ജിദ്ദയിലെ സംസ്കൃതി സാഹിത്യ വേദിയുടെ ആഭിമുഖ്യത്തില്‍ നടത്തിയ സി.എച്ച് സ്മാരക സാഹിത്യ മത്സരങ്ങളിലെ വിജയികള്‍ക്ക്പുരസ്ക്കാരങ്ങള്‍ വിതരണം ചെയ്തു. ജിദ്ദാ ഇന്ത്യന്‍ കോണ്‍സുലേറ്റില്‍ നടന്ന ചടങ്ങില്‍ മുസ്ലീംലീഗ് നേതാവ് എം.കെ മുനീര്‍ പുരസ്ക്കാരങ്ങള്‍ വിതരണം ചെയ്തു. ചടങ്ങ് കോണ്‍സുല്‍ കെ.കെ വിജയന്‍ ഉദ്ഘാടനം ചെയ്തു. കവിത, ചെറുകഥ, ലേഖനം എന്നീ ഇനങ്ങളിലാണ് സംസ്കൃതി ഗള്‍ഫ് മലയാളികള്‍ക്കിടയില്‍ മത്സരം സംഘടിപ്പിച്ചിരുന്നത്. സി.കെ ഹസന്‍കോയ, എന്‍. മുഹമ്മദ്കുട്ടി മാസ്റ്റര്‍, മുഹമ്മദ്കാവുങ്ങല്‍ എന്നിവര്‍ പ്രസംഗിച്ചു. വിവിധ കലാപരിപാടികളും അരങ്ങേറി.
-
