 മുതൽ
  • മെഹ്ഫിൽ ഷോർട്ട് ഫിലിം ഫെസ്റ്റിവെൽ : എൻട്രികൾ ക്ഷണിക്കുന്നു
  • സമാജം ഇന്‍ഡോ-അറബ് കൾച്ചറൽ ഫെസ്റ്റ് മൂന്നു ദിവസങ്ങളിൽ
  • മില്ലേനിയം ഹോസ്പിറ്റൽ ഉത്‌ഘാടനം ചെയ്തു
  • ടി. എച്ച്. മുസ്തഫയുടെ നിര്യാണം : ഗ്ലോബൽ പ്രവാസി അസോസ്സിയേഷൻ അനുശോചിച്ചു
  • നാടകോത്സവം : ഓർമ്മയുടെ ‘ഭൂതങ്ങൾ’ അരങ്ങിൽ എത്തി



  • കിയാല്‍ മറുപടി പറയണം : വെ...
    എയര്‍ ഇന്ത്യ ബാഗേജ് പത്ത്...
    ഒ.ഐ.സി.സി. ജില്ലാ കൺവെൻഷൻ...
    പ്രവാസി ക്ഷേമനിധി പ്രായ പ...
    സിറിയ : വെടിനിർത്തൽ അടുക്...
    സമാജം യുവജനോത്സവം : ഗോപിക...
    ജലീല്‍ രാമന്തളി യുടെ നേര്...
    ഭൂമിക്കായി ഒരു മണിക്കൂര്‍...
    അബുദാബി പുസ്തക മേളക്ക് തു...
    ജലീല്‍ രാമന്തളി യുടെ നോവല...
    മാധ്യമങ്ങള്‍ സത്യ ത്തിന്റ...
    ഇ. എം. എസ്. ആഗ്രഹിച്ച രീത...
    ഇന്ത്യന്‍ എംബസി യിലെ കമ്യ...
    ഷാര്‍ജയില്‍ തീ : മലയാളിയു...
    ഖത്തര്‍ : ലോകത്തെ ഏറ്റവും...
    യു.എ.ഇ.യില്‍ ആനയുടെ കാല്‍...
    ഏറ്റവും ആദരിക്കുന്ന നേതാവ...
    ഇന്ത്യന്‍ സിനിമകള്‍ ജീവിത...
    ബഷീര്‍ അനുസ്മരണവും സാഹിത്...
    സൌദിയില്‍ അറസ്റ്റിലായ ഗായ...

    Click here to download Malayalam fonts
    Click here to download Malayalam fonts
    Your Ad Here
    Club Penguin


    ePathram Magazine