ഒരുമനയൂര്‍ സ്വദേശി വട്ടം പറമ്പില്‍ പി. എം. ഖാദറുണ്ണി (62) ഇന്നലെ രാത്രി കുവൈറ്റില്‍ വെച്ച് മരണപ്പെട്ടു. ഹ്യദയാ ഘാതമായിരുന്നു മരണ കാരണം. പരേതനായ വട്ടം പറമ്പില്‍ മോനു മുസ്ലിയാരുടെ മകനാണ്. ദീര്‍ഘ കാലം അബുദാബിയില്‍ ജോലി ചെയ്തിട്ടുണ്ട്. ഇപ്പോള്‍ കുവൈറ്റിലാണ്. വന്‍മേനാട് സ്വദേശിനി നഫീസയാണ് ഭാര്യ. ദുബായില്‍ ജോലി ചെയ്യുന്ന ജസീര്‍ അടക്കം മൂന്ന് മക്കളുണ്ട്. ഖബറടക്കം ഞായറാഴ്ച നാട്ടില്‍ നടക്കുമെന്ന് ബന്ധുക്കള്‍ അറിയിച്ചു.

– പി. എം. അബ്ദുല്‍ റഹിമാന്‍, അബുദാബി

ദുബായ് അലൈന്‍ റോഡില്‍ ലെഹബാബിന് സമീപം ഇന്നലെ രാവിലെയാണ് അപകടമുണ്ടായത്. അപകടത്തില്‍ നാല് മലയാളികള്‍ മരിക്കുകയും 11 പേര്‍ക്ക് പരിക്കേല്‍ക്കുകയും ചെയ്തു. കണ്ണൂര്‍ കാപ്പാട് തിലാനൂര്‍ പറമ്പത്ത് മൈലാഞ്ചി അബ്ദുറഹ്മാന്‍റെ മകന്‍ ഷിഹാബുദ്ദീന്‍ (30), കൊല്ലം പരവൂര്‍ കോങ്ങല്‍ ഹൈദ്രോസിന്‍റെ മകന്‍ ജാഫറുദ്ദീന്‍ (54), കൊടുങ്ങല്ലൂര്‍ കൂളിമുട്ടം ഉണ്ണിയമ്പാട്ട് അബ്ദുല്‍ ഖാദറിന്‍റെ മകന്‍ അഷ്റഫ് (38) , കൊടുങ്ങല്ലൂര്‍ മേത്തല മണ്ണാര്‍ വീട്ടില്‍ സെയ്ദു മുഹമ്മദിന്‍രെ മകന്‍ ഷിഹാബ് (26) എന്നിവരാണ് മരിച്ചത്.

കാസര്‍ക്കോട് സ്വദേശികളായ മുരളീധരന്‍, അന്‍വര്‍, ശശിധരന്‍ എന്നിവരടക്കമുള്ള പരിക്കേറ്റവര്‍ ദുബായ് റാഷിദ് ആശുപത്രിയില്‍ ചികിത്സയിലാണ്.

ദുബായ് ജബല്‍ അലിയിലെ ഇന്‍വസ്റ്റ് മെന്‍റ് പാര്‍ക്കിലെ അല്‍ മുഖദ്ദം കമ്പനി ജീവനക്കാരാണ് മരിച്ചവരെല്ലാം. അലൈനിലെ കമ്പനി താമസ സ്ഥലത്ത് നിന്ന് രാവിലെ ജോലി സ്ഥലത്തേക്ക് പുറപ്പെട്ടവരാണ് അപകടത്തില്‍ പെട്ടത്. ഇവര്‍ സഞ്ചരിച്ചിരുന്ന മിനി ബസിന് പിറകില്‍ കാര്‍ വന്നിടിച്ചതിനെ തുടര്‍ന്ന് നിയന്ത്രണം വിട്ട് റോഡിന് നടുവിലെ ഡിവൈഡറില്‍ ഇടിച്ച് മറിയുകയായിരുന്നു.

മൃതദേഹങ്ങള്‍ നടപടികള്‍ക്ക് ശേഷം നാട്ടിലേക്ക് കൊണ്ടു പോകുമെന്ന് ബന്ധുക്കള്‍ അറിയിച്ചു.

ബഹറിനില്‍ മലയാളി തൂങ്ങിമരിച്ചു. അമേരിക്കിന്‍ എംബസിയിലെ അക്കൗണ്ടന്‍റായ സംഗമേശ്വരനെ താമസസ്ഥലത്ത് തൂങ്ങിമരിച്ച നിലയില്‍ കണ്ടെത്തുകയായിരുന്നു. 48 വയസായിരുന്നു. ഭാര്യയും രണ്ട് കുട്ടികളും ഉണ്ട്.

കായംകുളം ചേരാവള്ളി സ്വദേശി അമ്പിയില്‍ കിഴക്കേതില്‍ ആനന്ദിന്‍റെ മകന്‍ സുഭാഷ് ആനന്ദ് മസ്ക്കറ്റില്‍ അന്തരിച്ചു. 41 വയസായിരുന്നു. അല്‍ കൗദ് സ്റ്റീല്‍ കമ്പനി ജീവനക്കാരനായിരുന്നു സുഭാഷ്.

സൗദിയിലെ ലൈല് അഫ് ലാജില്‍ മലയാളി യുവാവ് വാഹനാപകടത്തില്‍ മരിച്ചു. തൃശൂര്‍ തുമ്പൂര്‍ സ്വദേശി ലിനോ ഇബ്രാഹിം ആണ് മരിച്ചത്. 27 വയസായിരുന്നു. അഞ്ച് വര്‍ഷമായി സൗദിയിലെ ഒരു പത്രവിതരണ സ്ഥാപനത്തില്‍ ജോലി ചെയ്യുകയാണ്. അവിവാഹിതനാണ്.