ദുബായിലെ നൈഫ് സൂക്കിലുണ്ടായ തീപിടുത്തത്തില്‍ സര്‍വതും നഷ്ടപ്പെട്ടവര്‍ക്ക് സാന്ത്വനവുമായി ദുബായ് കെ.എം.സി.സി രംഗത്തെത്തി.
ഇതിന്‍റെ ഭാഗമായി കഴിഞ്ഞ ദിവസം നൈഫ് സൂക്കിലെ കച്ചവടക്കാരുടേയും തൊഴിലാളികളുടേയും യോഗം വിളിച്ചു ചേര്‍ത്തു. അഗ്നിബാധയില്‍ നശിച്ച ഇവരുടെ പാസ്പോര്‍ട്ടും മറ്റ് രേഖകളും തയ്യാറാക്കുന്നതിന് സഹായം നല്‍കാനായി പ്രത്യേക കൗണ്ടര്‍ കെ.എം.സി.സിയില്‍ തുറക്കും. യോഗത്തില്‍ പ്രസിഡന്‍റ് ഇബ്രാഹിം എളേറ്റില്‍ അധ്യക്ഷത വഹിച്ചു. യഹ് യ തളങ്കര, സി.പി ബാവഹാജി, ഖാദര്‍ തെരുവത്ത്, എം.സി ഹുസൈന്‍ ഹാജി, ഒ.കെ ഇബ്രാഹിം, ഫാറൂഖ് പട്ടിക്കര എന്നിവര്‍ പ്രസംഗിച്ചു. നൈഫ് സൂഖ് അഗ്നിബാധ പുനരധിവാസ കമ്മിറ്റിയും യോഗത്തില്‍ രൂപീകരിച്ചിട്ടുണ്ട്.
-
