അബുദാബി: കേരള പിറവിയുടെ അന്‍പത്തി രണ്ടാം വാര്‍ഷികം ഇന്ന് (ശനിയാഴ്ച) വൈകീട്ട് 8 മണിക്ക് അബുദാബി കേരള സോഷ്യല്‍ സെന്ററിന്റെ ആഭിമുഖ്യത്തില്‍ വൈവിധ്യ മാര്‍ന്ന പരിപാടി കളോടെ നടത്തപ്പെടുന്ന‍ു.പ്രശസ്ത സാഹിത്യ കാരന്‍ സുധാകരന്‍ രാമന്തളി ആഘോഷ പരിപാടികള്‍ ഉദ്ഘാടനം ചെയ്യും. “കേരളം പിന്ന‍ിട്ട പാതയിലൂടെ” എന്ന വിഷയത്തെ അധികരിച്ച്‌ പ്രമുഖ മാധ്യമ പ്രവര്‍ത്തകന്‍ എം. സി. എ. നാസര്‍ മുഖ്യ പ്രഭാഷണം നിര്‍വ്വഹിക്കും.
തുടര്‍ന്ന‍്‌ നടക്കുന്ന കലാ പരിപാടി കളില്‍ സെന്റര്‍ കലാ വിഭാഗം അവതരി പ്പിക്കുന്ന നൃത്ത നൃത്ത്യങ്ങള്‍, അബുദാബി ശക്തി തിയ്യറ്റേഴ്സിന്റെ ചിത്രീകരണം, യുവ കലാ സാഹിതി അവതരി പ്പിക്കുന്ന സംഗീത ശില്‍പം എന്ന‍ിവ അരങ്ങേറുമെന്ന‍്‌ ഭാരവാഹികള്‍ അറിയിച്ചു.
– സഫറുള്ള പാലപ്പെട്ടി
