ശ്രീ. കലാമണ്ഡലം അച്യുത വാര്യരെ പരിചയമില്ലാത്തവര്‍ കഥകളി ആസ്വാദകരില്‍ അധികമുണ്ടാവില്ല. തെക്കന്‍ കേരളത്തിലെ കഥകളി വാദ്യ കലാകാരന്മാരില്‍ മുന്‍നിരയില്‍ നില്‍ക്കുന്ന കലാകാരനാണ്‌ ശ്രീ. അച്ചുത വാര്യര്‍. ഭാര്യയോടും (ബിന്ദു / 38 വയസ്) രണ്ട് കുട്ടികളോടുമൊപ്പം (ശ്രീരാജ് / 12, അമൃത / 10) ആലപ്പുഴയില്‍ കളര്‍കോട്ട് ഇപ്പോളദ്ദേഹം കഴിഞ്ഞു വരുന്നു. ചില സങ്കടകരമായ കാരണങ്ങളാല്‍ സാമ്പത്തികമായി വളരെ ബുദ്ധിമുട്ട് അനുഭവിക്കുന്ന അവസ്ഥയിലാണ്‌ അദ്ദേഹമിന്നുള്ളത്.
ഒരു കുടുംബത്തിന്റെ സാമ്പത്തിക ഭദ്രതയെ പാടെ തകര്‍ക്കുന്ന വിപത്താണ്‌ രോഗങ്ങള്‍. രോഗത്തിന്റെ ഗുരുതരാവസ്ഥ കൂടുന്നതനുസരിച്ച് കുടുബത്തിന്‍റെ താളവും പിഴയ്‍ക്കുന്നു. ശ്രീ. അച്ചുത വാര്യരുടെ കുടൂംബം ഇന്നു വന്നു പെട്ടിരിക്കുന്ന അവസ്ഥയും വ്യത്യസ്തമല്ല. പാന്‍ക്രിയാസ് ഗ്രന്ഥിയില്‍ കല്ല് (Gallstone) മൂലമുണ്ടാവുന്ന ക്രോണിക് പാന്‍ക്രിയാറ്റൈറ്റിസ് (Chronic Pancreatitis) എന്ന അസുഖമാണ്‌ അദ്ദേഹത്തിന്‍റെ ഭാര്യയ്ക്ക് പിടി പെട്ടിരിക്കുന്നത്. ഇത് ഡയബെറ്റിസിനും (Diabetes Mellitus) കാരണമായി.
തുടക്കത്തില്‍ ചെറിയ വയറു വേദനയും മറ്റുമായി തുടങ്ങിയത് (ആഗസ്റ്റ്, 2009) പിന്നീട് നീണ്ടു നില്‍ക്കുന്ന വേദനയും തുടര്‍ച്ചയായ ശര്‍ദ്ദിലുമായി മാറി. ആലപ്പുഴ മെഡിക്കല്‍ കോളേജിലാണ്‌ ആദ്യമായി ഇതിന്‌ ചികിത്സ തേടിയത്. രോഗ നിര്‍ണയത്തിലെ പിഴവ്, ശരിയായ പരിചരണത്തിന്‍റെ അഭാവം എന്നിവ നിമിത്തം ഗുരുതരാവസ്ഥ യിലായ ബിന്ദുവിനെ പിന്നീട് ഈ രോഗത്തിന്‌ വിദഗ്ദ്ധ ചികിത്സ ലഭിക്കുന്ന എറണാകുളം ലേക്ക് ഷോര്‍ ആശുപത്രിയിലേക്ക് മാറ്റുകയാണുണ്ടായത്. ഉള്ളിലെ പഴുപ്പ് നിശ്ശേഷം മാറ്റുവാനുള്ള ഇഞ്ചക്ഷനും മറ്റ് മരുന്നുകളും നല്‍കിയതിനാല്‍ ഗുരുതാവസ്ഥയില്‍ നിന്നും അന്ന് കരകേറുവാന്‍ സാധിച്ചു. സര്‍ജറി നടത്തി പാന്‍ക്രിയാസിലെ കല്ല് നീക്കം ചെയ്യേണ്ട തുണ്ടായിരുന്നെങ്കിലും രോഗിയുടെ ആരോഗ്യനില അതിനനുവദിച്ചിരുന്നില്ല. ഒരു മാസം നാലായിരം രൂപയ്ക്ക് മേല്‍ മരുന്നിനു മാത്രം ചിലവാക്കിയാണ്‌ പിന്നീടുള്ള മാസങ്ങള്‍ അച്യുത വാര്യരുടെ കുടുംബം തള്ളി നീക്കിയത്.
കാര്യങ്ങള്‍ ഇങ്ങിനെയൊക്കെ പോകവേയാണ്‌ കഴിഞ്ഞ ദിവസം രോഗം വീണ്ടും മൂര്‍ച്ഛിച്ചത്. ഉടന്‍ തന്നെ ലേക്ക് ഷോറില്‍ എത്തിക്കുകയും വിദഗ്ദ്ധ സഹായം തേടുകയും ചെയ്തു. പരിശോധനയില്‍ കല്ല് കൂടുതല്‍ വളര്‍ന്നിരുന്നു. ഉടന്‍ ശസ്ത്രക്രിയ നടത്തുക എന്നതു മാത്രമേ ഒരു പരിഹാരമു ണ്ടായിരുന്നുള്ളൂ. നടത്തിയില്ലായെങ്കില്‍ ഇത് പാന്‍ക്രിയാറ്റിക് ക്യാന്‍സറായി (Pancreatic Cancer) മാറുവാനുള്ള സാധ്യതയും ഏറെയായിരുന്നു. ആദ്യ ഘട്ടം ചികില്‍സയുടേയും തുടര്‍ന്ന് ഓരോ മാസത്തേക്കുമുള്ള മരുന്നുകളുടേയും സാമ്പത്തിക ബാധ്യത തന്നെ താങ്ങുവാന്‍ പ്രയാസപ്പെട്ടിരുന്ന കുടുംബത്തിന്‌ ഇത് താങ്ങാവുന്നതിലും അപ്പുറമായിരുന്നു. കഥകളി രംഗത്തുള്ള കലാകാരന്മാരുടേയും സുമനസ്സുകളുടേയും സഹായത്താല്‍ പ്രാരംഭ തുക കണ്ടെത്തി ഓപ്പറേഷന്‍ കഴിഞ്ഞ ദിവസം നടത്തുവാന്‍ സാധിച്ചു. ഒന്നര – രണ്ട് ലക്ഷത്തിനിടയില്‍ ഓപ്പറേഷനും മറ്റ് ആശുപത്രി ആവശ്യങ്ങള്‍ക്കുമായി ചിലവാക്കേണ്ടി വരുമെന്ന് കരുതുന്നു. ലേക്ക് ഷോറിലെ ഡോ. ഫിലിപ്പ് അഗസ്റ്റ്യന്‍റെയും, സര്‍ജന്‍ ഡോ. എച്ച്. രമേഷിന്‍റെയും ചികിത്സയില്‍ ബിന്ദു ഇപ്പോള്‍ അപകട നില തരണം ചെയ്തിട്ടുണ്ട്.
ഭാര്യയുടെ അസുഖങ്ങള്‍ക്കൊപ്പം അദ്ദേഹത്തെ വിഷമിപ്പിക്കുന്നതാണ്‌ മകന്റെ ആരോഗ്യ പ്രശ്നങ്ങളും. ഹൃദയത്തിന്റെ ഭിത്തിയില്‍ സുഷിരം (Ventricular Septal Defect), തൈറോയിഡ് ഗ്രന്ഥിയുടെ ജന്മനായുള്ള അഭാവം (Hypothyroidism) എന്നീ ആരോഗ്യ പ്രശ്നങ്ങളാണ്‌ മകനുള്ളത്. പുട്ടപര്‍ത്തിയില്‍ ചികത്സ ലഭിച്ചു വരുന്ന മകന്റെ ആരോഗ്യ പരിപാലനത്തിനും വക കണ്ടെത്തേണ്ടതുണ്ട്. ഹൃദയത്തിന്റെ ഭിത്തിയില്‍ സുഷിരം കണ്ടെത്തി വളരെ ചെറുതിലെ മകള്‍ക്കും ഓപ്പറേഷന്‍ നടത്തിയിരുന്നു. കലാരംഗത്തു നിന്നുമുള്ള വരുമാനം ഒന്നു കൊണ്ടു മാത്രം മുന്നോട്ടു പോവുക ദുഷ്കരമായ ഒരു അവസ്ഥയിലാണ്‌ ഈ കുടുംബം ഇന്നുള്ളത്.
അദ്ദേഹത്തെ ഈയൊരു അവസ്ഥയില്‍ നിന്നും കരകേറ്റുവാനായി, കഴിവും സാഹചര്യവുമുള്ളവര്‍ തങ്ങളാല്‍ കഴിയുന്ന രീതിയില്‍ സഹായിക്കണമെന്ന് അഭ്യര്‍ത്ഥിക്കുന്നു. അദ്ദേഹത്തെ നേരിട്ട് ബന്ധപ്പെടുവാനുള്ള മാര്‍ഗങ്ങളും, നേരിട്ട് പണമടക്കുന്നതിനായി അദ്ദേഹത്തിന്‍റെ ഭാര്യയുടെ പേരിലുള്ള ഫെഡറല്‍ ബാക്ക് അക്കൌണ്ട് വിവരങ്ങളും ചുവടെ നല്‍കിയിരിക്കുന്നു. നിങ്ങളുടെ സംഭാവന വളരെ ചെറുതായി ക്കൊള്ളട്ടെ, അതു നല്‍കുവാന്‍ മനസു വെയ്ക്കുക. ഈ രീതിയില്‍ ചെറിയ സംഭാവനകള്‍ നല്‍കുവാന്‍ കുറേയധികം പേര്‍ തയ്യാറായാല്‍, ‘പലതുള്ളി പെരുവെള്ളം’ എന്നു പറയുമ്പോലെ പിടിച്ചു നില്‍ക്കുവാനൊരു തുക അദ്ദേഹത്തിന്‌ ലഭിക്കുമെന്ന് തീര്‍ച്ചയായും കരുതാം.
കലാമണ്ഡലം അച്ചുത വാര്യര്‍
കളര്‍കോട്, സനാതനപുരം പി.ഓ.
ആലപ്പുഴ, കേരളം – 688003
മൊബൈല്‍: +91 98470 99914
ബാങ്ക് അക്കൌണ്ട്:
Name: BINDU P I
Bank: FEDERAL BANK
Branch: KALARCODE
Address: Sanatanapuram P.O., Alappuzha
Account No.: 12690100156763
Account Type: SBA
IFSC Code: FDRL0001269
കൂലിപ്പണിക്കാരനായ മനോജിന്റെയും ഷൈനിയുടെയും മകനാണ് ജന്മനാ ബധിരനും മൂകനുമായ അരുണ്‍ ദേവ്. മൂന്ന് വയസിനുള്ളില്‍ വിദഗ്ദ്ധ ശസ്ത്രക്രിയ നടത്തിയാല്‍ തങ്ങളുടെ മകന്റെ സംസാര ശേഷിയും കേള്‍വി ശക്തിയും ലഭിക്കും എന്ന ഡോക്ടര്‍മാരുടെ ഉപദേശ പ്രകാരം കോഴിക്കോട്‌ മെഡിക്കല്‍ കോളജ്‌ ആശുപത്രിയില്‍ അരുണിന്റെ ചികില്സ ആരംഭിക്കുകയും ചെയ്തു. എന്നാല്‍ ശസ്ത്രക്രിയക്ക് വേണ്ട ആറര ലക്ഷം രൂപ പെയിന്റിംഗ് തൊഴിലാളിയായ മനോജിന് ചിന്തിക്കാന്‍ കഴിയുന്നതല്ല. ഇത്രയും നാളത്തെ ചികില്സ തന്നെ നടത്തിയത് സുഹൃത്തുക്കളും നാട്ടുകാരും സ്വരൂപിച്ച് നല്‍കിയ അര ലക്ഷം രൂപ ഉപയോഗിച്ചാണ്. ഒരു ദിവസത്തെ ആശുപത്രി ചിലവ് 150 രൂപയോളം വരും.
ഷാര്‍ജ: രോഗം വഴി മുടക്കിയ ജീവിതമാണ് കാസര്‍കോഡ് കളനാട് സ്വദേശി അയ്യങ്കോല്‍ അബൂബക്കറിന്റെത്. നാല്പ്പത്തി നാലു വര്ഷത്തെ പ്രവാസ ജീവിതത്തിന്റെ അവസാന നാളുകളില്‍ രോഗത്തിന്റെ അവശതയില്‍ ജന്മ നാട്ടിലേയ്ക്കു മടങ്ങാനാവാതെ ദുരിതം അനുഭവിക്കു കയാണ് ഈ അറുപത്താ റുകാരന്‍. 
പ്രമേഹ രോഗിയായ ഇദ്ദേഹത്തിന് കഴിഞ്ഞ ഒരു വര്ഷക്കാലമായി വൃക്കയുടെ പ്രവര്ത്തനവും തകരാറിലാണ്.മൂത്ര തടസ്സം അനുഭവപ്പെട്ടതിനെത്തുടര്ന്ന് കൃത്രിമ മൂത്രസഞ്ചിയുമായുള്ള അബൂബക്കറിന്റെ രൂപം മനുഷ്യ മനസ്സുകളെ നൊമ്പരപ്പെടുത്തും. നാട്ടില് കൊണ്ടു പോയി വിദഗ്ധ് ചികില്സ നല്കിയാല് മത്രമേ രോഗം സുഖപ്പെടുക യുള്ളൂവെന്നാണ് ഇവിടത്തെ ഡോക്ടര്മാര് നിര്ദ്ദേശിക്കുന്നത്. സ്വന്തം അദ്ധ്വാനം കൊണ്ട് നാലു പെണ്മക്കളുടെ വിവാഹം നടത്തിയ അബൂബക്കറിന് രണ്ട് പെണ്മക്കളുടെ വിവാഹം കൂടി നടത്താനുണ്ടെന്നുള്ളത് മനോവിഷമ ത്തിനിടയാക്കുന്നു. ജന്മ നാട്ടിലേക്കുള്ള മടക്ക യാത്രയ്ക്കായി പല സംഘടനകളെയും സമീപിച്ചെങ്കിലും കാലാവധി കഴിഞ്ഞ വിസയും പസ്പ്പോര്ട്ടും പുതുക്കാന് സാധിയ്ക്കാ ഞ്ഞതിനാല് മടക്ക യാത്രയ്ക്ക് തടസ്സം അനുഭവ പ്പെട്ടിരിക്കുകയാണ്. നാല്പ്പത്തി നാല് വര്ഷത്തെ പ്രവാസ ജീവിതവും കഴിഞ്ഞ് നാട്ടിലേയ്ക്ക് മടങ്ങാന് ശ്രമിക്കുന്ന അബൂബക്കറിന് കൂടെ കൊണ്ടു പോകാന് സമ്പാദ്യങ്ങള് ഒന്നുമില്ല, രോഗത്തിന്റെ അടയാളമായി തൂക്കിയിട്ടിരിക്കുന്ന കൃത്രിമ മൂത്ര സഞ്ചി മാത്രം. നിയമത്തിന്റെ കടമ്പകള് കടന്ന് ജന്മനാട്ടില് തിരിച്ചെത്താന് പടച്ചോന് കനിവുണ്ടാക്കുമെന്ന പ്രതീക്ഷയിലാണ് അബൂബക്കര്‍.
രോഗിയായ ഭര്‍ത്താവിന്റെ ചികില്‍സക്കു വേണ്ടി കഴിഞ്ഞ നാലു വര്‍ഷ ക്കാലമായി മലയാളിയായ ഒരു സാധു സ്ത്രീ നടത്തിയ ജീവിത പോരാട്ടത്തിന്റെ അവസാന രംഗമാണു കഴിഞ്ഞ തിങ്കളഴ്ച (8-3-2010) അല്‍ കാസ്സിമി ഹോസ്പിറ്റലില്‍ അരങ്ങേറിയത്. മലയാളിയായ കമ്പനി ഉടമയുടെ സ്വകാര്യ ആവശ്യത്തിനായി പാസ്പോര്ട്ട് ജാമ്യം വെച്ചതു മൂലം രോഗിയായി ത്തീര്‍ന്നിട്ടും നാട്ടിലേക്ക് മടങ്ങാനാവാതെ ദുരിതത്തിലായ തിരുവനന്തപുരം ചിറയിന്‍കീഴു സ്വദേശി ശശാങ്കന് കഴിഞ്ഞ തിങ്കളഴ്ച ഷാര്‍ജ അല്‍ ഖാസിമി ഹോസ്പിറ്റലില്‍ നിര്യാതനായി.
ഷാര്‍ജ : സഹായങ്ങള്‍ക്കു പ്രാര്‍ത്ഥനയോടെ നന്ദി പറഞ്ഞു മുഹമ്മദ് നിസ്സാമും കുടുംബവും കഴിഞ്ഞ തിങ്കളാഴ്ച്ച ജന്മനാടായ ശ്രീലങ്കയിലേക്കു മടങ്ങി. ഗള്‍ഫ് മാധ്യമവും, ഗള്‍ഫ് ന്യൂസുമാണ് നിസ്സാമും ഭാര്യയും രണ്ടു കുട്ടികളുമടങ്ങുന്ന കുടുംബത്തിന്റെ ദുഃഖ കഥ പുറത്തു കൊണ്ടു വന്നത്. നിസ്സാം അജ്മാനില് അക്കൌണ്ടന്റായി ജോലി നൊക്കവേയാണ് അഞ്ചു മാസങ്ങള്‍ക്കു മുന്‍പു ഇടതു കണ്ണിന് കാഴ്ചക്കുറവ് അനുഭവപ്പെട്ടത്. ഷാര്‍ജയിലെ സ്വകാര്യ ക്ലിനിക്കില് ചികില്സ തേടിയെങ്കിലും അവര്‍ നിര്‍ദ്ദേശിച്ച ലേസര്‍ ചികില്‍സയോടെ രണ്ടു കണ്ണുകളുടെയും കാഴ്ച നഷ്ടപ്പെടുക യാണുണ്ടായത്.
