മലയാളി അജ്മാനില്‍ ഹൃദയാഘാതം മൂലം മരിച്ചു. മലപ്പുറം കാടഞ്ചേരി അമ്മനാട്ട് ചിറ്റാരയില്‍ കുഞ്ഞിമുഹമ്മദ് ആണ് മരിച്ചത്. 53 വയസായിരുന്നു. മുംതാസാണ് ഭാര്യ. സാദിഖ്, ഷഫീക്ക്, ഫമീസ്, ഫായിസ എന്നിവരാണ് മക്കള്‍. ഖബറടക്കം നാളെ കാടഞ്ചേരി ജുമാമസ്ജിദ് ഖബര്‍സ്ഥാനില്‍ നടക്കും.

മലയാളി ഹൃദയാഘാതം മൂലം അജ്മാനില്‍ മരിച്ചു. മലപ്പുറം, എടപ്പാള്‍, കാടഞ്ചേരി സ്വദേശി എ.സി.കുഞ്ഞിമുഹമ്മദ് എന്ന കുഞ്ഞിമോനാണ് മരിച്ചത്. 47 വയസ്സായിരുന്നു. ദീര്‍ഘ കാലം അജ്മാനില്‍ ടാക്സി ഡ്രൈവറായിരുന്നു. സഹോദരന്‍ അഷ്റഫ് ദുബായിലും ജാമാതാവ് നൗഷാദ് ഫുജൈറയിലും ജോലി ചെയ്യുന്നു. മൃതദേഹം നാളെ നാട്ടില്‍ കൊണ്ടു പോകുമെന്ന് ബന്ധുക്കള്‍ അറിയിച്ചു.

പാലക്കാട് ത്യത്താല തച്ചറകുന്നത്ത് അലവിയുടെ മകന്‍ അഷറഫ് അജ്മാനില്‍ നിര്യാതനായി. 30 വയസ്സായിരുന്നു. ഹ്യദയാഘാതമാണ് മരണ കാരണം. മ്യതദേഹം ഖലീഫ ആശുപത്രിയില്‍ സൂക്ഷിച്ചിരിക്കുകയാണ്. അജ്മാനില്‍ ഹോട്ടല്‍ നടത്തുകയായിരുന്നു അഷറഫ്. സഹോദരങ്ങളായ റഷീദ് അജ്മാനിലും, അയ്യൂബ് ഖത്തറിലും ജോലി ചെയ്യുന്നു.

ഷാര്‍ജയില്‍ ജോലിക്കിടയിലുണ്ടായ അപകടത്തില്‍ തിരുവനന്തപുരം തോട്ടയ്ക്കാട് കുന്നത്ത് വാതുക്കല്‍ അജയകുമാര്‍ മരിച്ചു. 29 വയസായിരുന്നു. ഷാര്‍ജയിലെ ടയര്‍ കടയിലെ മെക്കാനിക്കായിരുന്നു ഇദ്ദേഹം. ട്രക്കിന്‍റെ ടയര്‍ മാറ്റുന്നതിനിടയില്‍ ജാക്കി തെന്നിമാറി അജകുമാര്‍ ട്രക്കിനടിയില്‍ പെട്ടാണ് മരിച്ചത്. ഭാര്യയും രണ്ട് വയസുള്ള കുട്ടിയുമുണ്ട്.

അബുദാബിയില്‍ മലയാളി ഹൃദയാഘാതത്തെ തുടര്‍ന്ന് മരിച്ചു. തിരുവല്ല സ്വദേശി ഐസക്ക് പി.വര്‍ഗ്ഗീസാണ് മരിച്ചത്. 54 വയസ്സായിരുന്നു. അബുദാബി ADIA യിലെ ജീവനക്കാരനായിരുന്നു. നാളെ വൈകിട്ട് 4 മണിക്ക് ഖലീഫ ആശുപത്രിയില്‍ എംബാമിങ്ങ് നടക്കും. സംസ്ക്കാരം ചൊവ്വാഴ്ച്ച കിഴക്കന്‍മുത്തൂര്‍ സെന്റ് പോള്‍സ് മാര്‍ത്തോമ്മാ ചര്‍ച്ചില്‍ നടക്കും.