മലയാള നാടക രംഗത്തെ കുലപതിയും സാംസ്കാരിക രംഗത്തെ പ്രമുഖ സാനിധ്യവുമായിരുന്ന കെ.ടി മുഹമ്മദിന്‍റെ നിര്യാണത്തില്‍ യു.എ.ഇയിലെ വിവിധ സംഘടനകള്‍ അനിശോചിച്ചു. നാടക വേദിയെ നവീകരിച്ചും സാമൂഹിക ജീര്‍ണതകളെ അതിനിശിതമായി വിചാരണ ചെയ്തും ഒരു കാലഘട്ടത്തിന്‍റെ കലാ സാമൂഹിക പരിവര്‍ത്തനത്തില്‍ അതുല്യമായ സംഭാവനകള്‍ നല്‍കിയ പ്രതിഭയായിരുന്നുവെന്ന് ദല അനുശോചനക്കുറിപ്പില്‍‍ വ്യക്തമാക്കി. ചിരന്തന സാംസ്കാരിക വേദി, വായനക്കൂട്ടം എന്നീ സംഘടനകളും അനുശോചനം രേഖപ്പെടുത്തി.