ഷാര്‍ജ സജയിലെ ലേബര്‍ ക്യാമ്പില്‍ ഇന്ത്യന്‍-പാക്കിസ്ഥാനി തൊഴിലാളികള്‍ തമ്മിലുണ്ടായ സംഘര്‍ഷവും തുടര്‍ന്നുണ്ടായ പ്രശ്നങ്ങളും ഒത്തുതീര്‍ന്നു. സംഘര്‍ഷത്തെ തുടര്‍ന്ന് പണി മുടക്കിയിരുന്ന തൊഴിലാളികള്‍ ഇന്ന് മുതല്‍ ജോലി തുടരും. ഇന്ത്യന്‍ കോണ്‍സുല്‍ റെയ്നയും ഷാര്‍ജ ഇന്ത്യന്‍ അസോസിയേഷന്‍ പ്രസിഡന്‍റ് അഡ്വ. വൈ.എ റഹീമും സെക്രട്ടറി ചന്ദ്രപ്രകാശ് ഇടമനയും അടങ്ങുന്ന സംഘം കമ്പനി അധികൃതരുമായി നടത്തിയ ചര്‍ച്ചയെ തുടര്‍ന്നാണ് ഒത്തു തീര്‍പ്പുണ്ടായത്. പ്രശ്നക്കാരായ പാക്കിസ്ഥാനി തൊഴിലാളികള്‍ക്കെതിരെ നിയമ നടപടി സ്വീകരിക്കുമെന്ന് കമ്പനി അധികൃതര്‍ ഉറപ്പ് നല്‍കിയതായി അഡ്വ. വൈ.എ റഹീം പറഞ്ഞു.
-
