റാസല്‍ഖൈമ : മലയാളി വ്യാപാരിയെ റാസല്‍ഖൈമ യില്‍ മരിച്ച നിലയില്‍ കണ്ടെത്തി. കോഴിക്കോട്‌ നാദാപുരം പെട്രോള്‍ പമ്പിന് സമീപം കസ്തൂരി ക്കുളം പരേതനായ കരുവാരി യില്‍ പോക്കര്‍ ഹാജി യുടെ മകന്‍ ഹാരിസ് നെയാണ് (42) റാസല്‍ഖൈമ അല്‍ജസീറ കോര്‍ണിഷില്‍ തിങ്കളാഴ്ച രാവിലെ ദുരൂഹ സാഹചര്യത്തില്‍ മരിച്ച നിലയില്‍ കണ്ടെത്തിയത്.
20 വര്‍ഷ ത്തോളമായി യു. എ. ഇ. യിലുള്ള ഹാരിസ്, റാസല്‍ഖൈമ യില്‍ കഫറ്റീരിയ നടത്തുകയാണ്. പത്തു മാസം മുമ്പാണ് നാട്ടില്‍ പോയി തിരിച്ച് എത്തിയത്. റാസല്‍ഖൈമ സെയ്ഫ് ആശുപത്രി മോര്‍ച്ചറി യില്‍ സൂക്ഷിച്ച മൃതദേഹം നടപടികള്‍ പൂര്‍ത്തിയാക്കി നാട്ടിലേക്ക് കൊണ്ടു പോകും എന്ന് ബന്ധുക്കള്‍ അറിയിച്ചു.
- pma
