ചാവക്കാട് : ഗള്‍ഫില്‍ നിന്ന് അവധിക്കായി നാട്ടിലെത്തിയ ഗൃഹനാഥന്‍ വീട്ടു മുറ്റത്ത് കുഴഞ്ഞ് വീണു മരിച്ചു. കടപ്പുറം ആറങ്ങാടി ഉപ്പാപ്പ പള്ളിക്ക് പടിഞ്ഞാറ് ഐനിക്കല്‍ വീട്ടില്‍ ഹമീദിന്‍റെ മകന്‍ സെയ്തു മുഹമ്മദ്(40) ആണ് മരിച്ചത്. നവംബര്‍ 10 ന് വ്യാഴാഴ്ച രാത്രി 7.45 ഓടെയാണ് സംഭവം. ഉടന്‍ തന്നെ മുതുവട്ടൂര്‍ രാജാ ആശുപത്രിയില്‍ എത്തിച്ചെങ്കിലും മരണം സംഭവിക്കുക യായിരുന്നു.
അബൂദാബി യില്‍ ജോലി ചെയ്യുക യായിരുന്ന സെയ്തു മുഹമ്മദ് മൂന്നു മാസം മുന്‍പാണ് അവധിക്കായി നാട്ടിലെത്തിയത്. അബുദാബി കെ. എം. സി. സി.യുടെ സജീവ പ്രവര്‍ത്ത കനായിരുന്നു. ഒരുമ തൊട്ടാപ്പ് പ്രവാസി അംഗവുമാണ്. ഷാര്‍ജ കെ. എം. സി. സി. പ്രസിഡന്‍റ് അലികുഞ്ഞി സഹോദരനാണ്. ഭാര്യ : ശരീക്കത്ത്.
ഖബറടക്കം ആറങ്ങാടി ഉപ്പാപ്പ പള്ളി ഖബര്‍സ്ഥാനില്‍ വെള്ളിയാഴ്ച നടന്നു.
- pma
അനുബന്ധ വാര്‍ത്തകള്‍
വായിക്കുക: obituary
