അജ്മാനില്‍ നിന്ന് രണ്ട് മാസങ്ങള്‍ക്ക് മുമ്പ് കാണാതായ മലയാളി മരിച്ചതായി സ്ഥിരീകരിച്ചു. കണ്ണൂര്‍ താഴെത്തെരു സ്വദേശി വല്ലത്ത് മുഹമ്മദ് നിസാറാണ് മരിച്ചത്. ഭാര്യയും മൂന്ന് കുട്ടികളുമുണ്ട്. വിസിറ്റ് വിസയില്‍ എത്തിയ ഈ 42 കാരനെ മൃതദേഹം അജ്മാന്‍ ഖലീഫ ആശുപത്രി മോര്‍ച്ചറിയില്‍ ബന്ധുക്കള്‍ കണ്ടെത്തുകയായിരുന്നു. അജ്മാന്‍ കോര്‍ണീഷിലെ വെള്ളത്തില്‍ മരിച്ച നിലയില്‍ കഴിഞ്ഞ ജൂണ്‍ 11 ന് പോലീസ് കണ്ടെത്തുകയായിരുന്നുവെന്ന് ബന്ധുക്കള്‍ അറിയിച്ചു.

അലൈനില്‍ വാഹനാപകടത്തില്‍ മലയാളി മരിച്ചു. കണ്ണൂര്‍ മണ്ടൂര്‍ സ്വദേശി ഇ.പി ഷംസുദ്ദീന്‍ ആണ് മരിച്ചത്. 32 വയസായിരുന്നു. ഇന്നലെ പുലര്‍ച്ചെ ഡ്യൂട്ടി കഴി‍ഞ്ഞ് തിരിച്ചു പോകുമ്പോള്‍ ഓടിച്ചിരുന്ന കാര്‍ ഇലക്ടിക് പോസ്റ്റില്‍ ഇടിച്ചാണ് അപകടം. മന്‍സൂറയാണ് ഭാര്യ. ഷഹ്സൂറ, ഷാറു എന്നിവര്‍ മക്കളാണ്. അലൈനിലെ അഡ് നോക് കമ്പനി ജീവനക്കാരനാണ്.

രണ്ടാഴ്ച മുന്‍പ് അജ്മാനില്‍ വാഹനാപകടത്തില്‍ പരിക്കേറ്റ മലയാളി മരിച്ചു. അരുണ്‍ കുര്യാക്കോസാണ് മരിച്ചത്. 23 വയസ്സായിരുന്നു. അജ്മാന്‍ ഓള്‍ഡ് സനയ്യാ ഏര്യയില്‍ റോഡ് മുറിച്ചു കടക്കവേ ടാക്സി ഇടിച്ച അരുണ്‍കുമാര്‍ അജ്മാന്‍ ഖലീഫ ആശുപത്രിയില്‍ ചികിത്സയിലായിരുന്നു.

ഒന്നര വര്‍ഷം മുന്‍പ് യു.എ.ഇ യിലെത്തിയ അരുണ്‍ അല്‍ ഫഹദ് ഇലക്ട്രോ മെക്കാനിക്കല്‍ കോണ്‍ട്രാക്ടിംഗ് കമ്പനിയിലെ ജീവനക്കാരനായിരുന്നു.

ദമാമില്‍ മലയാളി ഹൃദയാഘാതം മൂലം മരിച്ചു. കൊല്ലം ആയൂര്‍ എസ്.ആര്‍ ഭവനില്‍ രാജഗോപാല കൃഷ്ണപിള്ളയാണ് മരിച്ചത്. സുശീലയാണ് ഭാര്യ. രാജേഷ്, രാജീവ്എന്നിവരാണ് മക്കള്‍. കഴിഞ്ഞ വര്‍ഷമാണ് ഇദ്ദേഹം സൗദി അറേബ്യയില്‍ എത്തിയത്.

മല്ലശ്ശേരി വാഴമുട്ടം ഈസ്റ്റ് പുതുപ്പറമ്പില്‍ തെക്കേതില്‍ റിട്ടയേര്‍ഡ് സുബേദാര്‍ മേജര്‍ പി.ജി. ടൈറ്റസ് നിര്യാതനായി.

78 വയസായിരുന്നു. സംസ്ക്കാരം നാളെ ഒരു മണിയ്ക്ക് വാഴമുട്ടം പി.എം.ജി സെമിത്തേരിയില്‍ നടക്കും

അലൈന്‍ ഇന്റെര്‍ കോണ്ടിനെന്റല്‍ ഹോട്ടല്‍ സീനിയര്‍ മാനേജര്‍ ജോസ് മല്ലശ്ശേരി, എന്ന ജോര്‍ജ്ജ് ടൈറ്റസ് ഉള്‍പ്പടെ 5 മക്കളുണ്ട്.