ജിദ്ദാ ഇന്ത്യന്‍ കോണ്‍സുലേറ്റിന്‍റെ പ്രതിനിധി സംഘം വ്യാഴാഴ്ച സൗദിയിലെ അല്‍ബാഹ, യാമ്പു ഭാഗങ്ങളില്‍ സന്ദര്‍ശനം നടത്തുമെന്ന് കോണ്‍സുലേറ്റ് വാര്‍ത്താക്കുറിപ്പില്‍ അറിയിച്ചു. അല്‍ബാഹയില്‍ ഹോട്ടല്‍ സുല്‍ഫാനിലും യാമ്പുവില്‍ ഹോട്ടല്‍ ഹിജ്ജിലുമാണ് സംഘം ക്യാമ്പ് ചെയ്യുക.
ഈ ഭാഗങ്ങളില്‍ ജോലി ചെയ്യുന്ന ഇന്ത്യക്കാരില്‍ നിന്നും കോണ്‍സുല്‍ സേവനങ്ങള്‍ക്കുള്ള അപേക്ഷകള്‍ രാവിലെ ഒന്‍പത് മുതല്‍ വൈകുന്നേരം അഞ്ച് വരെ സ്വീകരിക്കും. കൂടുതല്‍ വിവരങ്ങള്‍ക്ക് അല്‍ബാഹയില്‍ 07 7251053 എന്ന നമ്പറിലും യാമ്പുവില്‍ 04 3228842 എന്ന നമ്പറിലും വിളിക്കണം. അതേ സമയം ഗണേഷ ചതുര്‍ത്തി പ്രമാണിച്ച് നാളെ ജിദ്ദാ ഇന്ത്യന്‍ കോണ്‍സുലേറ്റിന് അവധിയായിരിക്കുമെന്ന് അധികൃതര്‍ അറിയിച്ചു.
-
