സൗദിയില്‍ വാഹനാപകടത്തില്‍ രണ്ട് മലയാളികള്‍ മരിച്ചു. മലപ്പുറം എടപ്പാള്‍ സ്വദേശി മുഹമ്മദലി (38), കളിയാട്ടമുക്ക് സ്വദേശി വമ്പാല കോയ (40) എന്നിവരാണ് മരിച്ചത്.

പലചരക്കു സാധനങ്ങള്‍ വാഹനത്തില്‍ കൊണ്ടുപോയി വില്‍പ്പന നടത്തുന്ന ഇവര്‍ ജിദ്ദയില്‍ നിന്നും ജിസാനിലേക്ക് പോകുമ്പോള്‍ വസഖ എന്ന സ്ഥലത്ത് വച്ചാണ് അപകടമുണ്ടായത്. ഇവര്‍ സഞ്ചരിച്ചിരുന്ന വാഹനം മുന്നില്‍ ഓടിക്കൊണ്ടിരിക്കുന്ന ട്രെയിലറിന്‍രെ പിന്നില്‍ പോയിടിക്കുകയായിരുന്നു.

ജിദ്ദയില്‍ ഹൃദയഘാതം മൂലം മലയാളി മരിച്ചു. മലപ്പുറം ഐക്കരപ്പടി മായാക്കര മുഹമ്മദ് കുട്ടിയാണ് മരിച്ചത്. 42 വയസായിരുന്നു. പത്തുവര്‍ഷമായി ജിദ്ദയിലെ പച്ചക്കറി മാര്‍ക്കറ്റില്‍ ജോലി ചെയ്തു വരികയായിരുന്നു. ജമീലയാണ് ഭാര്യ. സഫീല, സഫ് വാന്‍, മിദ് ലാജ്, ജുനൈദ്, ജുറൈജ് എന്നിവരാണ് മക്കള്‍.

മദീനയില്‍ മലയാളി ഹൃദയാഘാതം മൂലം മരിച്ചു. മലപ്പുറം പരപ്പനങ്ങാടി ചെട്ടിപ്പടി സ്വദേശി കല്‍പ്പത്തിങ്കല്‍ കുഞ്ഞു മൊയ്തീനാണ് മരിച്ചത്. 52 വയസായിരുന്നു. 16 വര്‍ഷമായി സൗദിയില്‍ ജോലി ചെയ്യുകയായാരുന്നു. മൃതദേഹം മദീനയില്‍ മറവുചെയ്തു.

മംഗലാപുരം ഉപ്പിലങ്ങാടി സ്വദേശി മുഹമ്മദ് ഖാന്‍സ ഹൃദയാഘാതം മൂലം മക്കയില്‍ നിര്യാതനായി. 41 വയസായിരുന്നു. 25 വര്‍ഷമായി മക്കയിലുള്ള ഇദ്ദേഹം ആറ് മാസത്തെ അവധി കഴിഞ്ഞ് രണ്ട് ദിവസം മുമ്പാണ് തിരിച്ചെത്തിയത്. ഭാര്യയും മൂന്ന് കുട്ടികളുമുണ്ട്.

താമരശേരി പുതുക്കുന്നം ചാലില്‍ വീട്ടില്‍ അബ്ദുല്‍ സലാം അബുദാബിയില്‍ കാറപകടത്തില്‍ മരിച്ചു.

40 വയസായിരുന്നു. അബുദാബിയില്‍ നിന്ന് ദുബായിലേക്ക് കാറോടിച്ച് പോകുമ്പോള്‍ അല്‍ റഹ് ബയ്ക്ക് സമീപം വച്ചായിരുന്നു അപകടം.

ദുബായ് മെട്രോ നിര്‍മ്മാണ കമ്പനിയില്‍ ഒബയാഷി ഗ്രൂപ്പ് ഡ്രൈവറാണ് അബ്ദുല്‍ സലാം. ഷാഹിനയാണ് ഭാര്യ. രണ്ട് മക്കളുണ്ട്.