42.2 ബില്യണ്‍ ദിര്ഹത്തിന്റെ ബജറ്റിന് യു.എ.ഇ മന്ത്രിസഭ അനുമതി നല്‍കി. വിദ്യാഭാസ-സേവന മേഖലകള്‍ക്കാണ് ബജറ്റില്‍ ഊന്നല്‍ നല്‍കിയിരിക്കുന്നത്. ബജറ്റ് തുകയുടെ 23 ശതമാനം വിദ്യാഭ്യാസ മേഖലയ്ക്കും 37 ശതമാനം സേവന മേഖലയ്ക്കും നീക്കി വയ്ക്കും.
സേവന മേഖലയില്‍ ആരോഗ്യ പരിരക്ഷാ പദ്ധതികള്‍ക്ക് പ്രാധാന്യം നല്‍കും. യു.എ.ഇ മന്ത്രിസഭയുടെ അസാധാരണ യോഗമാണ് ബജറ്റിന് അംഗീകാരം നല്‍കിയത്. യു.എ.ഇ വൈസ് പ്രസിഡന്‍റും പ്രധാനമന്ത്രിയും ദുബായ് ഭരണാധികാരിയുമായ ശൈഖ് മുഹമ്മദ് ബിന്‍ റാഷിദ് അല്‍ മക്തൂം അധ്യക്ഷത വഹിച്ചു. കഴിഞ്ഞ വര്‍ഷത്തേക്കാള്‍ 21 ശതമാനം വര്‍ധനവാണ് ഈ ബജറ്റിലുള്ളത്.
-
