ലോക ഹൃദയദിനത്തോടനുബന്ധിച്ച് അബുദാബി മലയാളി സമാജം ഹൃദ്രോഗത്തെ കുറിച്ച് സെമിനാറും ബോധവല്‍ക്കരണ കാമ്പയിനും സംഘടിപ്പിക്കുന്നു. അല്‍ അഹല്യാ ആശുപത്രിയുടെ സഹകരണത്തോടെ നടത്തുന്ന പരിപാടി ലോക ഹൃദയദിനമായ ഈ മാസം 28 ഞായറാഴ്ച വൈകിട്ട് 5 മണിക്ക് സമാജത്തില്‍ വച്ചാണ് നടത്തുന്നത്. പരിപാടിയില്‍ പ്രേക്ഷകരുടെ സംശയങ്ങള്‍ക്ക് ഹൃദ്രോഗ വിദഗ്ധനായ ഡോക്ടര്‍ ദിനേശ് ബാബു മറുപടി പറയും. അല്‍ അഹല്യാ ആശുപത്രിയുടെ പ്രത്യേക പാക്കേജും ആനുകൂല്യങ്ങളും പരിപാടിയില്‍ പങ്കെടുക്കുന്നവര്‍ക്ക് ലഭിക്കുമെന്ന് സംഘാടകര്‍ അറിയിച്ചു. ഇതിനോടൊപ്പം ഇഫ്താര്‍ വിരുന്നും ഒരുക്കിയിട്ടുണ്ട്.
-
