ഒരുമനയൂര്‍ മുനാംകല്ലില്‍ രായമ്മരക്കാര്‍ മൂപ്പില്‍ കുഞ്ഞിമൊയ്തുണ്ണി നിര്യാതനായി. 75 വയസ്സായിരുന്നു.

സഹോദരന്‍ കമറുദ്ദീന്‍, മക്കളായ ഇല്യാസ്, ഫൈസല്‍, ഫിറോസ് എന്നിവര്‍ ഷാര്ജ്ജയില്‍ ജോലി ചെയ്യുന്നു

ഒരുമനയൂര്‍ പരേതനായ ബാവുഹാജിയുടെ ഭാര്യ കുഞ്ഞിമോള്‍ നിര്യാതയായി.

മക്കളായ മുഹമ്മദ്, അബൂബക്കര്‍, ഉമ്മര്‍, ഉസ്മാന്‍ എന്നിവര്‍ ഖത്തറില്‍ ജോലി ചെയ്യുന്നു

തിരൂര്‍, അന്നാര സ്വദേശി തെയ്യന്‍ബാടി മുഹമ്മദ് ഷാര്‍ജയിലെ മിലീഹയില്‍ വാഹനാപകടത്തില്‍ മരിച്ചു. 38 വയസായിരുന്നു. റാഷിദയാണ് ഭാര്യ. നാലര വയസുള്ള മകനുണ്ട്. ഷാര്‍ജ മുനിസിപ്പാലിറ്റി ജീവനക്കാരനാണ്. സൈക്കിളില്‍ സഞ്ചരിക്കുകയായിരുന്ന മുഹമ്മദിനെ മിലീഹയില്‍ വച്ച് സ്വദേശി ഓടിച്ചിരുന്ന കാര്‍ ഇടിക്കുകയായിരുന്നു. 12 വര്‍ഷമായി ഗള്‍ഫില്‍ ജോലി ചെയ്യുന്ന മുഹമ്മദ് നാട്ടില്‍ പോയി തിരിച്ചെത്തിയിട്ട് നാല് മാസമേ ആയിട്ടുള്ളൂ.

സൗദിയില്‍ വാഹനാപകടത്തില്‍ മലയാളി മരിച്ചു. കോഴിക്കോട് നരിക്കുനി താഴത്തെക്കുനിയില്‍ ബീരാന്‍ കുട്ടിയുടെ മകന്‍ നിസാറാണ് മരിച്ചത്. 27 വയസായിരുന്നു. ഷമാനയാണ് ഭാര്യ.
ഖമീഷ് മുഷൈത്തില്‍ നിന്നും നജ്റാനില്‍ പോയി മടങ്ങി വരുമ്പോള്‍ സറാത്ത് ഉബൈദ എന്ന സ്ഥലത്തിനടുത്ത് വച്ച് ഇദ്ദേഹം ഓടിച്ചിരുന്ന കാര്‍ നിയന്ത്രണം വിട്ട് മറിയുകയായിരുന്നു.

കാസര്‍ക്കോട് നാട്ടക്കല്ല് സ്വദേശി എന്‍.ബി അബൂബക്കര്‍ ഹാജി ഷാര്‍ജയില്‍ നിര്യാതനായി. 45 വയസായിരുന്നു. അസ്മയാണ് ഭാര്യ. അഞ്ച് മക്കളുണ്ട്. 25 വര്‍ഷമായി യു.എ.ഇയില്‍ എത്തിയിട്ട്. ഷാര്‍ജയിലെ ഒരു റെഡിമെയ്ഡ് ഷോപ്പിലെ ജീവനക്കാരനായിരുന്നു.