അബുദാബി : ഇന്ത്യന്‍ എംബസ്സി ഒരുക്കുന്ന ‘ഓപ്പൺ ഹൗസ്’ ഡിസംബര്‍ ആറ് വെള്ളിയാഴ്ച ഉച്ചക്ക് രണ്ടു മണി മുതൽ നാല് വരെ അബുദാബിയിലെ യു. എ. ഇ. ഇന്ത്യൻ എംബസ്സി ഓഡിറ്റോറിയത്തിൽ വെച്ച് നടക്കും.
ഇന്ത്യന്‍ പൗരന്മാര്‍ക്ക് എംബസ്സി ഉദ്യോഗസ്ഥരുമായി നേരിട്ട് സംവദിക്കുവാനും തൊഴില്‍ പ്രശ്‌നങ്ങളുമായി ബന്ധപ്പെട്ട വിഷയങ്ങൾ അവതരിപ്പിക്കുവാനും പരിഹാരം തേടാനും ഈ അവസരം ഉപയോഗിക്കാം.
മാത്രമല്ല കോണ്‍സുലേറ്റുമായി ബന്ധപ്പെട്ട മറ്റു കാര്യങ്ങളും വിദ്യാഭ്യാസം, വെല്‍ഫെയര്‍ വിഷയ ങ്ങളും എംബസ്സി ഉദ്യോഗസ്ഥരെ നേരില്‍ കണ്ട് അവതരിപ്പിക്കാം.
