യുണൈറ്റഡ് മലയാളി അസോസിയേഷന്‍- ഉമയുടെ ഓണാഘോഷം വെള്ളിയാഴ്ച ദുബായില്‍ നടക്കും. അല്‍നാസര്‍ ലെഷര്‍ ലാന്‍ഡില്‍ രാവിലെ ഏഴ് മുതലാണ് പരിപാടികള്‍. പൂക്കള മത്സരം, മാവേലി വരവേല്‍പ്പ്, പുലിക്കളി, തെയ്യം തുടങ്ങിയവ ഉണ്ടാകുമെന്ന് കണ്‍വീനര്‍ സി.ആര്‍.ജി നായര്‍ വാര്‍ത്താ സമ്മേളനത്തില്‍ അറിയിച്ചു.
കോണ്‍സുല്‍ ജനറല്‍ വേണു രാജാമണി ഓണാഘോഷം ഉദ്ഘാടനം ചെയ്യും. പത്മശ്രീ യൂസഫലിയെ ചടങ്ങില്‍ ആദരിക്കും. പ്രമുഖ ഗായകര്‍ പങ്കെടുക്കുന്ന ഗാനമേളയും ഉണ്ടാകും. ഓണസദ്യയും ഒരുക്കിയിട്ടുണ്ടെന്ന് അധികൃതര്‍ അറിയിച്ചു
-
