കപ്പല്‍ ജീവനക്കാരനായ മലയാളിയെ യു.എ.ഇയിലെ ഫുജൈറ തുറമുഖത്ത് നിന്ന് കാണാതായതായി പരാതി. കോഴിക്കോട് പുതിയങ്ങാടി അഭയത്തില്‍ സി.വി ഗംഗാധരന്‍റെ മകന്‍ സനജ് ഗംഗാധരനെയാണ് കാണാതായിരിക്കുന്നത്. കൊല്‍ക്കത്ത ആസ്ഥാനമായി പ്രവര്‍ത്തിക്കുന്ന ഇന്ത്യന്‍ സ്റ്റീം ഷിപ്പ് കമ്പനി എന്ന സ്ഥാപനത്തി‍ന്‍റെ ഉടമസ്ഥതയിലുള്ള എം.ടി രത്ന ഉര്‍വി എന്ന കപ്പലില്‍ കഴിഞ്ഞ മാസം 25 നാണ് സനജ് ജോലിക്ക് കയറിയത്. കപ്പലില്‍ ഫോര്‍ത്ത് എഞ്ചിനീയറായി ജോലി ചെയ്തിരുന്ന സനജിനെ കാണാനില്ലെന്ന് കഴിഞ്ഞ ദിവസം കമ്പനി അധികൃതര്‍ ബന്ധുക്കളെ വിവരം അറിയിച്ചു.
- ജെ.എസ്.
