അബുദാബി : അബൂദാബി യിലെ ജോലി സ്ഥലത്ത്‌ മലയാളി മരിച്ചു. കാസര്‍കോട് അജാനൂര്‍ പഞ്ചായത്ത് ബെല്ലിക്കോത്ത് തിരുവോണം വീട്ടില്‍ പി. പി. പദ്മനാഭന്‍ (40) ആണ് മരിച്ചത്.
ജോലി സ്ഥലത്തെ ഭൂഗര്‍ഭ മലിനജല ടാങ്കില്‍ ശ്വാസം മുട്ടിയാണ് ലേബര്‍ സൂപ്പര്‍ വൈസര്‍ പി. പി. പദ്മനാഭന്‍ മരണപ്പെട്ടത് എന്ന് അറിയുന്നു. വെന്‍റിലേഷന്‍ ഇല്ലാത്ത ഭൂഗര്‍ഭ ടാങ്കിലെ മോട്ടോറില്‍ ഡീസല്‍ നിറക്കാനിറങ്ങിയ തൊഴിലാളിയെ രക്ഷിക്കാന്‍ ശ്രമിച്ച പദ്മനാഭന്‍ അപകടത്തില്‍ പെടുകയായിരുന്നു. തുടര്‍ച്ചയായി മോട്ടോര്‍ പ്രവര്‍ത്തി പ്പിച്ചതിനെ തുടര്‍ന്നുണ്ടായ കാര്‍ബണ്‍ മോണോക്സൈഡ് ശ്വസിച്ചാണ് മരണമെന്ന് കരുതപ്പെടുന്നു.
അബൂദാബി യിലെ നജ്ദയില്‍ ചൊവ്വാഴ്ച യായിരുന്നു സംഭവം. അസ്ഖലന്‍ കണ്‍സ്ട്രക്ഷന്‍ ആന്‍ഡ് ഡവലപ്മെന്‍റ് കമ്പനിയിലെ ലേബര്‍ സൂപ്പര്‍വൈസര്‍ ആണ് പദ്മനാഭന്‍. കമ്പനി ഏറ്റെടുത്ത പ്രോജക്ടിന്‍റെ ഭൂഗര്‍ഭ ടാങ്കിലെ മലിനജലം നീക്കുന്ന ജോലിയാണ് കഴിഞ്ഞ ദിവസ ങ്ങളില്‍ ചെയ്തിരുന്നത്. മൂന്ന് ദിവസം തുടര്‍ച്ച യായി ടാങ്കിലെ മോട്ടോര്‍ പ്രവര്‍ത്തി പ്പിച്ചിരുന്നു. ചൊവ്വാഴ്ച ഡീസല്‍ തീര്‍ന്നതിനെ തുടര്‍ന്ന് നിറക്കാനായി ടാങ്കില്‍ ഇറങ്ങിയ ബംഗ്ളാദേശി യായ തൊഴിലാളിക്ക് അസ്വസ്ഥത അനുഭവപ്പെട്ടു. ഇയാളെ രക്ഷിക്കാനായി ആദ്യം മറ്റൊരാളും തുടര്‍ന്ന് പദ്മനാഭനും ടാങ്കിലിറങ്ങി. പിന്നീട് മറ്റ് രണ്ടു പേരെയും ടാങ്കില്‍ നിന്ന് കയറ്റി വിട്ട ശേഷം മുകളി ലേക്ക് കയറുന്നതിനിടെ പദ്മനാഭന്‍ കുഴഞ്ഞു വീഴുക യായിരുന്നു.
ഒറ്റപുരക്കല്‍ കുഞ്ഞമ്പു നായരുടെയും പള്ളിയത്ത് പനയംതട്ട കുഞ്ഞമ്മാറമ്മ യുടെയും മകനാണ്. ഭാര്യ : രൂപ. മക്കള്‍ : വൈഷ്ണവ്, പാര്‍ഥിവ്.
-അയച്ചു തന്നത് : വി. ടി. വി. ദാമോദരന്‍
- pma
അനുബന്ധ വാര്‍ത്തകള്‍
വായിക്കുക: obituary
