ബഹറിനില്‍ മലയാളി വാഹനാപകടത്തില്‍ മരിച്ചു. വടകര സ്വദേശി രവീന്ദ്രന്‍റെ മകന്‍ റിതീഷാണ് മരിച്ചത്. 29 വയസായിരുന്നു. അല്‍ ദസ്മ ബേക്കറില്‍ ജോലിക്കാരനായിരുന്നു ഇദേഹം.വ്

മാഹി പെരുമടം മീത്തലകത്ത് മുഹമ്മദ് ആസിഫ് ദമാമിലെ ജുബൈലില്‍ മരിച്ചു. 26 വയസായിരുന്നു. ജുബൈലിലെ ഒരു കമ്പനിയില്‍ ഓഫീസ് അസിസ്റ്റന്‍റായി ജോലി ചെയ്യുകയായിരുന്നു. അവിവാഹിതനാണ്. മൃതദേഹം നാട്ടിലേക്ക് കൊണ്ടുപോകും.

ദുബായില്‍ മലയാളി ഹൃദയാഘാതം മൂലം മരിച്ചു. പത്തനാപുരം ചേലക്കോട് ബേബി വില്ലയില്‍ മുഹമ്മദ് രാജന്‍ ആണ് മരിച്ചത്. 51 വയസായിരുന്നു. ദുബായിലെ ഒരു ലേബര്‍ ക്യാമ്പിലെ സൂപ്പര്‍ വൈസറായിരുന്നു.

കണ്ണൂര്‍ മാട്ടൂല്‍ പള്ളിവളപ്പില്‍ കുഞ്ഞഹമ്മദ് ദുബായില്‍ നിര്യാതനായി. 55 വയസായിരുന്നു. നസീമയാണ് ഭാര്യ. ഷമീമ, ഷഹീന, റംലത്ത് എന്നിവരാണ് മക്കള്‍. ദുബായിലെ ഒരു ഇലക്ട്രോ മെക്കാനിക്കല്‍ കമ്പനിയില്‍ പി.ആര്‍.ഒ ആയിരുന്നു. കഴിഞ്ഞ 30 വര്‍ഷമായി യു.എ.ഇയിലുണ്ട്.

ഒറ്റപ്പാലം തോട്ടക്കര അയ്യംകൊട്ടില്‍ ദിലീപ് കുമാര്‍ ദമാമില്‍ ഹൃദയാഘാതം മൂലം മരിച്ചു. ജ്യോതിയാണ് ഭാര്യ. മേഘ, ശിവന്‍ എന്നിവരാണ് മക്കള്‍. ഒന്‍പത് മാസം മുമ്പ് സൗദിയില്‍ എത്തിയ ദിലീപ് ദമാമിലെ ഒരു കമ്പനിയില്‍ ജോലി ചെയ്യുകയായിരുന്നു.